2011年4月23日星期六

二人世界三餸一湯 - 2011年4月21日 (附食譜)


金銀菜紅蘿蔔羅漢果煲豬腱; 香辣蕨菜炒豬肉; 蠔仔煎蛋 & 炒菜心


Mr.T 由香港返咗來足足一個星期都無煮過飯!

本來星期三(4月20日)想煮架嘞,不過去完泗和行買餸後.......

 最終行咗過隔離昆仲軒打邊爐!

 天氣熱屎辣辣打邊爐不特止,仲要來個冬蔭鍋,食到我滿頭大汗兼咀唇辣到紅卜卜!!

 不過真係好正,食得好過癮呢!

 d蟶子皇幾鬼大隻! 而且隻隻都係生猛會郁架!!


不過打完邊爐即晚已經感覺好熱氣......

 所以第二日要煲返個金銀菜紅蘿蔔羅漢果煲豬腱下下火潤返吓!

(材料多個名好鬼長啊~~~~~~ )


早幾晚睇電視一個叫做"Dining with Death"既節目,介紹世界各地唔同國家種族既奇特飲食習慣 - 一d平常人食咗可能會死既食物e.g. 毒菇......

當中介紹韓國濟州島既人好鍾意自己採集 + 烹調一種叫做"bracken" 既野菜,依種野菜仲成為咗當地既地道美食呢~

不過據聞bracken 係會致癌既!

所以韓國政府亦勸籲市民要採集較嫩既bracken,來減低多食會患癌既機會......

我一睇......吓????????? 原來bracken 咪即係蕨菜!!?!?!?

 原來我 + Mr.T 之前去台灣烏來食泰雅菜時食都過喎!

 而且我見泗和行都有得賣!!

不過就咁......中國人、台灣人、韓國人 + 日本人都習慣食蕨菜,我相信唔見得人人都會患癌既~ 

我相信凡事適可而止唔好太過份,就應該唔會有問題架嘞!

所以我都買咗一包香辣蕨菜來試吓! 試吓之嘛,反正唔會成日食~

 食落口感似金針,用來炒豬肉真係好香辣!

不過我就覺得香辣味過咗龍,蓋過哂蕨菜本身既食味,我覺得喺台灣食既新鮮炒蕨菜好味好多!!

不過炒完後d豬肉就好正~~~~~


電視介紹台灣美食見到蚵仔煎.......

 引到我流哂口水又要整返碟!

包急凍韓國蠔仔實在太大包嘞 - 依碟蠔仔煎蛋已經用咗7隻雞蛋去煎.......

仍然超級足料到蠔仔多過雞蛋!!


上星期只見櫻花樹含蕾準備開花.......

 只過咗幾日就完全盛開咯喎!




 金銀菜紅蘿蔔羅漢果煲豬腱食譜click here~

 香辣蕨菜炒豬肉食譜click here~

 蠔仔煎蛋食譜click here~




17 則留言:

  1. 情若無花不結果2011年4月23日 上午5:15

    我都開飯。
    [版主回覆04/23/2011 20:36:00]大家齊齊開啦!
     
     

    回覆刪除
  2. 今年天氣真係唔錯。星期日我地去左愛丁堡,好暖呢。
    [版主回覆04/26/2011 00:22:00]暫時來講今年夏天天氣都還可以,但又唔算叫做好好~
     
    妳上星期來蘇格蘭呀?
     
     

    回覆刪除
  3. Gaileは林家歐巴桑2011年4月23日 上午7:55

    吓??證實咗佢會政癌架??點解我地上網search又話佢清熱 不過唔係成日食應該ok既
    [版主回覆04/26/2011 00:21:00]無話証實會致癌,只係有d科學家話大量進食蕨菜會增加患癌既機會,情況就好似話食三文魚會致癌咁上下囉!
     
     

    回覆刪除
  4. 你嗰邊D櫻花樹都好靚哦...
    蠔仔煎蛋好好味呢...見到我就想煮蠔餅...
    [版主回覆04/26/2011 00:19:00]係呀~ 我依邊春天好多櫻花樹架!
     
    香港買蠔仔好新鮮啦,快d去買來煎啦!
     
     

    回覆刪除
  5. (Empty)
    [版主回覆04/26/2011 00:18:00]Happy Easter Maggie!
     
     

    回覆刪除
  6. 煮野好手勢WOR!
    [版主回覆04/26/2011 00:17:00]多謝來訪!
     
     

    回覆刪除
  7. V女 你果邊的櫻花開得好靚呀 
    [版主回覆04/26/2011 00:17:00]話咁快櫻花已經開到水尾開始有落櫻嘞~
     
     

    回覆刪除
  8. 我們這邊(溫哥華)的櫻花已經開完了
    [版主回覆04/26/2011 00:16:00]我地依邊都開到水尾,開始有落櫻嘞~
     
     

    回覆刪除
  9. 未食過 蕨菜wo..唔知係咩味既呢??
     
     
     
    [版主回覆04/26/2011 00:15:00]依隻香辣蕨菜口感似金針,味道就係"香辣"囉!
     
    不過新鮮蕨菜口感爽脆味道清鮮~ 新鮮既好食好多!!
     
     

    回覆刪除
  10. 蠔仔餅睇到我流口水(重要係超級足料)
    櫻花好靚呀
    [版主回覆04/26/2011 00:12:00]我都好鍾意食蠔仔煎蛋,真係好鮮味呢!
     
    話咁快櫻花開完花開始落櫻啦~
     
     

    回覆刪除
  11. 見到你食火鍋,真係引到我呢.....................
    [版主回覆04/26/2011 00:11:00]Glasgow 有幾間打邊爐架,不過泗和行既最好食!
     
     

    回覆刪除
  12. *×◆..嘉b`*PINKY× || °..“2011年4月25日 上午3:49

    櫻花好靚呀^00^ 係bo~你食果個火 鍋好似好 辣咁....@@" 記得煲d涼茶飲丫^^~
    [版主回覆04/26/2011 00:09:00]係呀~ 蘇格蘭d櫻花係幾靚架!
     
    今次個冬蔭鍋真係幾辣! 不過涼茶唔可以隨便飲,要視乎自己體質架! 我一向都好少飲涼茶,煲返d比較清潤既湯水飲吓就得架嘞~
     
     

    回覆刪除
  13. (Empty)
    [版主回覆04/26/2011 00:01:00]Happy Easter!
     
     

    回覆刪除
  14. 塔羅女神-王姬2011年4月25日 上午9:05

    蟶子皇係賣飛佛呀!!!
    你o個碟蚵仔 煎都唔算係 蚵仔呀!大蚵煎就差唔多!我見到粒粒都好大粒呀!我今晚都係食呢個呀!不過D蚵仔變左鰻魚
    食一餐蕨菜應該沒事o既,不過佢個樣咁健康,真係估佢唔到
    PS. D櫻花好靚呀!
    [版主回覆04/26/2011 01:25:00]蟶子皇係蘇格蘭特產來架! 不過我比較鍾意食香港果種細細隻既蟶子多d~
     
    哈哈~~~~ 我依包真係蠔仔來架咋! 不過比香港既蠔仔大粒d,我用來整炸蠔果d就勁大隻嘞!!
     
    鰻魚煎蛋好特別喎! 我唸應該會好好食呢~
     
    果d節目危言聳聽啫! 如果日日食又食好多既話,咁就食乜都會生癌啦! 食乜都好,最重要係適可而止唔過份,我覺得唔會有大問題!
     
    櫻花開到水尾咯~ 開始有落櫻嘞!
     
     

    回覆刪除
  15. 係呀,生日禮物,過壓一晚
    [版主回覆04/26/2011 19:57:00]OIC! Happy belated Bday 啊~
     
     

    回覆刪除
  16. 我未食過蕨菜亦都未見過...我真大鄉理...我都係第一次聽尼種菜名咋...
    [版主回覆04/26/2011 19:56:00]都唔係大鄉里既 ,咁香港 + 澳門無蕨菜嘛! 我之前都係去台灣先有機會試得到~
     
     

    回覆刪除
  17. KwokMan kuen eunice2011年4月29日 上午6:07

    蠔仔我中意牙,,,最中意煎蠔餅
    去親大排檔都食
    [版主回覆04/29/2011 21:47:00]依個就算我以前喺香港都好少出街點來食,多數都係V媽媽整既~
     
     

    回覆刪除

Related Posts Plugin for WordPress, Blogger...