白酒鮮蜆大蝦意粉 (Spaghetti with Clams & King Prawns in White Wine)

1. 蜆洗淨並瀝乾; 己熟大蝦用廚房紙抹乾水份。

P.S. 我用既係連殼急凍蜆! 若用生猛活蜆既話，買返來既蜆要用鹽水養數小時吐沙 (最好養過夜!); 另外喺水中放入金屬物品，亦會幫助蜆吐沙~

2. 蒜頭和紅辣椒切片; 新鮮歐芹(Parsley)剁碎; 意粉煮熟過冷河備用。

3. 鍋中燒熱橄欖油，爆香蒜頭片。

4. 放入蜆兜炒數下後加入白酒約150ml。(份量可隨個人喜好增減~)

5. 兜勻數下後蓋上鍋蓋焗3至4分鐘，間中左右搖動煲身。

6. 揀出將沒有打開的蜆棄掉，加入意粉和熟大蝦兜勻。

7. 用少許雞粉或鹽和磨碎黑胡椒調味。

8. 最後加入紅辣椒切片(optional)和歐芹碎兜勻即成。