2011年2月16日星期三

V媽媽靚正餸系列 - 金華火腿蠔汁扣鮮鮑魚


 1. 新鮮南非鮑魚起肉去腸臟,將肉刷乾淨。

NOTE

- 盡量選大一點的鮑魚,因汆水及炆煮後肉會縮小;

- 可用比較便宜的大連鮑,但大連鮑口感較淋,炆煮時間要相應縮短;

- V媽媽買咗大盆鮑魚返屋企自己慢慢起肉,如只購賣少量,可請魚販代為起肉。

2. 鍋中倒入清水,凍水下鮑魚肉,大火汆水8分鐘。

P.S. 凍水下鮑魚可避免鮑魚邊爆開!

3. 取出鮑魚再洗淨,瀝乾備用。


 4. 燒熱油鑊,下鮑魚兜炒一會,加入金華火腿一小塊,再下蠔油、糖、老抽和清水適量,兜勻煮滾。(汁液以剛浸過鮑魚大半因標準!)

5. 上蓋小火炆2小時至入味,炆煮期間要留意水份避免煮燶。

P.S. 炆好的鮑魚第二日會更入味,所以此餸最好食前早一日準備!





39 則留言:

  1. Wow~1st!
    [版主回覆02/17/2011 22:50:00]
     
     

    回覆刪除
  2. It sounds so easy~I might need to try it some time! I love abalone alot too!
    [版主回覆02/17/2011 22:50:00]yes apart from taking the flesh out, it's not difficult at all!  try la~~~~~
     
     

    回覆刪除
  3. 勁!
    [版主回覆02/17/2011 22:49:00]V媽媽真係好勁架! 佢係我偶像來~
     
     

    回覆刪除
  4. 一早嚟食隻鮑魚先得!
    [版主回覆02/17/2011 22:48:00]哇~ 雀后妳5點幾一早起身就過來食鮑魚做早餐呀?
     
     

    回覆刪除

  5. [版主回覆02/17/2011 22:47:00]係!
     
     

    回覆刪除
  6. 你媽咪一邊煮﹐你一邊影相呢~
    [版主回覆02/17/2011 22:46:00]係呀~ 佢成日話: 都未煮好影乜鬼?
     
     

    回覆刪除
  7. 請問,你媽咪係邊個街市買到咁靚嘅鮑魚呀?我屋企附近個街市,簡直不知所謂,海鮮檔居然連啲大隻蝦(e.g:花竹蝦)都無得買...,請賜教 tks
    [版主回覆02/17/2011 22:46:00]依個我要問問V媽媽再覆妳! 不過佢話我知佢一次過買成盆係相熟魚檔幫佢留既~
     
     

    回覆刪除
  8. wow~~ 正呀~~ 好似唔難, 試下先~~
    [版主回覆02/17/2011 22:45:00]係唔難架! 快d試吓啦~ 最難最麻煩反而係開鮑魚殼......
     
     

    回覆刪除
  9. 好肚餓添 V女 黎試下V媽手勢先 !!! 正呀 
    [版主回覆02/17/2011 22:44:00]妳對眼睛試過都話正呢?
     
     

    回覆刪除
  10. My eye so HAPPY ar........
    [版主回覆02/17/2011 22:42:00]just your eyes? what abt you?? are you happy??
     
     

    回覆刪除
  11. Thank you for sharing your mom's recipe!! I definitely will try it...
    [版主回覆02/17/2011 22:42:00]you're welcome Friend! shame i cant get fresh abalone here, otherwise i will def try to cook this as well!!
     
     

    回覆刪除
  12. Gaileは林家歐巴桑2011年2月16日 下午8:10

    我都問過我媽咪,原來V媽媽既煮法同我媽咪差唔多喎,都係用金華火腿炆...
    只可惜我買唔到金華火腿
    [版主回覆02/17/2011 22:41:00]妳果邊咁鬼嚴,叫妳媽咪寄都且怕會比人充公......
     
    一係妳搭果d帶廚師腸既勇士帶舊火腿比妳囉!
     
     

    回覆刪除
  13. 嘩 ! 鮑魚好味呀 !
    [版主回覆02/17/2011 22:38:00]依個方法整又唔太貴又好味,鮑魚又好滋陰~ 正!
     
     

    回覆刪除
  14. 正呀!睇到我流晒口水喇
    [版主回覆02/17/2011 22:37:00]我尋日一路打食譜都一路吞口水呢......
     
     

    回覆刪除
  15. 正..要試下先
    [版主回覆02/17/2011 22:35:00]唔難整,又唔太貴又好味架! 快d試吓啦!!
     
     

    回覆刪除
  16. 正!好味道
    [版主回覆02/17/2011 22:35:00]真係好好味~ 妳都試吓整吖!
     
     

    回覆刪除
  17. 好好味喎! 元宵節快樂!
    [版主回覆02/17/2011 22:34:00]V媽媽整既緊好好味!  
     
    元宵節快樂啊肥姨!
     
     

    回覆刪除
  18. (Empty)
    [版主回覆02/17/2011 22:33:00]
     
     

    回覆刪除
  19. 嘩~多謝分享~~~MARK 低! 等有機會買D鮮鮑返來試下! 話哂澳洲鮑魚都出名GA MA... 珮夫人
    [版主回覆02/17/2011 22:33:00]妳就好啦! 外國都買到生鮮鮑魚!!
     
    我依度搵隻急凍既都無呀!
     
    好彩我有罐頭鮑頂檔!  
     
     

    回覆刪除
  20. 我初二嗰餐都係買新鮮鮑魚黎煮,不過我係汆咗水先去內臟, 下次要學下V媽媽個方法先得 
    [版主回覆02/17/2011 22:32:00]哈哈~~~ 汆完水緊係易甩殼啦!
     
    不過V媽媽開一次鮑魚,有部份要急凍嘛,所以要生鮮用刀開!
     
     

    回覆刪除
  21. 唔怪得喇!原來我買錯咗大連鮑!
    唔怪得我啲咁細同埋好淋,賣相同人感同V媽媽呢啲差好遠呀!
    不過我好似好少見到有南非鮮鮑喎?多數都係大連鮑?
    下次見到有一定要買黎試試!
    多謝V媽媽的分享呀!
    [版主回覆02/17/2011 22:27:00]
    V媽媽每次都會買一大盆返屋企自己起肉,之後放冰格儲存,佢係叫相熟魚販留先有咁多呢~ 
     
    V媽媽一向都係買南非鮑來整~ 佢都買過大連鮑來整,所以佢知道炆出來好淋,不過都應該會好食既,只要縮短炆既時間,炆完後焗耐d都一樣會入味既!
     
     

    回覆刪除
  22. V媽媽好利害哦...
    [版主回覆02/17/2011 23:56:00]係呀~ V媽媽真係好厲害! 佢係我偶像來架!
     
     

    回覆刪除
  23. Thank you ! 等我都試吓整先!!
    [版主回覆02/18/2011 06:15:00]唔洗客氣~ 快d試吓啦!
     
     

    回覆刪除
  24. 終於有食譜嘞.....
    吾好話你流口水啦...我未食過...只係睇相我都流晒口水....
    [版主回覆02/18/2011 06:15:00]妳整野食咁叻,唔洗食譜都應該整到啦!
     
     

    回覆刪除
  25. 我唔知呢邊個D係咩地方既鮮鮑渦...
    [版主回覆02/18/2011 06:14:00]急凍鮮鮑都應該得架! 急凍既妳果邊會有嗎?
     
     

    回覆刪除
  26. 其實我整野食好屎咋....整來整去都係果幾味咋...你叻我好多好多好多....
    [版主回覆02/18/2011 23:03:00]咪鬼咁謙啦! 剩係妳果味薑蔥鯉魚都睇到我流哂口水.....
     
     

    回覆刪除
  27. yeah~~又學到野la 不過我唔敢劏野, 之前打邊爐都買過鮮鮑, 最後驚到叫老公幫我劏 第2次再買就叫檔主劏埋先~~~
    [版主回覆02/18/2011 23:02:00]叫檔主幫忙起肉應該無問題既!
     
     

    回覆刪除
  28. 好吖,唔該...
    [版主回覆02/24/2011 23:10:00]問咗~ V媽媽喺旺角街市買既! 唔係花園街果個喎,係喺朗豪坊果邊果個旺角街市~
     
    佢話基本上大部份既海鮮檔都會有鮑魚仔賣果喎! 不過當然要撞啱啦~
     
     

    回覆刪除
  29. Gaileは林家歐巴桑2011年2月17日 下午9:24

    米攪~到時佢比人充哂公賴我咪屎...
    妳知啦...d人鬧人好毒架嘛
    [版主回覆02/18/2011 23:01:00]阿勇士話佢咁多次都無事喎! 吹~~~~~~
     
    不過係呀對方把口同佢個心一樣係咁毒架! 都係少惹佢為妙!!
     
     

    回覆刪除
  30. 情若無花不結果2011年2月18日 上午9:52

    sorry , 個鮑魚咁正, 我要據為己有啦, 個食譜,我仲想學V 媽嘅炸蠔, 可以嗎? THX 
    [版主回覆02/19/2011 03:45:00]無問題! 據啦~ 據啦~
     
    V媽媽個炸蠔其實同我個炸蠔一樣做法! 只係佢用既係美國桶蠔,我依度無美國桶蠔,只可用韓國急凍蠔.....
     
    http://hk.myblog.yahoo.com/veronicams_tsim/article?mid=10436
     
     

    回覆刪除
  31. 流哂口水添 !
    [版主回覆02/19/2011 08:14:00]我睇返相都流哂口水呢~
     
     

    回覆刪除
  32. Wow, beautiful and yummy . I'll learn. Thank you for sharing  
    [版主回覆02/19/2011 23:07:00]you're welcome Dai Fa Tung!
     
    try the recipe and you'll find it's very easy to cook~
     
     

    回覆刪除
  33. VV, thanks for sharing this delicious recipe.  Your "lunchbox" on the flight made me so mouth-watering.  I long for this recipe 
    [版主回覆02/19/2011 23:06:00]you're welcome tigerbobo! try the recipe and you'll find it's very easy too cook~
     
     

    回覆刪除
  34. 成日都好鬼happy既Mrs.T
    sorry 呀!因為我copy左你E份blog响我個blog到,諗住做食鐠自己睇,但係唔記得lock只係自己睇,post左出嚟,希望你唔好唔會我攞妳blog,
    [版主回覆02/19/2011 23:05:00]唔緊要~ 其實就算妳公開貼依份食譜喺妳blog 都無所謂,as long as 妳有註明食譜係出自我blog 就可以啦!  
     
     

    回覆刪除
  35. 正!!有機會一定學黎整!! 因我都好鍾意食鮑魚~但唔識整只係食即食果種!
    另外有樣野真係想讚下, 你真係好有心機呀, 步驟清楚又有埋圖咁, 連我d煮飯低手都學到野, 好good, 非常支持!!
    [版主回覆02/22/2011 03:45:00]其實罐頭鮑魚都好好食架! 而且因為已經熟咗,唔洗咁多steps 去烹調呢~
     
    唔洗客氣! 我都唔係味味餸都有step 圖架,妳知啦 - 有時煮開野唔方便影相嘛~ 不過依個唔係我煮,V媽媽煮緊我影相,佢話我搞搞震......
     
     

    回覆刪除
  36. 真係唔該晒你同V媽媽呀,嗰個街市都近我,不過我又唔係成日可以去到,我有時間會去買喇,THANKS~~~
    [版主回覆02/26/2011 03:06:00]唔洗客氣!  妳去開果頭就睇吓啦,果頭應該成日都有得賣!
     
     

    回覆刪除
  37. 嘩! 真係好啦, 可以學到點樣整新鮮鮑魚, 真係多謝你媽咪和你的無私分享, 兩母女都有烹飪天份, 我睇好你仲有好多發展空間, 努力! 加油!
    想問下, 洗鮑魚要否用D咩粉去洗, 例如粟粉, 可以幫忙問下你媽咪嗎?
    對於你的blog, 小妹有小小意見, 盼望你開一個題目 ♡ V乜鬼 Le Creuset , 講下你點用個煲, 烹煮時間&方法, 因為我想學下 , 之後去買番個來用. 相信好多粉絲都同意我講掛
     
    [版主回覆03/02/2011 23:48:00]唔洗客氣 + 多謝家豪媽媽讚賞! 我自問仲未學到V媽媽既十份一,不過我會繼續加油~
     
    我果日都睇住佢洗鮑魚,係唔洗用粉去洗既! 用有狗牙既生果刀起肉去腸,再用一個硬身既刷擦走鮑魚肉上既黑色就可以嘞!
     
    先多謝妳既意見! 不過我唸我唔會只為咗咋cast iron cookware 而開新分類~ (btw 我只有2個LC,其他大部份係另一法國牌子Chasseur!)
     
    其實LC 都只係一個品質較佳既普通煲,我平時用來煲湯、炆野 + 煮煲仔飯.....依d野唔用LC都煮到, 依個世界無一種食物係一定要用LC先煮到既!
     
     

    回覆刪除
  38. 還有, 我都幾有興趣看看你的廚房
    [版主回覆03/02/2011 23:39:00]唔好意思~ 我唔會公開展示我屋企任何一個角落!
     
     

    回覆刪除
  39. 請問係唔係一般街市都買到新鮮南非鮑魚呢?
    [版主回覆02/14/2012 09:57:29]係呀~ 不過唔一定要南非鮑,大連鮑都得,不過大連鮑比較薄身! ^^

    回覆刪除

Related Posts Plugin for WordPress, Blogger...