青紅蘿蔔煲鱆魚; 花雕醉雞; 蜆肉煎蛋 & 韓國泡菜
依餐本來係尋晚(24日)煮既，不過尋晚無咩胃口，最後無煮到求其食咗少少野就算嘞!
前晚飲剩青紅蘿蔔煲鱆魚，不過今餐"不"到盡都只係得一碗仔，嚴格來講應該算係無湯......
以前整醉雞一直都係用李X記現成既醉雞汁，不過硬係覺得味道爭少少;
聽講過有枝野叫做"香糟露"，用來整醉雞好好食，不過我依度搵過無得賣~
於是決定自己調醉雞汁!
我平時用台灣紹興酒煮餸; 為咗整依個醉雞特登買咗枝花雕酒!
本來我想買另一隻個樣好似"高層次d"，叫做加飯花雕酒......
不過果隻加飯花雕並唔係一樽樽，
而係好似古裝片d大俠豪氣地拿住來仰天狂對果種"一埕埕"
講真整一次醉雞用得幾多吖? 買大埕酒返來咪盞阻訂!
早排睇報紙知道原來甜酒釀可以用來整醉雞，即時買樽來試試!
可惜Mr.T 唔多鍾意花雕酒既味道~~~~
早幾日用咗半包急凍鮮蜆來整意粉......
真係好香好好食! 依個一定要多蔥多莞茜呢!!
好耐無整過kimchi 嘞! 一時興起想食整唔切......
搵日要整定盒泡菜放喺雪櫃先!
青紅蘿蔔煲鱆魚食譜click here~ 花雕醉雞食譜click here~ 蜆肉煎蛋食譜click here~
醉雞正呀 !!!!!!!!!! 我又黎食件先
回覆刪除[版主回覆03/26/2011 20:17:00]隨便吖~ 依個好食過用現成醉雞汁架!
OH, 原來酒釀整醉雞都得架??
回覆刪除[版主回覆03/26/2011 20:14:00]係呀~ 而且幾好味架!
都想學做泡菜 , 我等妳呀。
回覆刪除[版主回覆03/26/2011 20:12:00]唔洗等~ 之前已整過，做法喺依度: http://hk.myblog.yahoo.com/veronicams_tsim/article?mid=5081
我日常會用古越龍山果隻花雕煮餸醃野, 好香好味道!!
回覆刪除等我都去買返支甜酒釀先 唔知香港超市有無呢?
[版主回覆03/26/2011 20:10:00]人地話用來整醉雞好正果隻香糟露咪係古越龍山果囉! 我依度無古越龍山賣，台灣紹興酒煮餸都唔錯~
其實我喺蘇格蘭買到既中國食材，大部份喺香港都應該買得到! 網上有人話華潤 + 裕記都有得賣~
我這些懶人都只是用李x記醉雞汁整醉雞.........翼咋,hehehe
回覆刪除[版主回覆03/26/2011 20:06:00]我自己覺得李X記唔夠好食啫，但的確係好方便既!
我上個禮拜都整左醉雞呀 不過我貪方便 都係用李x記 我用李x記浸雞 係會係入面加小小糖同埋加玫瑰露 咁樣覺得味道好d同香d
回覆刪除[版主回覆03/26/2011 20:05:00]我鍾意重花雕味多d，覺得李X記太淡 + 唔夠香~ 今次覺得整得幾似出街食!
雖然我未試過加玫瑰露，不過感覺上玫瑰露同花雕酒香味唔係好夾......
我都好鍾意食醉雞, 好味 !
回覆刪除[版主回覆03/28/2011 00:59:00]醉雞真係又易整又好味!
有醉雞咁正~~等我食番兩件睇下醉唔醉先得~
回覆刪除[版主回覆03/28/2011 00:57:00]我d花雕落得好重手絕不手軟架!
I like drunk chicken and clam egg. Beautiful and yummy
回覆刪除[版主回覆03/28/2011 00:56:00]Thanks Dai Fa Tung! i love both as well, it's a shame that Mr.T doesnt like the drunken chicken.....
我都係用香槽露整醉雞翼架, 貪方便嘛...
回覆刪除[版主回覆03/28/2011 00:55:00]我依邊現成醉雞汁只得李X記咋，未見過枝香糟露!
不過我今次自己調醉雞汁好好味~
你好利害啊, 每次差不多都見你三餸一湯, 我就懶得多啦
回覆刪除下星期要搬去阿曼啦, 屋企D野都仲未執好, 尤其係D煲湯藥材, 我怕入唔到境, 都唔知點算...
[版主回覆03/28/2011 00:54:00]唔厲害~ 家常小菜來啫!
d野可唔可以郵寄呀? 而且可能果邊都會有中國超市呢~
好正好好味咁喎 , 阿 V 一直好用心去煮既 !
回覆刪除[版主回覆03/28/2011 00:38:00]Thanks Eddy 兄! 放入自己 + 老公個口果喎，緊係要用心去煮啦!!
用心煮就好美味啦!!
回覆刪除[版主回覆03/28/2011 00:37:00]都唔一定架......我試過好多次好用心去煮一樣野但唔成功架!
如果用不完的花雕酒我會用作煮餸時"贊"酒用途 , 煮出來的餸菜會多加一份香氣呢!
回覆刪除[版主回覆03/28/2011 21:22:00]
係喎~ 用來煮餸都幾好喎!
唉.......我本來唸住剩返既汁用來整多次醉鴨舌架! 點知果日食完醉雞一個唔覺意倒鬼哂d汁!
我都好耐沒整kimchi 啦, 而家懶了好多時都唔願整啦...
回覆刪除[版主回覆03/28/2011 21:18:00]我都係呀! 而且而家Glasgow 中超由倫敦韓國超市入咗好多新貨，買現成好方便又好好食，所以都懶哂唔整! 不過我之前買落好多料，最少要整埋用埋佢.....
咁剩返果碗湯邊個飲呀?
回覆刪除[版主回覆03/28/2011 21:16:00]左手邊個位係Mr.T 既，比咗佢飲!