鹵水拼盆

老公返咗香港得我一個人食自己......
依個時候最啱就係整一d老公好憎，但我就好鍾意既食物!

早幾日整玫瑰豉油雞，剩低小半煲豉油汁......
隨手揼咗隻滷包落去，再加d水 + 冰糖，變成一煲鹵水汁!

 整咗大碟鹵水內臟......


最近好鍾意"開口及著脷" - 及著條豬脷!
上2次煲湯都用咗豬脷，好似食上咗癮.......

 今次依2條直接用來整鹵水!


1. 豬脷汆水5分鐘後過冷河沖淨，用刀刮去脷苔厚皮，再沖水洗淨備用。(如何處理豬舌脷苔厚皮?)

2. 煮滾鹵水汁，放入已處理好的豬脷，煮至鹵水汁回大滾後，上蓋轉小火炆滷約1小時後熄火。

3. 讓豬脷浸焗30分鐘後，取出切片即成。


今次第一次整鴨舌 + 生腸......

 1. 急凍鴨舌 + 生腸解凍後洗淨。

2. 煲滾一鍋水，放入蔥1條、薑2片和紹酒1湯匙。

3. 鴨舌進鍋汆水1分鐘後即撈起過冷河至全涼備用。

4. 豬生腸進鍋，水回滾後轉小火汆水20分鐘後，取出過冷河至全涼備用。

5. 煮滾鹵水汁，放入已汆水的鴨舌和豬生腸，煮至鹵水汁回大滾後轉小火，鴨舌炆滷約10分鐘後撈起; 豬生腸則炆約30分鐘。(不要蓋上蓋!)

6. 熄火後鴨舌回鍋，讓鴨舌和生腸浸最少半時小即成。

 一直以為生腸係豬既小腸......原來竟然係豬乸子宮 + 輸卵管!