2011年4月25日星期一

念念不忘.......(2011年4月23 + 24日)


復活節幾日連假無乜特別節目......都係買買食食咁啦!

 上星期shopping 時買咗個紫色Le Creuset 茶壺 (網誌)......

 當時已經見到佢架嘞,即時心大心細......但又唔知買來做咩喎,所以最後無買到~
不過之後我一直對佢念念不忘囉囉孿.......

  最後終於比我唸到可以咁用!

 忍唔住帶埋佢返屋企同個茶壺團聚~

除咗個LC utensil jar,另外仲買咗......

 Joseph Joseph 深灰正方型仔筲簊;

 依2塊扭紋寶矽膠墊係買比V媽媽既!

老公: Honhon~ 妳自己就用Le Creuset,買Circulon 比妳媽咪!!?!?!


我: 我夠想買Le Creuset 比佢啦~ 不過黑色賣哂嘛,五顏六色佢唔要架!!

(唸到我咁鬼孤寒! 反正咪又係你比錢,我係唔會同你慳既!!)

 Kitchen Craft Icing Bottles (蛋糕畫花紋or 寫字用!)

 超可愛蘑菇cup cake cases

 玫瑰乳木果骨膠原維他命手部深層護理~

去咗轉Waitrose......


一般超市既豬油(lard)賣得好賤價好鬼平,幾十個p 有交易......

 不過依樽Iberico Pork Fat - 西班牙黑毛豬豬油就要£3.49!!

據聞西班牙黑毛豬主食橡果,令油份帶一股醇和甘香云云......

依樽貴豬油用來撈飯應該好正~~~~~~

 白豆Manchego 芝士Tapas (£3.29)

食完仲可以keep 返個陶兜仔!


依個牌子既Pesto 每一間超市都有得賣......

 不過依隻新鮮莞茜味就唔知點解唔係間間超市都有嘞! 

以前Tesco 都有得賣,不過而家就要特登去Waitrose 先買得到依個味!! 


本來想買d大白菜來醃kimchi.....

 不過比我喺泗和行發現依大樽正宗韓國kimchi 好鬼抵買!!

 擺枝豉油喺隔離比大家睇吓有幾大樽先~ 咁大樽kimchi £3都唔洗,抵到爛!!

等食哂後留返個樽用來自己醃kimchi 就啱哂嘞!





22 則留言:

  1.  西班牙黑毛豬豬油?
    期待你的試食報告呀!
    [版主回覆04/26/2011 01:14:00]從未買過咁鬼貴既豬油!
     
    搵日整碗豬油撈飯試試先~
     
     

    回覆刪除
  2. 情若無花不結果2011年4月25日 上午9:15

    z z z z, 我瞓醒啦。
    [版主回覆04/26/2011 01:13:00] ???????
     
     

    回覆刪除
  3. V 女 大豐收!
    [版主回覆04/26/2011 01:13:00]嘻嘻~~~~ shopping 係我強項來!
     
     

    回覆刪除
  4. Mrs T, I've got your utensil jar too! Mine is red... 
    [版主回覆04/26/2011 19:24:00]it is a good utensil jar, big enough!
     
     

    回覆刪除
  5. 其實逢係紫色都可以俘虜我的心,god!!!!!!!!!!!!!!!
    [版主回覆04/26/2011 19:22:00]其實我又唔算鍾意紫色,只係見依隻紫色夠深色唔太鮮艷我先覺得唔錯~
     
     

    回覆刪除
  6. V女 果然大收獲
    [版主回覆04/26/2011 19:21:00]今次收穫麻麻地啫!
     
    不過啱啱發現影漏咗張新櫈......
     
     

    回覆刪除
  7. 嘻嘻!  我都好想知道,   豬油是什麼味道?
    [版主回覆04/26/2011 19:20:00]我平時都有用豬油來撈麵,煮溶咗既豬油好香架!
     
    唔知依樽貴豬油會唔會更香更好味呢?
     
     

    回覆刪除
  8. 我今早睇雜誌見Le Creuset 有個honey mug 呀,黃色,好靚ka。
    [版主回覆04/26/2011 19:18:00]我唔係個個顏色都鍾意架!  我本身唔鍾意廚具太colourful,尤其太鮮艷既顏色.....
     
     

    回覆刪除
  9. 係呢..幫佢慳錢佢又唔知...男人個個都係咁喇...
    [版主回覆04/26/2011 19:16:00]我唔係幫佢慳錢喎! 事實LC 黑色係賣哂,V媽媽同我一樣唔鍾意咁colourful!
     
    就算我要幫佢慳錢,我都會買LC 比V媽媽,自己用Circulon~
     
     

    回覆刪除
  10. 又有收穫....真開心...
    [版主回覆04/26/2011 18:52:00]我去親shopping 好少會空手而回~  
     
     

    回覆刪除
  11. 《Ka MaN 日記》2011年4月26日 上午2:49

    有好多收穫。。。。
     
    [版主回覆04/26/2011 18:48:00]今次收穫麻麻地啫~ 不過啱啱先醒起........我仲影漏咗張櫈喎!
     
     

    回覆刪除
  12. 好意見!下次叫個朋友一齊去 Lakeland 行吓先!
    [版主回覆04/26/2011 19:34:00]
     
     

    回覆刪除
  13. 你都好勇喎,    平時都用豬油撈麵     不怕變肥肥。
    [版主回覆04/26/2011 20:07:00]我由細到大都係油浸唔肥! 反正又唔係日日豬油撈飯撈麵,我唔怕喎!!
     
     

    回覆刪除
  14. 我都係用依隻豉油,不過我媽咪話N.Ireland冇得賣
    又見到紫真係好吸引我
    [版主回覆04/26/2011 20:19:00]李錦記都無得賣?  其實依度仲有一隻李錦記雙璜生抽架,不過價錢over double,用來醃野唔捨得買咁貴啊!
     
    嘻嘻~~~ 唔係特登post 紫色野來引妳架!  
     
     

    回覆刪除
  15. 玫瑰乳木果骨膠原維他命手部深層護理同樽豬油都好鬼吸引呢
    [版主回覆04/26/2011 23:44:00]今晚試吓個手部深層護理!
     
    樽豬油仲未知幾時試~ 希望物有所值啦!
     
     

    回覆刪除
  16. hehe...just joking...估唔到Auntie都咁型like black...最緊要靚, 咩牌子都唔緊要...
    [版主回覆04/26/2011 23:40:00]V媽媽唔係like black,只係唔like 五顏六色~  我由細到大見佢用既碗碟湯匙,全部都係一set 純白色無,其實我係受V媽媽影響所以都唔鍾意太colourful 既廚具!
     
    咁煮野食用具既牌子其實真係唔緊要喎! 所謂靚廚具都係個人喜好多,最重要始終都係用者識唔識煮! 唔識煮既話有個幾靚既煲都無用~
     
     

    回覆刪除
  17. give me 5, 我都有呢個 spatula crock  個 mushroom cupcake cases 真係超可愛  
    [版主回覆04/28/2011 02:58:00]妳個係咩色呀?
     
    超市既cup cake cases 都好普通唔多靚,有d仲好老土呢! 所以我行開廚具精品店一見到有靚既cup cake cases 就會買架嘞~
     
     

    回覆刪除
  18. Gaileは林家歐巴桑2011年4月27日 上午1:51

    我又入黎睇妳買咗d咩LC product嘞,不過我冇唔抵得果喎,因為我知妳唔係死硬飯屎
    [版主回覆04/28/2011 02:55:00]我唔係齋買LC野架,我shopping 好多元化架!  學妳話齋 - 我唔係死硬飯屎來嘛!
     
     

    回覆刪除
  19. 你就好啦 又有咁多新玩具 香港地方真係太細啦
    [版主回覆04/28/2011 02:53:00]多無用架,最緊要會用嘛!  我見有好多香港網友仲勁過我啦~
     
     

    回覆刪除
  20. Le Creuset 這品牌的products , 真是很多喜愛入廚的朋友愛收藏的呢! 不過我對colourful 的廚具有點抗拒 , 所以沒有瘋狂的購買 , 不過我對Staub 這品牌的廚具較喜歡 , 兩者相比個人認為Staub 手工好像精細點 , 但礙於家中廚房較細 , 都只能選購一兩個吧, 而且還清一色的黑色呢! 總括而言我是一個大悶蛋 , haha! 
    [版主回覆04/28/2011 20:13:00]我唔係買來收藏架,我真係買來用架!   其實我都好抗拒五顏六色既廚具,不過好多時買既型號大小未必有自己既心水色,所以我會選一d唔太鮮艷唔太bright 既顏色就可以嘞,鮮黃鮮紅青綠果咋唔洗預我~
     
    我同妳相反喎 - 我反而覺得Staub 手工好粗糙!  聖誕時返香港喺CitySuper counter 研究過佢d煲,幾乎隻隻display 搪瓷層都塗得唔均勻,有好多煲邊都有水滴位凸出來! 之後去工展會睇過又係咁.......仲有 我依邊見到Staub 既stoneware - 幾乎隻隻都有黑點瑕疵!  我自己就覺得LC 手工精細好多嘞! 而且我一向都覺得LC 外型靚過 + classy 過Staub~   
     
     

    回覆刪除
  21. 妳個係咩色呀?>>> 紫色, 同你一樣 
    [版主回覆04/29/2011 22:39:00]OIC!
     
     

    回覆刪除
  22. 豬油!我真係無留意過香港有冇得賣! 想知西人會點用啲豬油? 我同意妳講LC手工係好過Staub!
    [版主回覆04/29/2011 22:46:00]香港好多人搓包都會用豬油果喎! 我見人地話百佳 + 烘焙店都有得賣~
     
    洋人都係用豬油來baking,多數係pastry!
     
    LC / Staub 邊個手工好d就見仁見智啦~ 不過我個人覺得LC cast iron or stoneware 手工都比Staub 精細! 畢竟LC 歷史比Staub 悠久~ 
     
     

    回覆刪除

Related Posts Plugin for WordPress, Blogger...