台灣素食品

舊年我發現Glasgow 既中式超市越來越多台灣食品賣!

原來因為舊年英國開咗一間based 喺倫敦既台灣食品入口公司 - Taipec 台沛;

而Glasgow 有好幾間中式超市成為咗台沛蘇格蘭既分銷處，所以近依一年多咗好多我以前未見過既台灣食品!

 早排我買咗枝西螺名產大同蔭油膏~

台灣西螺水質 + 氣候都好適合釀造醬油，所以西螺既醬油膏特別出名! (出名牌子e.g. 丸莊、大同、瑞春、華泰......)

大家買醬油膏記住認清要係西螺出產喎!

 早2星期見到依樽叫做"台灣香椿醬"既野......

 有個好勁 + 好有代表性既英文名叫做"Taiwan Sauce"!

之前聽都未聽過香椿醬，亦唔知點用~

於是返屋企上網搵搵香椿醬究竟用來點食......

原來可以用來撈麵 + 炒飯，即時買樽返來試試!

 試過用來撈麵，非常好味!

最特別係樽醬材料係齋來，有黃豆 + 菇......不過食落有少少似肉燥啊!!

 一大pack 有12件既菜脯酥......

 裡面每件菜脯酥都係獨立包裝既!

 口感脆脆味道鹹香，口痕時可以空口當零食，又可以用來送粥呢!

 方便即沖玉米濃湯 (仲未試~ 唔知好唔好味.......)

 永和豆漿

見同牌子永和仲有其他口味咩紫米、朱古力......唔啱我~ 我都係要飲返原味!

味道不過不失唔算香濃，不過佢話非基因改造黃豆精製 + 不含防腐劑~

而且我鍾意佢細細枝既包裝，一次一定飲得哂!!


題外話...... 台灣野包裝真係好鬼溫馨既啫~~~~

上次台灣blog 友寄來包裹，郵局包裹盒上有隻無厘頭"幸福之鴿"(網誌);

 今次枝豆漿有個更無厘頭既公仔頭，下面有句無厘頭"永遠的朋友 和樂的家庭"...

(枝豆漿係我"永遠的朋友 + 和樂的家庭"!?!!!??)

無厘頭得來拔蘇cute!   I like it~~~