2011年4月19日星期二

學習


99曲藝社7月又有表演~ 因為我識中文打字,所以99搵我幫手整理修改好既歌詞曲譜!

我彈鋼琴一向睇慣依種打橫既豆豉五線譜......

 無論識唔識玩樂器都好,應該人人都知道五線譜係咁既樣;
不過我唸粵劇曲譜就未必人人都見過嘞!

 一大咋尺咩乙咩士咩合咩六咩......

睇到頭暈眼花兼完全唔明搲哂頭.....


我第一次見依種曲譜架咋!!

 經99講解後,果大咋我睇唔明既"乙工尺合士六...",原來就係等於西方樂譜既do re mi fa so! 

左邊果行好有文化氣息既句子就係歌詞,所以歌詞每個字都要對返曲譜中既工工尺尺!!

除咗一大咋我睇唔明既do re mi fa so 之外......

仲有好多專用詞e.g. 禿唱,我都唔明白係咩來.......

今次如果唔係99叫我整理曲譜,我唸我都無機會見識到中式曲譜係點!  又幾有趣喎!!

雖然我仍然有好多唔明白,不過今次我除咗學識咗中式曲譜同西方曲譜既分別之外,我仲學識咗點樣用Word 打直來打中文字~  (由識用Word 咁耐以來都未試過打直打中文呢! )

每個學習過程當中,多少都總會有得著既!

>>>>>>>>>>>>>>>>>>>>>>>>>>>>>>>>>>>>>>>>>
來緊99 7月既表演,當然我又會去捧場兼負責影吓相啦~

Weekend 返99度食飯,99順便叫老公整理上次表演時我影既相來曬返比佢d朋友時,再次讚我影相靚......

就係咁以"99表演要影靚相"為名,我有個"好充份"既理由累老公送枝閃光燈過我嘞!

哇哈哈~~~~

老公如常易話為地落咗搭~ 仲見佢即時喺FB請教玩開攝影既高人,介紹枝啱我用既閃光燈呢!

高人好熱心,即時介紹咗枝好啱我心水 + level 既好野過我呢~

希望快d到手可以擁有佢啦~~~~~~



18 則留言:

  1. 其實不用說到 "累"Mr T送枝閃光燈比妳呢? 我深信只要妳說喜歡的他都會送給妳 ! 一定的呢!
    [版主回覆04/21/2011 05:13:00]嘻嘻~~~ "累"佢係我一向慣用既詭計!
     
     

    回覆刪除
  2. 你呢位媳婦咁細心, 99實好冧呀...
    [版主回覆04/21/2011 05:12:00]過獎嘞~ 打幾隻字好小事舉手之勞來啫!
     
     

    回覆刪除
  3. MRS. T,真係令讓我大開眼界了,“ 乙工尺合士六...",原來係do re mi fa so,有趣有趣,你果然係又孝順又賢淑呀!
    [版主回覆04/21/2011 05:11:00]我第一次見中式曲譜,我都大開眼界感覺好得意呢!
     
    不過打吓字好小事舉手之勞,算唔上孝順又賢淑......
     
     

    回覆刪除
  4. 妳99一定錫哂妳~~妳咁聽話
    [版主回覆04/21/2011 05:09:00]打吓字好小事舉手之勞啫!
     
     

    回覆刪除
  5. 點樣打直打字??
    [版主回覆04/21/2011 05:08:00]好似平時咁打橫打字,打完後去Format,將Text Direction 改做打直~
     
     

    回覆刪除
  6. 粵曲曲譜真係好深喎....  
    [版主回覆04/21/2011 05:05:00]第一次見粵曲曲譜,覺得好得意啊!
     
     

    回覆刪除
  7. 抵錫!
    [版主回覆04/21/2011 05:03:00]嘻嘻~~~ 我老公都覺得我抵鍚!
     
     

    回覆刪除
  8. 嘩! 真係睇到  , 你重要打埋出嚟, 勁!
    [版主回覆04/21/2011 05:02:00]整理 + 打字其實好快,只係要對返有無打錯字或者打錯位置比較花時間~
     
     

    回覆刪除
  9. 呢真係個好新抱!
    [版主回覆04/21/2011 05:01:00]打吓字好小事舉手之勞啫,算唔上好新抱......
     
     

    回覆刪除
  10. 我都未見過粵曲既曲譜,睇落都非常複雜,咁你咪有排打,真係個好新抱
    [版主回覆04/21/2011 05:00:00]打字就好快啫,我打中文都幾快架! 只係打完之後prove read 比較花時間~ 打吓字又唔算得上好新抱......
     
     

    回覆刪除
  11. 好新抱兼好助手喎!
    [版主回覆04/21/2011 04:58:00]打吓字舉手之勞啫,算唔上咩好新抱 + 好助手......
     
     

    回覆刪除
  12. 你唔係一個好新抱,你係一個十分超級可愛的好好新抱呢
    [版主回覆04/21/2011 19:16:00]我真係算唔上好新抱呢~  不過我好幸運有一個溫柔易相處既好99!
     
     

    回覆刪除
  13. T媽媽一定錫到你火農啦~ haha

    回覆刪除
  14. T媽媽一定錫到你火農啦~
    [版主回覆04/21/2011 19:14:00]我99係一個好99,佢一向都對我好好~
     
     

    回覆刪除
  15. 謝謝妳嘅分享呀,我之前都未見過 粵劇曲譜,今日學到嘢啦
    [版主回覆04/22/2011 02:34:00]you're welcome pp cute!
     
    今次我都係第一次見粵劇曲譜咋! 我就係覺得幾得意,所以同大家分享吓囉~
     
     

    回覆刪除
  16. 你就好啦,我奶奶好煩架~~~
    [版主回覆04/22/2011 02:32:00]咁人人性格都唔同既,人夾人緣嘛~
     
     

    回覆刪除
  17. 我也是第一次見識原來粵劇譜長這樣!不過不是說中國古典音樂只有“宮商角徵羽”這五個音嗎?對應西洋樂譜的do re mi sol la,而沒有fa 和ti 這兩個“黑鍵”的音。我看那些“工尺乙”bla bla不只五個呢~ 你知不知道怎麼回事?
    [版主回覆04/23/2011 08:07:00]我見過有幾種講法......
     
    (1) 宮商角徵羽係音名; 而上面果種工尺譜既工合上尺士就係唱名,相等於西方音樂既do re mi sol la (妳講得無錯 - 中國古典音樂只有5個音!) 但至於兩者有乜分別我就唔清楚嘞....
     
    (2) 另一講法係 - 宮商角徵羽係比工尺譜更古老曲譜! 換句話說工尺譜係比較後期既~
     
    妳指出工尺譜唔止5個音,係因為而家大部份粵劇都係現代創作來嘛! 音階變化比中國古典樂曲多咗並唔出奇!
     
     

    回覆刪除
  18. 原來如此~ 長見識! 你介不介意我借照片一用?想讓別人也看看還有這樣的曲譜。
    [版主回覆04/26/2011 01:08:00]相片隨便攞去用啦!
     
     

    回覆刪除

Related Posts Plugin for WordPress, Blogger...