2011年3月8日星期二

海蓬子炒蛋


1. 海蓬子摘去尖硬尾部,沖水洗淨瀝乾備用。(超市售的海蓬子通常已去掉硬尾!)

2. 雞蛋發勻,灑上少許胡椒粉和麻油拌勻。

3. 燒熱油鑊下海蓬子炒1分鐘左右至顏色翠綠,倒入蛋液兜勻。

4. 蛋液開始凝固就熄火,利用鑊的餘溫繼續將蛋炒至熟,上碟即成。

海蓬子(Samphire)又名海人參、海菜豆、海蘆筍; 係一種利用海水灌溉種植既新型保健蔬菜。

食用海蓬子能增強人體消化力,促進胃腸蠕動,消除便秘,並分解附著在腸壁上的脂肪廢物,排除體外。

長期食用可降低血壓、血脂和血糖,預防心腦血管疾病,並具清熱排毒、降脂減肥之功效。

海蓬子口感脆嫩,因為用海水灌溉,所以帶有海水天然鹹味,烹調時不用加鹽調味!




18 則留言:

  1. 都係第一次聽呢個名... GOOGLE完... 澳洲都係得某幾個地方有...同埋無RETAIL 同佢無緣無得試LU 珮夫人
    [版主回覆03/08/2011 22:56:00]我喺英國都係第一次見到有得賣咋!
     
    不過佢地賣得咁貴,我唸唔會有市場~
     
     

    回覆刪除
  2. 唔知paris有冇得買呢??好想試下!!
    [版主回覆03/08/2011 22:54:00]我都唔知呀! 因為我喺英國都係第一次見有得賣~ 之前喺餐廳餐牌上見過,不過當時唔啱季節無貨.....
     
     

    回覆刪除
  3. 好有益啵 唔知香港有冇得賣呢
    [版主回覆03/08/2011 22:53:00]我都唔知香港有無呀? 我喺依度都係第一次見有得賣~
     
     

    回覆刪除
  4. 海蓬子好新喎,以前都未聽過,係香港就未見過(可能我唔識,見到都唔知),如果有機會都會試下。
    [版主回覆03/08/2011 22:53:00]之前喺餐廳餐牌上見過,果次我都有order,不過侍應話當時唔啱季節入唔到貨~
     
    我覺得幾好味! 不過超市賣得咁貴,我唸未必有市場!
     
     

    回覆刪除
  5. 海蓬子係邊到有得買??

    回覆刪除
  6. 海蓬子我未食過
    [版主回覆03/08/2011 22:58:00]咁我唸好多人都未食過,見都未見過呢~
     
     

    回覆刪除
  7. 第一次聽哩樣野, 好特別~~ 有機會都想試下~
    [版主回覆03/09/2011 01:22:00]如果妳見到就買來試吓啦! 幾好食架又有益~
     
     

    回覆刪除
  8. 想像緊佢個質感會係點...我覺得會係硬身,唔算爽口。 你話似海水味,我立即想像有d似紫菜味。
    [版主回覆03/09/2011 01:21:00]任何食物都要真正試過先知道口感味道如何!
     
    海蓬子係好嫩且脆既,並唔硬~ 帶天然海水味但並唔似紫菜!
     
     
     
     

    回覆刪除
  9. 《Ka MaN 日記》2011年3月8日 下午2:38

    我未見過呢樣嘢....
    見到你話佢有益同係 脆嫩都好想試下...
    唔知 melb 有無呢...!!
    [版主回覆03/09/2011 06:44:00]我喺英國都係第一次見到有得賣!
     
    樓下最底果位澳洲blog 友話澳洲無retail~
     
     

    回覆刪除
  10. 真係第一次見,又識多一樣野喇.
    [版主回覆03/09/2011 20:10:00]我都係第一次見真身 + 第一次食咋!
     
     

    回覆刪除
  11. 新奇嘢,無見過啊!似海藻那類嗎?
    [版主回覆03/09/2011 20:09:00]又唔算係海藻,因為佢係陸上植物來既! 生長喺海邊沿岸沙灘或紅樹林既地方,靠海水灌溉,所以食味帶天然海水味~
     
     

    回覆刪除
  12. V女,這個是否新鮮貨,妳係中式超市定鬼佬超市買呢?等我睇吓加拿大有冇得買,真是大開眼界,很多謝妳的分享!
    [版主回覆03/09/2011 20:06:00]唔洗客氣! 係呀~ samphire 係新鮮貨來架! 我喺鬼超買架~
     
    我見美加地區有人喺farmer's market 買到喎! 而且仲好平呢!
     
     

    回覆刪除
  13. 海蓬子我都係第一次見同聽咋
    [版主回覆03/09/2011 20:02:00]我之前喺餐廳餐牌見過個名,不過果次因為唔係season 無貨所以無試到! 今次我都係第一次試~
     
     

    回覆刪除
  14. 大唧里第一次見! 好貴 o架咩?
    [版主回覆03/09/2011 20:01:00]我以前喺餐廳餐牌見過個名,不過因為唔係season 無試過!
     
    早幾日喺Asda 見到有得賣,£1.47 (90g),我覺得好貴呀! 我唸未必會有市場! 英國人大都唔多肯嘗試新野.....
     
     

    回覆刪除
  15. 未食過加未見過....仲有就係未聽過....hehe.....  
    又學到新嘢.....
    [版主回覆03/10/2011 02:55:00]我唔係第一次聽~ 不過係第一次見 + 第一次食!
     
     

    回覆刪除
  16. 好有益喎 ! 我都試下揾 . 唔該哂 !
    [版主回覆03/12/2011 07:21:00]我唔知香港有無得賣~ 如果有我估應該洋人超市機會大d!
     
     

    回覆刪除
  17. KwokMan kuen eunice2011年3月12日 上午3:11

    有益食品!
    不過香港吾見有
    [版主回覆03/12/2011 21:43:00]我唔知香港有無得賣呀! 就算有都應該喺洋人超市機會大d~
     
     

    回覆刪除
  18. 有咁多功效,我都想食,問題係我已經屬於低血壓,
    有冇問題呢?
    [版主回覆03/16/2011 02:24:00]咁依個我就唔清楚喎! 但我唸任何食物適可而止都應該唔會有大問題既~
     
     

    回覆刪除

Related Posts Plugin for WordPress, Blogger...