髮菜蠔豉蓮藕煲豬手豬脷; 髮菜蠔豉海參炆車輪鮑; 薑蔥焗龍蝦; 古法沙薑鹽焗雞 & 金銀蛋菠菜
哈哈~~~ 依餐係咪好似過年咁呢?
其實依咋餸菜我一早已plan 好咗今年農曆新年煮既開年飯~
雖然一早知道自己年初一要做手術，不過我當時唸得自己太勁，以為初一做完手術，頂龍初六可以煮到開年飯，點知手術後發燒入廠住咗兩晚......最終煮唔成!
不過我而家已經完全好返哂，平時都可以食好dd既啫...照煮!!
(嘻~ 今日仍然有blog 友仔問候我好返哂未，好窩心啊~~~
)
依個湯好好飲啊! 本來無唸住落冬菇 + 髮菜......
浸咗既冬菇 + 髮菜係唸住用來炆海參鮑魚，點知我煲湯時傻咗揼咗d冬菇落去;
髮菜又浸得多得滯......所以最後分咗一半髮菜去煲湯!
冬菇用咗來煲湯，就臨時浸多幾隻蠔豉來炆海參鮑魚啦!
發財 + 好事輪住咁來! 哇哈哈~~~
隻鮑魚幾鬼大隻呀!
入罐前已切咗部份，咁原來成隻完整既鮑魚咪仲鬼大隻!!?!?我鍾意食鮑魚; 老公就鍾意食龍蝦!
之前試過用超市買既熟龍蝦整過薑蔥龍蝦，好方便又好好食!
不過今次買唔到熟龍蝦......
咁我緊係無咁勇自己劏啦! 唯有請魚檔阿叔代勞~
平時用超市熟龍蝦整依個菜，最少要2隻先夠; 今次揀咗依隻好鬼大，1隻已經夠哂2個人食!
不過生龍蝦薑蔥焗前要先油炸走油，比較麻煩又好鬼危險 - 龍蝦頭d膏會彈油架!!
但又確係好食過用已熟龍蝦來煮既!
不過有次買錯咗左手邊既粗海鹽，之後一直放埋咗無用到，於是我就唸到用鬼咗佢來整鹽焗雞嘞!
雖然用過既海鹽可以循環再用，不過我煮餸一向好少用鹽......所以都係整雞脾好嘞!!
(唔知食咗鹽焗雞可唔可以防輻射既呢? 哈哈~~~~
)正宗方法應該係用玉扣紙~ 不過我無玉扣紙; 焗蛋糕用既牛油紙太似乎太厚，我怕唔入味......
好耐之前用中國超市買既鹹蛋整過金銀蛋菠菜，不過鹹蛋黃煮出來白"哂哂"......
咁先至係金銀蛋架嘛!!
>>>>>>>>>>>>>>>>>>>>>>>>>>>>>>>>>>>>>>>>>>>>
我發現自己真係好鬼為食......
前晚(3月29日)零晨4點追緊李碧華短篇小說"紫雨夜"~ 睇到其中一篇叫做"小米粥愛上骨頭湯"，我突然覺得肚餓喎!!
4am 正去烘蝦子、溶豬油、淥麵、切蔥粒、撈埋麵......前後大約5分鐘左右~
食完麵大約4.20am 我已經返返上床繼續睇書! 快手到呢!!
我習慣臨瞓前睇書~ 不過我唸唔應該睇任何同食物拉上關係既書......
英國天氣變幻莫測 - 上星期好暖，有時仲暖到標汗; 點知前晚落咗一夜雨後又變返涼，涼到有少少凍呢~~~~
髮菜蠔豉蓮藕煲豬手豬脷食譜click here~ 髮菜蠔豉海參炆車輪鮑食譜click here~ 薑蔥龍蝦(少少麻煩版)食譜click here~ 古法沙薑鹽焗雞脾食譜click here~ 金銀蛋菠菜食譜click here~ 蝦子撈麵食譜click here~ 當歸黨參燉豬心食譜click here~
你講得無錯，我最怕臨瞓前睇到有關食嘅文字同圖片，我會第一時間，衝入廚房整嘢食
回覆刪除[版主回覆04/01/2011 21:27:00]果本係李碧華怪談短篇來，無唸過會有一篇關於野食~
嘩...龍蝦...我都好鍾意食...咁耐我只係煮過一次咋...我都諗住阿寶生日就煮龍蝦...hehe
回覆刪除[版主回覆04/01/2011 21:24:00]龍蝦我都OK既，不過都係Mr.T 鍾意龍蝦多d~
你真係好犀利呀, 呢餐餸好豐富又好吸引呀
回覆刪除[版主回覆04/01/2011 20:47:00]唔犀利~ 唔犀利~ 因為農曆新年時入咗廠無煮到開年飯，但又真係好想煮依咋餸......
嘩 , 好好味喎 , 引到我流晒口水 , 係架 , 唔使等過年 , 都可以食得好好架 , 最緊要開心 .
回覆刪除[版主回覆04/01/2011 20:42:00]係呀~ 往年我年年都會煮餐開年飯，不過今日因為入咗廠無煮到，而家當補返又好點都好啦，都係食落自己肚嘛!
這餐飯很豐富呢 , 我感受到背後的妳用心去經營 , 這點比品嚐美食更值得欣賞呀!
回覆刪除[版主回覆04/01/2011 20:41:00]
間中食好dd都不為過呢! 反正今年農曆新年時因為入咗廠無煮到開年飯~ (我年年農曆新年期間都會煮一餐開年飯架嘛....)
wow.你個蝦子撈me好正啊..仲有豬油添,係邊度買架?
回覆刪除我煮野食好渣,但都好為食,有空歡迎你來我blog坐坐.
http://euniceng2006.mysinablog.com/index.php
[版主回覆04/01/2011 20:35:00]Hello PR 妳好啊! 妳blog d介紹好正呀! 下次我返香港時一定去試吓妳介紹既店~
我住喺英國架，依邊所有超市都有豬油賣架! 我間中會搓包整餅會用得著豬油，所以雪櫃長備一舊囉~
你真係犀利, 我即食麵都唔止 20 分鐘, 你重烘埋蝦子、切蔥... 身體康復真好, take care!
回覆刪除[版主回覆04/01/2011 20:31:00]哈哈~~~~ 連我老公都覺得好鬼快! 烘蝦子好快架咋，一分鐘唔洗已經聞到香味咯; 淥緊麵時又可以切蔥......肚餓嘛~ 緊係要快手!
身體已完全好返哂~ Thanks Yam!
咁多野食,食唔食得哂架?(食唔哂搵我幫手呀~ )
回覆刪除我就慣左訓覺前盡量唔食野,因為一食左野我就會訓唔到架啦~><
[版主回覆04/01/2011 20:28:00]一餐就緊係食唔哂啦 (不過係預咗既!)，依度我 + Mr.T 2個人食咗一半左右啦 (龍蝦就全部食哂!) ，食多餐就清哂架嘞!
我要飽肚先瞓得著架! 如果肚餓我幾攰都瞓唔著呢.....
我幾個星期無啖好食既訓練下....我已經可以睇完D美食當食左落肚! 所以訓前睇咩野美食都無問題 話時話我好耐無食過髮菜啦 細細個個陣婆婆好鍾意拎髮菜來煲湯 我又好鍾意食因為覺得好得意 不過之後有一排話沙漠化禁左採髮菜之後 屋企都無得食啦.....話怕出面買到假野WO... 珮夫人
回覆刪除[版主回覆04/01/2011 20:25:00]哈哈~~~ 望梅止渴......我唔得架! 我只會越望越渴!!
我好鍾意食髮菜架! 不過而家真係好貴，我都唔會自己買，因為唔識揀怕買到假野，我果d全部係V媽媽買比我既~
Waaa.......amazing!
回覆刪除I wish I am your neighbour so I can just 'knock knock' : Hiya...Mrs. T, 可唔可以加多對筷子呀? hehe
[版主回覆04/01/2011 22:33:00]Thanks Anne!
haahaa~~~ no probs! i can use PhotoShop to add one more pair of chopsticks to the pic!
you're so smart. all the foods you cook that no way I can do it. too complicated.
回覆刪除[版主回覆04/02/2011 00:28:00]Thanks sydney but im not smart at all! i just love cooking and eating!!
Oh dear, I like all of them . They make me hungry now though I just had breakfast.
回覆刪除[版主回覆04/02/2011 00:21:00]heehee~ i like them all too!
breakfast? where do you live actually??
妳又鍾意煮嘢食,又食極都唔肥嗰隻人仔嚟喎! 羨慕
回覆刪除[版主回覆04/02/2011 08:46:00]我遺傳咗both V爸爸 + V媽媽 - V媽媽鍾意煮野食 + 食野; V爸爸就食極唔肥~
好正呀 呢餐咁豐富 食唔食得晒呀~ 我有時夜晚遊blog 遊遊下都會肚餓 要整宵夜食 哈哈
回覆刪除[版主回覆04/02/2011 08:43:00]食咗2餐食哂咯! 我一到夜晚食飽咗先遊blog，咁就唔會戚起我條為食筋啦~
I live in Texas of the US .
回覆刪除[版主回覆04/02/2011 08:42:00]OIC!
好呀,你返黎個陣話我知,我再介紹多D好野你食啦..HAHA
回覆刪除[版主回覆04/02/2011 22:19:00]好呀~ 先多謝妳啊PR!
有時我睇書，見到個菜名，之後我第二日起身就整，入晒迷~~~
回覆刪除[版主回覆04/02/2011 22:18:00]哈哈~~~ 我好多時都有咁既衝動! 不過唔係我想煮就可以即刻煮，要先睇吓屋企有無齊哂材料!
英國食龍蝦真係抵香港好多又大隻喎~~
回覆刪除妳整既餸全部都啱我呢
[版主回覆04/04/2011 04:15:00]喺英國自己買龍蝦返來煮就抵咯，如果出街食既話都好鬼貴架!
遲來的開年飯, 好好味bor, 喺英國都煮到呢d餸, 勁!
回覆刪除Wish your family good health
[版主回覆04/05/2011 06:51:00]Thanks tigerbobo! 其實只要有齊哂材料就煮到架嘞~