我手術後喺屋企休息咗一段時間，期間租DVD睇咗好多戲，當中有好有壞，不過因為當時休息緊無乜精神記低~ oh well......
尋日(3月19日)睇咗"Julie & Julia" (茱莉對茱莉亞: 隔代廚神)~
Love it + hate it - love Julia but hate Julie!
故事based on 兩段真人真事 - 2個生活喺唔同時代既女性 - Julia Child + Julie Powell，2人同樣熱愛烹飪，亦因為烹飪加上機緣巧合下，各自活出精彩人生......
先講Julia......Julia Child 實在太可愛嘞!
性格樂天率性，不屈不撓有毅力; 仲有一位好sweet好愛鍚佢，事事支持鼓勵佢，會同佢"癲"埋一份既丈夫，真係令人羨慕! 
Julia 生於美國加州，因為丈夫工作關係而隨夫到巴黎生活，因為覺得生活無聊，37歲時毅然入讀Le Cordon Bleu (巴黎藍帶廚藝學校)學習烹飪，喺當時社會只有男性學廚藝既時代，正式考取咗廚師牌照開班教烹飪~
後來Julia 另外2位志同道合既朋友Simone Beck + Louisette Bertholle 合著咗"Mastering the Art of French Cooking" - 一本向美國人介紹法國廚藝既食譜書，經過多年同不同出版商交涉，當中雖然試過失敗，但食譜書最後終於喺1963年正式出版，至今已出版第49版!
Julia Child 後來喺美國仲有幾個由佢主持既電視烹飪節目呢!
依段係Julia 電視烹飪節目 - The Frech Chef 教授處理龍蝦既片段......
睇完後我覺得Julia Child 真係好勁好有料!
佢對食材既知識真係令我好佩服啊!!
片長約10分鐘，我睇到約02.35既時候已經愛上咗佢!!!!
"There he is~ flap, flap, flap, flap, flap......"
哈哈~~~~ She's so CUTE!!!!
整套戲基本上都係根據真實Julia Child 既生平而拍......
Meryl Streep 的確係演Julia Child 既最佳人選 - 無論外型、神態甚至accent 都模仿得好神似!
相反，我點解咁唔鍾意戲既另一半主角Julie Powell 呢?表面上看似Julie Powell 同Julia Child 好相似 - 佢地2個都熱愛烹飪，同樣有一位非常愛鍚佢地既老公，不過......
Julie Powell 2002年開始寫一個名為"The Julie / Julia Project"既blog，blog 既內容係佢決定紀錄用1年時間，去嘗試完成Julia Child 所著"Mastering the Art of French Cooking"裡面每一道菜，共524食譜，以寫網誌形式去紀錄過程~
後來Julie Powell 既blog 開始受網友支持，受報章注意......最後Julie Powell 仲得到出版食譜書既機會，正式成為食譜書作者......
睇緊戲既時候，當Mr.T 睇到Julie 收到blog 友寄比佢既禮物......
Mr.T: Honhon~ 妳好似佢喎!Mr.T 既意思係 - 我都係因為鍾意煮野食而開始寫blog; 後來又因為個blog 而認識到好多blog 友，而且間中又會收到blog 友寄比我既禮物......
不過我真係閘住!
我覺得自己一d都唔似佢，亦唔希望自己似佢!!因為睇緊戲既時候，我已經非常唔欣賞...甚至好討厭Julie Powell 事事負面既性格!
佢開始寫網誌並非純粹因為鍾意煮野食，而係因為佢見到身邊既女性朋友都事業有成，就因此感覺自己不如人家成功且一事無成，所以先胡亂定下"The Julie / Julia Project"依個目標;
當Julie Powell 個blog 開始受網友注意後，佢就開始一副"Me, Me, Me!"既態度，當正自己真係好重要好受歡迎，網友無咗佢會好慘，自以為是既咀臉;
而且佢會因為嘗試煮一道菜失敗; 因為寫網誌既問題，向愛鍚佢既老公發脾氣......
可能部份睇過"Julie & Julia"既觀眾會覺得戲中既Julie Powell 性格好傻好可愛，不過我 + Mr.T 就好頂佢唔順嘞~ 真係齋睇戲都對佢好反感!
戲中既Julie Powell 已經唔討好; 但現實中既Julie Powell 就更不堪!
戲中故事只講到Julie Powell 因為寫blog 而成功得到出版食譜書既機會; 而現實生活中佢的確因此而成名......
不過現實既Julie Powell 第一本食譜書出版成名之後，就同佢既舊男友發生婚外情! 而佢本人竟然荒淫到希望可以同時維持婚姻 + 婚外情來個雙線發展!!
最離奇係佢老公一直都知自己帶緊綠帽 ，
竟然會肯配合自己紅杏出牆既老婆......Disgusting!!
雖然Julie Powell 今日成為咗"所謂"食譜作者，不過好坦白我對佢完全無好感，而且一d respect 都無!
Julie Powell 一直自稱Julia Child 係佢偶像，但佢令佢成名既網誌"The Julie / Julia Project"只係跟住Julia Child 既食譜照煮一次 - 情況就等如我照住方太食譜書煮完後再寫blog 一樣......
個人覺得佢只係叨Julia Child 既光啫，根本就無真材實料! 而且亦好有借Julia Child 之名上位之嫌囉!!
再者Julie Powell 成名後，佢既第二本著作所謂"食譜書" - "Cleaving: A Story of Marriage, Meat and Obsession"，書中竟然大談佢果段婚外情如何"甜蜜"，偷情滋味如何刺激，甚至唔知醜到連佢同情夫既性生活都有描述......
Disgusting!!!!
>>>>>>>>>>>>>>>>>>>>>>>>>>>>>>>>>>>>>>>>>>
我想可能時代唔同嘞!
好似Julia Child 咁真係有真材實料，再加上近10年既努力先得到出版食譜書機會，成功創一番事業;
但Julie Powell 借Julia Child 之名上位亂打亂撞就比佢得到一個機會，不過佢"守業"既方法竟然係搬自己婚外情上枱......(Disgusting!!!!!!
)"Julie & Julia"係一套輕鬆，令人睇得好開心既戲，當然唔會有醜惡既情節啦.....
荷李活真係太懂得包裝!!
若無咗Julie 果段，只講Julia 就完美嘞!
P.S. 唔多鍾意港版譯名"隔代廚神"! 台版"美味關係"就好好多嘞~
個廚神都好抵屎吓, 炒蛋炒到天一半地一半, 仲可以放返去再炒, 照比人食,
回覆刪除[版主回覆03/21/2011 19:02:00]果段片係佢主持既烹飪電視節目來~ 我唸果個時代大多係直播!?!?
我就係鍾意佢隨意率性既性格! 佢將蛋放返落鑊時都話咗"but you can always put it together and you're alone in the kitchen, who's going to see?" so true and so cute!
我都有睇呢套戲, 我都係love Julia Child...欣賞佢對食物既熱誠, 執著...人地越話佢唔得, 佢就越要試, 証明自己...相反Julie只係叨Julia既光...唔討好...
回覆刪除[版主回覆03/21/2011 18:50:00]Julia Child 率性既性格真係可愛到不得了呢~
反而Julie Powell 性格負面、小器善忌、自我中心又亂發脾氣.....完全唔鍾意佢!!
我睇完部戲想買本書，不過睇左少少放棄。好多牛油 ha ha.
回覆刪除[版主回覆03/21/2011 18:47:00]睇完戲後我都未開口，Mr.T 已經問我想唔想要本書! 我緊係累飯啦~ (佢地而家出版成一套2本vol 1 + vol 2~)
梅麗史翠普好好戲!
回覆刪除[版主回覆03/21/2011 18:45:00]其實我好少睇佢既戲，因為佢演既大部份都係女人戲，女人戲not my cup of tea~ Julie & Julia 雖然都係女人戲，不過因為關於煮野食先破例!
我睇既係美味關係DVD啦,真係好鐘意Julia Child,連我老公都睇到都勁開心...
回覆刪除對Julie真係無野講,佢寫到無野寫呀?搬自己的超亂既私生活黎寫!!真係噁心
[版主回覆03/21/2011 18:37:00]係呀~ 係呀~ 初初老公覺得係女人戲唔多有興趣架 (其實女人戲都唔啱我架，不過依套講煮野例外! )，我屎都要Mr.T 留心陪我睇，後來連佢都睇到哈哈大笑! Julia Child 真係又叻又可愛到呢~~~~
Julie Powell 根本一開始就唔係靠自己真材實料! 之前靠叨別人光，而家繼續叨別人光之餘仲唔知醜將自己不知所謂既私生活公諸於世......我覺得佢將自己名字同Juila Child 放埋一齊，真係映衰哂人地呀!!
我無睇過套戲同書呀...看完你一篇話後...第一時間就諗到一些事出黎...我發覺某些人寫blog出名後...有出版社叫佢哋出書...之後佢哋吾會再係個blog到寫食譜....連blog友問既問題都吾會再作出回答....可能係版權問題所以佢哋吾會再寫食譜掛...但洗吾洗連回都吾回吓人呀...咁鬼現實...尼種行為我本人覺得好乞人憎
回覆刪除[版主回覆03/21/2011 19:09:00]依個我就唔知嘞，又無人搵過我出書! 但我理解佢地因為版權而唔可以再喺blog 寫食譜既~
不過最好笑既係，我反而見過一d無出書既blogger 寫野食，當有網友問佢地攞食譜時，blogger 竟然問網友攞email，話打好食譜後再send 比佢地! 我心唸: 洗唔洗咁巴閉呀? 喺個blog 度post 食譜出來唔得咩??
well~ 不過每個人做事手法唔同! 我唔係批評佢做法，只係覺得奇怪!!
呢套戲上個陣我好想好想睇 我以為我咁為食, D野食MOVIE一定岩我睇 話說...係某一次返澳洲既飛機上我終於睇到呢套戲 END UP我係飛左半套戲 我諗你都估到我飛左邊半套啦....無錯~ 就係飛左JULIE 個D部份 開頭我都仲好有心機睇 睇睇下真係好悶.........飛番D JULIA既部份來睇算 珮夫人
回覆刪除[版主回覆03/21/2011 20:57:00]咁我地又唔覺得悶喎! 就算Julie 既部份都只係覺得annoying 而唔係悶~ 成套戲我 + Mr.T 都好enjoy 呢!
依套戲關於煮野食啱妳睇
回覆刪除[版主回覆03/22/2011 06:10:00]依種女人戲係因為關於煮野食我先有興趣睇!
未睇過套戲既簡介呀..不過見你評價唔錯,睇黎都可以去睇下wo!
回覆刪除[版主回覆03/22/2011 06:14:00]通常依種女人戲我唔會吼，係因為關於煮野食我先破例! 戲係好睇，但亦有好有唔好~
用婚外情黎出書?!佢冇野丫嘛?! 真係好唔知醜bor...!!! 仲衰過當年呃左我個frd個條友!!! 個男人三十幾有個babyface、結左婚生埋兩個女 但佢睇中左我個frd黎搞婚外情 呃佢話佢得廿二歲、有一個女朋友、食屎啦!!! 最後咪又係佢老婆發現左!!! 搞到我個frd(佢16咋)做左第三者大半年!!! 不過呢條友至少都知呢d野唔可以亂講丫~ 用埋婚外情黎keep住自己既名氣真係好cheap!!!
回覆刪除[版主回覆03/22/2011 06:09:00]用私生活來出書一d都唔出奇，世界上都不知幾多唔知醜既人~ 好似Monica Lewinsky 都出書講佢同Clinton d野啦! 不過好似Julie Powell 咁，已經借人地名氣出咗位嘞，唔該佢唔好當自己真係食譜書作者啦!!
我未看過這套戲未能回應感想呢! 但V女我好同意妳的講法 , 一個女人嫁人了 , 外出有婚外情是不可以的 , 更甚的是將性生活也與人分享 , 我都會好看不起這種人! 自己有個愛錫自己的丈夫 , 感恩也來不切啦 , 還要破壞自己婚姻 , 太過份! 我都是人妻 , 雖然老公不算十全十美 , 但我都會好好珍惜同維繫! 也想告訴妳Mr.T待妳真的好(因我看妳Blog都好一段日子, 字裏行間令我感受到) , 祝福妳倆永遠也一樣恩愛! 這個週未我也會抽點時間租來看看 , 謝謝妳介紹與分享!
回覆刪除[版主回覆03/24/2011 22:05:00]依個世界係咁畸形架~ 因為Julie 唔似Julia 咁有真材實料，佢要出名咪用依d旁門左道囉! 利用自己婚外情去搏名搏利既人，其實喺歐美唔少，不過我覺得Julie Powell 唔應該以食譜作者自居囉!
多謝妳既祝福啊SzeWan! 亦好認同妳所講~ 其實有緣相遇認識相處，最後結成夫婦，每一段婚姻都值得珍惜 + 努力維繫啊!
我都未睇過呢套戲,諗住遲D去租碟睇.
回覆刪除你唔講真係唔知個個JULIE真實係咁樣喎,重要將自己D醜事話俾人聽.
真係完全唔明白佢點諗.
我都好憎D人既性格咁負面.
明明D野可以諗得好正面,過得好好,但想法一錯個人就會變得好負面.
咩都諗埋一邊,我最唔鐘意就係咁樣架啦
開心又係要過,唔開心又係要過,點解唔每日都開心咁過.
當然有時自己都會唔開心下,不過我諗係正常掛,因為都冇咩可能真係日日都咁開心既
[版主回覆03/24/2011 21:56:00]睇戲時已經覺得戲中既Julie 借Julia 之名上位，所以好奇下睇吓究竟Julie 係何許人等......佢點去搏出位係佢自己既事，不過覺得佢唔應該以食譜作者自居囉!
雖然我間中都會有負面情緒，不過我唔覺得日日開心係無可能既事喎! 我自問日日都好開心~
見你講到好好睇咁,去foxy down左黎睇
回覆刪除Julia真係好可愛
[版主回覆03/24/2011 21:50:00]
仲有Julia 同佢丈夫真係好sweet 呢~
咁又係,所以我盡量日日都保持住開心
回覆刪除[版主回覆03/25/2011 18:59:00]good!
咁又係,所以我盡量日日都保持住開心
回覆刪除呢套我都有睇呀 好好睇
回覆刪除[版主回覆04/02/2011 22:24:00]唔錯啦~ 不過如果無咗Julie 果part 會更好!
Meryl很cute啊! 真人與演員的對照很有趣, 有空找來看看!
回覆刪除近來有看其他電影嗎? 推介JG的"Love & Other Drugs"&"Source Code"給你
http://hk.myblog.yahoo.com/wonka-1971/article?mid=7281
http://hk.myblog.yahoo.com/wonka-1971/article?mid=7705
還有兩齣Oscar得獎作品
http://hk.myblog.yahoo.com/wonka-1971/index?l=f&id=5
[版主回覆06/27/2011 18:47:00]其實一直都有睇戲無停過，不過一來太懶; 二來無咩時間寫; 三來無咩戲值得寫......
不過早幾日啱啱重溫睇過N次既"霸王別姬"，之後再重溫已睇過N次既小說版，剛剛開始著手寫一篇關於"霸王別姬"戲 + 小說混合體，太多感覺想記低，未知幾時先會寫完! 最近追緊美國連續劇Dexter 4，好唔得閒呢!!!!!