2011年2月16日星期三

V媽媽靚正餸系列 - 蜜汁雞軟骨

徇blog 友要求,今日同V媽媽傾電話時 ,問咗佢幾味菜既做法同大家分享!


可惜依味我無得整 - 因為依度無雞軟骨賣.......

1. 急凍雞軟骨(凍肉舖有售)解凍洗淨後汆水後瀝乾。

2. 用雞粉、拔蘭地和少許胡椒粉撈勻醃30分鐘。

3. 30分鐘後將醃雞軟骨時所出之水隔乾備用。

4. 燒熱油鑊爆香蒜蓉,下雞軟骨爆炒至乾身。

5. 加入蜜糖以中火不停兜勻。(蜜糖易燶,所以一定要快手不停炒! )

6. 炒至乾身金黃色上碟即成。



19 則留言:

  1. 可以改呀......不用 雞軟骨,我喜欢个 “ 蜜汁”。
    你这几天好点了吗??
    [版主回覆02/17/2011 03:08:00]可以既~ 我唸改成雞丁都應該好好食!  不過我鍾意雞軟骨既口感啊~~~
     
    月兒有心~  基本上我已經好返哂! 傷口都埋哂口但d線未溶,仲要食消炎藥 + 戒口一星期,而且要過3個月肚裡面傷口先會完全康復,暫時唔可以拎重物~ 不過我已經無咩事嘞!
     
     

    回覆刪除
  2. o係HK多數食炸o既多!
    [版主回覆02/17/2011 22:20:00]我好怕食炸果種,感覺太厚粉漿! 日式串燒果種我就好鍾意嘞!!
     
     
     
     

    回覆刪除
  3. 我呢度都係冇雞軟骨賣架~
    [版主回覆02/17/2011 22:19:00]我依度都無呀! 大家同病相憐~~~~
     
     

    回覆刪除
  4. 救命呀)))我至愛呀)))
    [版主回覆02/17/2011 22:18:00]咁妳整啦! 一係叫妳老公整比妳食~ (佢整妳應該甜到漏,叫佢唔洗落蜜糖咯! 呵呵~~~ )
     
     

    回覆刪除
  5. 平日你和V媽媽都經常通電話嗎?
    也許我留在媽媽家的時間多左,跟家人多了很多爭執,真係相見好同住難,我還是喜歡自己住
    [版主回覆02/17/2011 22:15:00]係呀~ 我每星期同V媽媽大約傾2、3次電話,有時多野講到傾成3粒鐘都試過!
     
    有邊個未試過同屋企人嘈交? 我以前未來英國時都有架! 不過而家每年咁少時間見面,會特別珍惜見到既時間~
     
     

    回覆刪除
  6. 恭喜你好番哂!!! 你真係記得出這個食譜喎! Thanks a lot
    [版主回覆02/17/2011 22:07:00]Thanks dumbo! 除非我真係唔記得咗,如果唔係我應承過既野一定會做!!
     
     

    回覆刪除
  7. Gaileは林家歐巴桑2011年2月16日 下午8:15

    依個真係好正,引屎人咩
    但係我都好似未見過依度有得賣
    [版主回覆02/17/2011 22:06:00]雞軟骨喎! 和民有得食,台灣應該可以買到架!?!?
     
    我依度就真係無嘞........
     
     

    回覆刪除
  8. 呢味餸很好味呀 , 由其可以咬下啲雞軟骨過下口癮 " 正 " .
    [版主回覆02/17/2011 22:05:00]係呀~ 送飯又好味; 就咁空口當小食,一路睇電視一路拮來食,好快就搞掂哂一大碟嘞!
     
     

    回覆刪除
  9. 要用拔蘭地
    [版主回覆02/17/2011 22:04:00]V媽媽係用拔蘭地架! 不過我唸用普通煮酒都可以既~
     
     

    回覆刪除
  10. 我呢邊有雞軟骨買~! 可以試下咁整 上次買左成KG返來 諗唔到點整...最後炸哂佢.. 係好食...但有D熱氣 (肉檔一定要我買成KG...無得買少少.....) 珮夫人
    [版主回覆02/17/2011 23:22:00]妳就好啦! 妳果邊都好多食材賣喎~
     
    炸緊熱氣啦! 下之試吓依個蜜汁做法~ 我今次第一次食V媽媽依個做法,一食就愛上咗!
     
     

    回覆刪除
  11. V媽媽個雞軟骨賣相真係好得,咁乾身一定好好味,我整親都唔好食,下次要試下V媽媽個食譜 
    [版主回覆02/17/2011 23:20:00]試吓吖~ 蜜汁咁既做法,似燒野食燒雞翼咁既味架!
     
     

    回覆刪除
  12. 嘩!雞軟骨,我至愛呀!次次我都可以一個人食一碟架!
    不過我多數整椒鹽,下次又試試V媽媽呢個蜜汁先得!
    [版主回覆02/17/2011 23:19:00]我鍾意食日式串燒~ 不過依d下欄野一串得果幾粒仔,自己整夠哂喉又唔貴呢!
     
     

    回覆刪除
  13. 佢應該唔識啲咁覆習嘅嘢
    [版主回覆02/18/2011 22:53:00]咁妳出手整比佢食,回報佢煮比妳果餐sweet sweet 情人飯啦!
     
     

    回覆刪除
  14. Thank you~* 呢味我有信心煮到呀 ^^ must try~ keke
    [版主回覆02/18/2011 22:52:00]依味一d都唔難整,只要妳踏出第一步,妳一定會覺得: 原來咁易整架咋!! 加油呀吉比太太~
     
     

    回覆刪除
  15. 呢個一定要整
    [版主回覆02/18/2011 22:51:00]整啦~ 整啦~ 當零食送電視好正架!
     
     

    回覆刪除
  16. thanks!!
    [版主回覆02/18/2011 22:50:00]you're welcome!
     
     

    回覆刪除
  17. 澳洲呢邊多華人又近海 所以基本上多少少華人既地方如墨爾本同埋悉尼其實同香港無咩分別...... 差不多你想要買既野都會買到 珮夫人
    [版主回覆02/18/2011 22:49:00]我都覺得澳洲好多華人, 所以我都覺得會有好多中國食材賣!
     
    不過聽過一d住喺Brisbane + Melbourne 既網友講,佢地話好難買到靚既鮮魚.....  可能係住既地區關係啦!
     
     

    回覆刪除
  18. 呢味正喎!一定要整呀
    [版主回覆02/20/2011 00:01:00]呢味好容易整呢~ 而且仲好好味!
     
     

    回覆刪除
  19. 我咪就係係MELBOURNE囉~ 新鮮魚真係好難搵....係得幾個地方有得買... 平日係SUPER呀街市見到個D全部都係冰鮮魚 想要買新鮮魚就要去越南人聚居既地方 而且都要OK貴........ 所以..我都係食個D冰鮮魚多 再唔係叫男友去釣番條返屋企 珮夫人
    [版主回覆02/21/2011 03:21:00]OIC! 咁我依度雖然選擇少,不過都有少量游水生猛魚賣既! 只係不多囉......所以我都係食冰鮮魚多!
     
    喺外國生活係差唔同架嘞! 始終都係香港最好~
     
     

    回覆刪除

Related Posts Plugin for WordPress, Blogger...