2011年2月11日星期五

V媽媽靚正餸2011 (回英篇) - 1月9日

自踏入兔年以來我都仲未食過一餐好野!

(暫時食得最多竟然既係藥丸! 唉......)

我仲要食2星期消炎藥,睇來食藥依段時間最好都係戒口先~

早前post 咗3篇"V媽媽靚正餸",
好多網友都留言問我: 今次回英時有無鮑魚食?

緊係有啦! 我來咗英國10幾年,每次返完香港回程時都一定帶鮑魚上飛機食,今次點會例外呢?

既然我仲有一段時間唔食得好野,咁就用依篇"V媽媽靚正餸回英篇"來望梅止渴啦!


木瓜煲雞腳; 白切清遠雞; 清蒸金錢斑; 酥炸美國桶蠔; 豉油皇大蝦; 芹菜蜜糖豆炒鵝肝腸

返親英國都係零晨機,所以可以食埋晚飯先出門口~

 英國無雞味濃 + 肉嫩滑既清遠雞食,當然要趁機咬多佢幾啖啦!

 V媽媽 + 我都鍾意食魚~ 不過V媽媽鍾意要"損"骨既魚仔; 而我就最愛啖啖肉既大條魚!

 雖然我自己喺英國都整到炸蠔,不過依度無美國桶蠔賣......

 依味我而家一定唔食得住!!

 依味我間中都會整來食,不過而家一樣未食得住!!!
打字打到依度,我已經開始後悔喺依個時候仲寫篇咁既野來引自己.......

>>>>>>>>>>>>>>>>>>>>>>>>>>>>>>>>>>>>>>

食完晚飯沖個靚涼,再check 吓有無執漏行李,就差不多時候去機場嘞!

 回英前2日,V媽媽買咗大盆鮑魚返來準備我份私伙飛機餐~

 炆咗最大果8隻比我~

 早前貼咗依張相上FB,有人留言同我講"邊度有人搭飛機食D咁野架,痴線!"

如果睇緊依篇既妳/你都有以上同樣唸法,就唔該妳/你過主啦!

以往我回英依餐都只食V媽媽準備比我既私伙鮑魚,航空公司份餐我多數唔食!

 不過Emirates 份餐幾好食,依餐清鬼哂!

 佢地份早餐份量足又好味! 好食過英航早餐多多聲!!

 1月10日清晨時份到咗杜拜 (杜拜時間),架機一land 大霧到嚇咗一跳!

因為超大霧關係,大咋航班都要delay~

 大霧差唔多到中午先散哂,不過大咋delay 飛機又要排隊起飛......

卒之我返Glasgow 果程機足足delay 成3粒鐘頭!




32 則留言:

  1. Hand carry 上機食自己的食物, 我都試得多啦! 點會痴線 o者!! 因我三母女都唔鍾意食飛機餐!! 尤其大細豬小姐!! 所以, 我 Ho-ma 一定整定一 D 我 o地鍾意o既食物o架!! D 空姐仲話我 o地真識食 tim !!
    [版主回覆02/12/2011 07:35:00]我唸對方話我黐線其實並非指我帶自己食物上飛機食,而係指我食既"內容"! 不過黐線與否見仁見智啦~ 帶咩上去食都係我既自由!!
     
     

    回覆刪除
  2. 真係好豐富嘅一餐呀,尤其係機上嗰餐私伙餐ar......讚!!!
    [版主回覆02/12/2011 08:09:00]以前我搭親都係英航、維珍、法航之類既歐洲航空公司,d餐真係唔多掂~ 加上我好鍾意食鮑魚,所以每次返英V媽媽都會準備盒私伙野比我,等我喺飛機都可以食好d!
     
     

    回覆刪除
  3. 你咁靚又食咁多好嘢(仲唔肥)(仲嫁得好),仲有個咁好亞媽竟然咁錫你,好容易招人妒忌,所以在facebook的黐線留言的人是因為已經妒忌到黐咗線
    [版主回覆02/13/2011 02:46:00]過獎嘞miss~ 我邊有妳講得咁完美呢??  (慚愧ing.....)
     
    其實無咩好妒忌,知足常樂嘛! 每個人都擁有好多值得珍惜既野,唔需要羨慕,更唔需要妒忌~
     
     

    回覆刪除
  4. oh no, i'm so starving... 睇到胃有d"劣劣下"...yummy v媽咪鮑魚,好想食呀! v女要好好休息呀!繼續美麗繼續幸福, 繼續享受人間美食...繼續與我們分享!
    [版主回覆02/13/2011 02:42:00]哈哈~~~~ 我都好想再食!
     
    多謝妳既祝福啊石堅! 我已經好返好多,精神上可以打死幾隻老虎呢! (不過肉體上只可以打死幾隻老鼠! )
     
     

    回覆刪除
  5. You have a very good mother
    [版主回覆02/13/2011 02:39:00]to me, she's the best mum in the world! i love her very much!!
     
     

    回覆刪除
  6. 能夠帶家人為自已煮的愛心飽魚上機享用,不知幾幸福呀!
    [版主回覆02/13/2011 02:38:00]依盒鮑魚係我每次返英國臨上機前喊到豬頭咁之後既安慰來架!
     
     

    回覆刪除
  7. 如果咁樣係痴線...我又唔介意痴下啊~哈哈哈~
    我次次回程都係早機...超無癮...
    不過我想帶上機o既食物都係D唔帶得o既o野...例如澳門牛/豬肉乾同D水果~
    [版主回覆02/12/2011 21:56:00]歐洲航班多數係零晨,所以日頭仲有時間"最後衝刺"!  上到機食埋野就瞓得嘞!
     
    妳好似係住美國? 最誇張其實係澳洲,我記得有次睇電視,有架由NYC去澳洲既機,飛機餐包個蘋果,有d人無食袋埋個蘋果落機,卒之位位都要罰200AUD!! 好過份~
     
     

    回覆刪除
  8. 賣相好得~~~應該好好味...
    [版主回覆02/12/2011 21:45:00]V媽媽既手勢真係俱全架!
     
     

    回覆刪除
  9. 鮑魚私家飛機餐夠晒特別  加上係V媽特別為你泡製 單單呢份心思都夠晒甜蜜蜜 
    [版主回覆02/12/2011 21:44:00]私伙野幾時都一定好味過airline d餐架嘞,自己鍾意食乜都得!
     
     

    回覆刪除
  10. 飛機餐轉左你個盒就好啦~ 岩岩食飽飽,睇完的相又想食啦 半夜睇見呢的相真係會訓唔著~
    [版主回覆02/12/2011 21:42:00]哈哈~~~~ 我依度成日都好多野食(相)架! 下次記住食飽先來訪,或者準備宵夜邊食邊睇!
     
     

    回覆刪除
  11. o(︶︿︶)o ,怎麼會有這種多管閒事的人呢,真是,人家吃什麼又不會影響到其他乘客,哈哈,真是怪人。 記得有次上機前好想吃鹹酥雞 ,本來都想叫我媽媽買點讓我帶上飛機慢慢歎,後來被我細佬阻止,說怕香味太吸引同機的人啊 ......
    [版主回覆02/12/2011 21:37:00]以前我依度有一間中食快餐店,佢地有好正既鹵水鴨賣(而家間野執咗!),有次V媽媽 + V阿姨來探我,返去時買咗一隻帶上飛機食! 佢地話返到香港隻鴨已經無哂,早知買多隻帶比V爸爸食喎~
     
     

    回覆刪除
  12. 唔知點解阿聯猶D飛機餐係好食D GA WO 珮夫人
    [版主回覆02/12/2011 21:30:00]我今次第一次搭Emirates 咋! 除咗飛機餐唔錯之外,Dubai 機場轉機都好正,果度d餐廳野好好食!
     
     

    回覆刪除
  13. ....嘩!T太,妳好鬼正呀!上機都有私伙鮑吃! 許地用新鮮鮑魚“蚊”呀?點解個樣甘似乾鮑做? (請恕村姑見識少! )...
    我同意妳所講, Emirate係一間好既航空公司,無論食物、服務或設施都好好。但美中不足係要轉機,有D要等3-6個鐘!加上Emirate有好多中東、南亞客。許地大部份身上帶有一D獨特氣味, 有時都幾係野!曾經撘Emirate其中一班機從奧地利到杜拜,遇到一班南亞樂團坐向我地後面,許地唔知係唔係除左鞋,週不時傳出陣陣臭腳味!終於我地同空姐研究,許地就用空氣清新劑噴向地下。雖然,甘樣做對其他乘客有影響同被抱怨,但許地真係有服務同好搞笑。
    [版主回覆02/12/2011 21:08:00]我同蔡瀾一樣唔鍾意食乾鮑架! 整又麻煩,炆得唔夠腍又"銀"胃! 我整過一次都唔想再整,冰格仲有幾隻吉品唔點處置......鮮鮑 + 罐頭鮑我就鍾意嘞! 我唔知V媽媽點整呀,搵日問吓佢之後先出食譜~
     
    well~ 我住喺蘇格蘭,點都無直航機去香港架嘞! 即係無論搭邊間航空公司我都要轉機~ 我今次第一次搭Emirates,喺杜拜轉機幾好,因為每程7小時左右,唔洗一次過搭十幾粒鐘~
     
     

    回覆刪除
  14. is your mom using fresh 鮑魚 to do that dish....
    [版主回覆02/12/2011 21:01:00]yes she used fresh abalone.
     
     

    回覆刪除
  15. Mrs.T, 希望妳快D好番...^^
    我想問V媽整比你既鮑魚係點整既呢? 個樣好靓呀,我都好想試吓...等你好番之後,可否分享食譜?
    [版主回覆02/12/2011 20:59:00]多謝Jay Jay! 我已經好返好多嘞~
     
    分享食譜無問題! 我遲d問完佢點煮再將食譜post 出來吖!
     
     

    回覆刪除
  16. Gaileは林家歐巴桑2011年2月12日 上午5:16

    如果睇緊依篇既妳/你都有以上同樣唸法,就唔該妳/你過主啦!
    like like like...
    我記得,條友事後黎道歉嘛,又賴依樣果樣...都係妳,攪到咁鬼多人唔抵得!!
     
    話時話,V媽媽醒妳八隻鮑,係咪比妳一路 發
    [版主回覆02/12/2011 21:28:00]發? 睇吓發咩啦! 如果係炎我唔想發呀!! 會屎人架~~~
     
     

    回覆刪除
  17. 情若無花不結果2011年2月12日 上午9:44

    自己鍾意食乜都得, 又冇影响人, d 人鬼咁多咀, 最後都係嗰句" 世上只有媽媽好", 食咗咁多藥, 記住煲 d 涼荼, 同清心火嘅湯水。
    [版主回覆02/13/2011 02:13:00]多謝提醒! 暫時補野,清熱野我都唔敢飲住,等身體無咁虛先,遲吓先再慢慢調理返身體~ 不過我都有飲菊花晶!
     
     

    回覆刪除
  18. 嚇?!唔係呀~如果international既機得D咁既野...我接受唔到囉~除非個蘋果好鬼巴閉...咩溫室蘋果之類...如果唔係...真係唔抵囉...我會直接留係架機到算囉~
    係呀~我住美國架~你真係好記性啊~
    [版主回覆02/13/2011 03:00:00]其實我都好婆仔,如果係我,我唸都會袋埋個蘋果~  唔好浪費食物嘛!
     
    不過我覺得d旅客真係好無辜! 有好多人可能第一次去未必知澳洲咁多規矩,開開心心去旅行,一落機就無咗200.....其實最大責任係航空公司,明知澳洲咁嚴就唔會喺機上派蘋果啦!  澳洲海關又係有問題,成機咁多人賴野都照罰,好似有錢收就OK咁! 果集睇到我好嬲!!!
     
    嘻嘻~~~ 過獎! 我自問記性都唔差,不過有好多時都會記錯架!
     
     

    回覆刪除
  19. 好正啊!! 見到都流口水!!
    我都好鍾意帶私伙野上機食, 但諗都冇諗過可以食鮑魚咁正~V媽媽真係好錫你呀! 仲要望落好入味添喎! 坐係你隔離的話, 有得睇冇得食都幾慘
    好明顯話你既人見識少, 咪大驚小怪囉, 未見過人食好野咪係度嘈怨巴閉囉 我完全唔覺得出奇喎! 只係好羨慕
    [版主回覆02/14/2011 00:50:00]哈哈~~ 坐我隔離果個係一個唔夠10歲既鬼仔,佢有及住我盒野,我唸佢唔知係咩來,佢個樣好似覺得好古怪!  anyway 成程機我見佢食得最多係薯片! 2份餐都只係咁二掂少少.....
     
    杜拜機場咁多正餐廳,求其一間外賣打包上機食都好正啦!
     
     

    回覆刪除
  20. 邊度有人搭飛機食D咁野架,痴線--->一定唔抵得妳啦
    我就羨慕妳有媽媽煮既愛心飽魚攞上機食
    [版主回覆02/14/2011 00:45:00]妳媽媽而家返咗香港探妳煮野比妳食,我仲加羨慕妳呀!!!!
     
     

    回覆刪除
  21. 哈~~我哩個大鄉里真係第一次見人咁食飛機餐(睇到我流晒口水) 同埋冇諗過搭飛機可以拎飯盒之類上機食 下次旅行要試下先~~^^ 同埋你要快D 好返呀~~好想快d 睇到你精精神神煮返野食
    [版主回覆02/14/2011 00:43:00]係可以自帶食物上機食架! 不過要記住 - 唔可以有汁喎!
     
    而且最好喺到達目的地前一定要喺機上食哂,因為每個國家可帶食物入境條例都唔同架! (其實應該話大部份國家都唔比帶入境!!)
     
    我已經好返哂嘞~ 多謝關心! 不過仲要食個多星期消炎藥,仲食緊藥依段時間我仍然要戒口,等我解禁先煮返餐好既! 要等我啊~~~~
     
     

    回覆刪除
  22. 咦?原來V媽媽係用新鮮鮑魚黎炆架?我一直以為係乾鮑呢!
    我都試過用新鮮鮑魚黎炆,做過年餸,不過炆完後縮晒水,無V媽媽呢啲咁大隻呀!
    下次要搵你請教V媽媽點炆先得!
    [版主回覆02/14/2011 00:39:00]係呀~ 新鮮鮑來架! 乾鮑我食咗會胃痛架~ 我結婚果陣就係用乾鮑,又著住緊身晚裝,個胃痛咗成日幾慘呀......
     
    無問題~ 等我一次過問哂V媽媽d餸點煮後再出食譜!
     
     

    回覆刪除
  23. 鮑魚做飛機餐
    [版主回覆02/14/2011 00:36:00]菲仔妳返來嘞!  妳個blog 早幾日搞乜鬼無鬼咗架??
     
     

    回覆刪除
  24. 我覺得自己拎cup noodles 上去問人拎hot水仲 黐線啦 d人 羨慕你先話你姐!!! 佢自己仲 黐線
    [版主回覆02/14/2011 19:32:00]吓? 竟然有人自己拎cup noodles 上飛機??  短途架??? 長途機大部份airline 都有杯麵供應果喎!
     
     

    回覆刪除
  25. 我覺得自己拎cup noodles 上去問人拎hot水仲 黐線啦 d人 羨慕你先話你姐!!! 佢自己仲 黐線

    回覆刪除
  26. 我又唔覺得係飛機食飽魚癡線啊, 反而我擔心你食得多會唔會胃痛呢?!  因為我試過食完之後胃痛, 可能我賤命, 唔食得好野囉...
    [版主回覆02/14/2011 19:30:00]唔會胃痛~ V媽媽知道我鍾意食淋d,所以會炆到淋炆到入味!  乾鮑我就會胃痛嘞~
     
    舊年果盒仲正呀 - 炆鮑魚加海參呢!  不過今次V媽媽唔得閒發海參.....
     
     

    回覆刪除
  27. 我覺得好窩心呀,V媽唔係成日見到你,臨走整D好野俾你上機食,
    想像到你一路食一路掛住V媽定喇!! :)
    唔好理D路人甲,佢唔識你唔明白你呢個特別飛機餐當中既意義~ 知道自己幸福就可以了~ TAKE CARE!
    [版主回覆02/14/2011 19:26:00]Thank you 吉比太太!  
     
    無錯妳講得好啱呀~ 依盒我每次返英國既飛機餐,對我來講既意義唔係鮑魚好貴好巴閉,而係我又要同至親既屋企人分開一段時間既安慰! 就算V媽媽為我準備既係豬皮魚蛋唔係鮑魚,當中既意義都係一樣!
     
    我唔需要其他人明白當中既意義,我自己明白就得嘞! 更唔洗其他人覺得我幸福!! 更更加唔需人地走來話我正常定係黐線!!
     
    祝妳情人節快樂啊吉比太太!
     
     

    回覆刪除
  28. 我覺得好窩心呀,V媽唔係成日見到你,臨走整D好野俾你上機食,
    想像到你一路食一路掛住V媽定喇!! :)
    唔好理D路人甲,佢唔識你唔明白你呢個特別飛機餐當中既意義~ 知道自己幸福就可以了~ TAKE CARE!

    回覆刪除
  29. 好想知V媽個鮑魚點整呀 ....有機會幫我問吓V媽媽啦.....
    [版主回覆02/14/2011 19:13:00]好呀~ 等我問完V媽媽再貼食譜出來吖!
     
     

    回覆刪除
  30. 隻虎發顛囉 無啦啦關閉左我個blog, 嚇到我CC吓 咁我咪填form去問下, 點知佢答我誤關喎, 妳話隻虎到底想點呀
    [版主回覆02/14/2011 19:12:00]Yahoo 真係不知所謂! 其實我返香港前都已經試過有一位blog 友網誌被誤關,估唔到隔咗幾個月今次仲大煲,聽聞最近好多人都試過被誤關!  不過唔緊要啦,最緊要佢地開得返!
     
     

    回覆刪除
  31. 我一搭飛機心情超煩燥﹐好似好被困~ 真係咩都冇心機食喇~ 不過U有鮑魚食又幾好啵﹐我媽咪唔會整俾我食架。
    [版主回覆02/17/2011 01:12:00]我搭飛機唔會煩燥架!  
    一係返香港一係去旅行,我心情好興奮呢~
    不過返英國時就會依依不捨掛住屋企人囉......
     
     

    回覆刪除
  32. 如果我坐你隔離,可能會話食咁多易胃痛架,不如請我食一粒啦,hahaha
    [版主回覆09/30/2013 17:27:44]我唔想變肥,所以我一向都係一個獨食既人!

    回覆刪除

Related Posts Plugin for WordPress, Blogger...