魚露鴨; 榨菜蒸豬肝 & 海蓬子炒蛋
尋晚依餐無湯飲，因為我前晚臨瞓時唔記得喺冰格攞舊豬肉出來溶雪.....唔得閒兼唔多想落街買過舊，索性唔鬼煲飲少餐啦!
上星期喺FB見網友貼咗一張叫做魚露鴨既相出來，覺得好吸引!
於是上網搵到黃淑儀既魚露鴨食譜來參考......
之前一直打算買29cm oval，好彩我臨時轉呔買咗個31cm，隻鴨再大d都放得落!
不過今次蒸得好醜樣啊......因為我醃緊豬肝時電話響，傾完轉個頭就唔記得落粟粉去撈勻，所以蒸出來無上次咁靚~
不過真係好貴呢~ 細細盒得90g，要£1.47 (約$18.5HKD)
洋人用來做配菜或沙律; 韓國人就用來做涼拌餐前小食......
嫩嫩脆脆加埋微微天然海水鹹味，我覺得好好食啊~
魚露鴨食譜click here~ 榨菜蒸豬肝食譜click here~ 海蓬子炒蛋食譜click here~>>>>>>>>>>>>>>>>>>>>>>>>>>>>>>>>>>>>>>>>>>>
本來星期日(3月6日)老公打算同我出街食飯補祝情人節......
不過99上星期一喺香港返咗來，大伯約星期日一齊出街陪99食飯~
我 + 老公、大伯 + 女友、99 + 姑仔一行6人......
負責發版既大伯竟然揀咗超難食既意大利餐廳Paperinos!
依間野我同前男友拍拖時去過2、3次，當時我已經覺得佢地d野唔好食;
估唔到隔咗10年再去，唔單止仍然唔好食，竟然變到更加難食!!
餐牌食物選擇少咗，我對佢地既starter 完全無興趣!
不過因為個個都食starter......
個賣相都還可以，不過我 + 老公覺得自己"趙"緊粗橡筋......
面頭既意粉完全無味要加鹽; 不過食到底果d就好鬼鹹!!
我無影到其他人食咗乜野，又唔靚又唔好食影來做乜鬼?
最頂唔順係大伯女友叫咗果個Parma Ham 火箭菜pizza - d Parma Ham 完全唔香既! 係我食過最難食既Parma Ham!!
超市求其買一pack parma ham 正過佢不知幾多......
喺Paperinos 隔離落樓下果間Topolino's 好食得多啦!
依餐一路食，我個心一路講緊粗口!!
好彩依餐大伯請，唔洗比錢呢~
咁難食你大伯都會揀佢既? 你地唔比D意見?
回覆刪除[版主回覆03/09/2011 01:48:00]可能佢覺得依間野好食呢..... 通常邊個約就邊個決定去邊度食~
魚露鴨好靚仔 ...個LC顏色又靚 個pizza見到都冇咩胃口喎
回覆刪除[版主回覆03/09/2011 06:40:00]多謝亞兔讚賞!
其實唔止個pizza，果餐意大利根本無一樣野好食! 好耐未出街食過一餐咁難食......
嗰間餐廳好唔得喎．．．．
回覆刪除個 炸魷魚圈好似我向 ｓｕｐｅｒｍａｒｋｅｔ 買 ｄ 雪藏返屋企焗嗰 ｄ 咁．．．
個 ｐｉｚｚａ 焗到黑文文．．．食完都驚個口同 ｄ 牙有 ｄ 黑炭屎．．．
[版主回覆03/09/2011 07:06:00]我十幾年前去依間餐廳時，佢地d野已經唔好食架嘞! 估唔到咁多年後水準越來越差......
你隻鴨真係好得．．．．
回覆刪除搞到我好想食鴨．．．．
[版主回覆03/09/2011 07:04:00]多謝Ka Man 讚賞! 想食就買隻鴨仔試吓整啦~ 鴨仔細隻d無咁多脂肪無咁肥，剪走成個pat pat 就唔會有騷味架嘞~
I like the duck you made. Beautiful
回覆刪除[版主回覆03/09/2011 19:18:00]Thank you Dai Fa Tung!
我試下將你隻鴨變做雞先...應該都會幾好味...
回覆刪除[版主回覆03/09/2011 19:17:00]妳唔食鴨既咩?
V女 隻魚露鴨賣相好靚靚呀 !!!!!!!!!!!
回覆刪除[版主回覆03/09/2011 19:16:00]多謝Katie 讚賞!
隻鴨齋睇相真係引屎我嘞,食埋真係不得了 留個鴨胸過我呀唔該
回覆刪除海蓬子真係未見過,我都上網起咗佢個底,原來對身體好好果喎,有機會都想試下~~
咁妳大伯同佢女友有冇話間野唔好食呀?
[版主回覆03/09/2011 19:16:00]鴨胸~ 無問題!
我之前喺餐廳餐牌見過samphire，不過果時唔啱season 無得order，今次第一次試，幾好食啊!
食餐飯除咗99無出過聲之外，其他所有人都有講過唔好食!
識煮嘢真好,有個識欣賞又鐘意食的老公真係好好呀^o^ 我識到你雖然齋睇食唔倒, I still so happy lei.......
回覆刪除[版主回覆03/09/2011 19:14:00]其實每個人都會識煮野食 - 只係爭在去唔去嘗試嘛!
妳又照住食譜去煮咪食得到囉!
個pizza一睇個樣就知唔掂啦
回覆刪除[版主回覆03/09/2011 19:11:00]點止個pizza 唔掂? 果餐基本上無一樣野合格!!
咁差 o既 餐廳仲可以生存咁耐 o既? 殺死人!!
回覆刪除[版主回覆03/09/2011 19:11:00]難食既餐廳英國周圍都大把! 英國人對飲食無咩要求，只要唔食死人就生存到.......
haha you are lucky dont have to pay.
回覆刪除[版主回覆03/09/2011 19:09:00]no~ Mr.T was lucky! Mr.T always pays mine~
就咁睇個PIZZA已經見到個邊邊好黑啦喎
回覆刪除隻魚露鴨好得呀!個LOOK已經夠哂正!
[版主回覆03/10/2011 00:59:00]個pizza 底仲加黑呀!
隻魚露鴨好香好惹味，送飯一流~
我唔食鴨架...
回覆刪除[版主回覆03/10/2011 21:16:00]OIC!
魚露鴨真係好得喎...但我地食唔晒全鴨呢...
回覆刪除[版主回覆03/10/2011 21:12:00]鴨仔好細隻果喎! 買隻細隻d鴨仔咪得囉~ 一係開半整半隻，另外半隻入冰格! 要有骨一齊煮先好味架~
哈哈 , d dishes 睇黎又真係差 d 喎 !
回覆刪除[版主回覆03/11/2011 01:08:00]Eddy 兄~ 你講緊餐廳d菜定小妹煮果幾味呀?
Paperinos真係有好多需要改善的空間！你睇佢個PIZZA就知啦！不過又奇怪，點解佢地仲可以生存到成十年，係唔係因為你地好少啲類型的餐廳呀？
回覆刪除[版主回覆03/11/2011 01:07:00]意大利餐廳Glasgow 大把啦!
不過我覺得難食，其他人未必同我一樣覺得難食架嘛! 好似我果ex 果時都不知幾鍾意去依間野.....
我學你一樣用個LC煲煮左一味魚露鴨呀！真係唔錯BOR
回覆刪除[版主回覆03/11/2011 01:05:00]咁要整魚露鴨，唔一定要用LC來煮既!
不過依隻鴨確係幾好味!
哈哈 , 阿 V 煮 d Dishes 一定正啦 !
回覆刪除[版主回覆03/12/2011 07:32:00]Thanks Eddy 兄!
你好,見到你個LC新寵煮鴨時煲的內邊有滾完後的汁跡,很想問問難不難清洗呢?
回覆刪除[版主回覆03/22/2011 06:33:00]唔難呀~ 好易洗!
if you like Parma ham , you can visit : www.facebook.com/dolphins.gourmet , it was a small Italian Fine food & wine shop, the price is quite cheaper than supermarket ga ^^
回覆刪除[版主回覆03/08/2012 10:37:17]Thank you for the recommendation! however im living in the UK.....