是日小妹牛一!
雖然老公當時已返咗英國唔可以陪我渡過，
不過今年有V媽媽陪我拍拖行工展會~
因為仲未食午餐，所以第一件事先去食野，食完先慢慢再行......
都幾好食，不過個汁稍為甜咗少少~ 都係V媽媽整既好食d!
食完野就開始行嘞!
不過因為之後有位auntie 請我食生日飯，所以唔方便買太多野......
(本來仲加多~ 不過食飯時比咗幾枝請我食飯既auntie~)
- 白色廚剪 (V媽媽既);
- 黑色骨剪 (我既~ 仲送咗把生果刀仔!);
- 批皮器2個 (一人一個);
- 指甲拑 (我既);
- 康寧碟2隻 (我既)
日式放題牙...好味牙... 上年返HK時先知道 原來我個堂哥係呢類日式放題餐廳做大廚 而且我地成班親戚藉口慶祝我生日一齊去食野 好好味牙...諗起都流晒口水... 個次其實係我第一次食羊肉~(之前怕騷味)同海膽~ 其實當晚食既所有野都係我堂哥親自打點既 真係食過返尋味~ 佢靜靜雞話...其實普通客係唔會食到呢d野架... 就算食到都唔係呢個quality... 見到你都去左食放題...我d口水又流晒出黎喇...! 流到一地都係添牙!!
回覆刪除[版主回覆02/18/2011 06:43:00]堂哥私人醒緊係唔同d啦! 咁妳下次返去要再去幫襯嘞!
其實V媽媽係唔鍾意食日本野架! 不過老公返咗英國，除咗同朋友食之外，同屋企人係絕對唔會食日本野!
不過是日我生日大哂! 終於令到V媽媽肯去試吓~ 佢終於都發現有野佢係鍾意食既!
工展會啲野係吾係真係好平架?
回覆刪除日式放題有冇限時間架...記得有年係旺角食日式放題係有時間限制架...
[版主回覆02/18/2011 21:52:00]我唔知香港d價喎，所以我都唔知工展會d野係咪平d!
不過把孖人骨剪佢標原價$600，工展會就半價仲送把生果刀~ 妳果時話孖人骨剪好用，係咪就係依把呀?
我唔知依間日式放題有無時限呀! 係請我食飯既auntie 訂位，我第一次去架咋! 不過佢地d野好好食，雖然爆哂棚不過出菜好快~ 我地食飽就走人嘞!
淨係暑假先可以返得 HK! 因時間唔 o岩! 所以從未去過工展會!!
回覆刪除[版主回覆02/18/2011 21:49:00]今次係我第二次行工展會，我以前讀緊書時每年聖誕、暑假都會返香港，所以之前都行過一次工展會，不過果時喺天馬艦麻麻地，而家正好多，多好多野賣!
V 媽整啲鮑魚賣相好啲，多謝你的上次的分享，我會試試！
回覆刪除[版主回覆02/18/2011 21:43:00]唔洗客氣! 鮑魚好滋陰有益又好味，人間美食啊~~~
工展會我都好似去過一次...不過個次同個AUNTIE去...唔多o岩嘴型...好多o野想食想買都無...唉~o徙晒~
回覆刪除我都有唸住去呢邊D supermarket睇下有無frozen鮑魚買...
[版主回覆02/18/2011 21:42:00]今次係我第二次行工展會，好多年前讀緊書時聖誕假都行過一次，不過果時喺天馬艦麻麻地，而家正好多，多好多野賣!
最好買到鮮鮑就用鮮鮑啦~
買米加油可以免費送貨架
回覆刪除[版主回覆02/18/2011 21:41:00]V媽媽買豉油買埋送比auntie 果份嘛，所以佢想即時攞! 而且佢份人好憎喺屋企等送貨......
哈哈...我仲想問係邊個揸相機架,攪到妳個頭好似key上身咁
回覆刪除鮑魚好大隻呀,其實呢我好似係未行過工展會架,都幾正喎
[版主回覆02/18/2011 21:40:00]果位哥仔直頭犀利啦! 前排既我 + V姨丈全部比佢拉到脹哂 (我姨丈好靚仔架嘛!!); V媽媽都有少少波及; 但後排auntie + auntie 囡囡就好正常! 一張相有3個效果，妳話哥仔幾勁!!
d鮑魚係幾大隻架，都幾好味，不過甜咗少少~ 今次係我第二次行工展會，好多年前讀緊書時聖誕假都行過一次，不過果時喺天馬艦麻麻地，而家正好多，多好多野賣!
好似真係好多野買 !!!!!
回覆刪除收獲都好豐富
[版主回覆02/18/2011 21:35:00]唔係買咗好多野咯~ 因為約咗人食飯，所以有好多野唔方便買!
係喎.,.呢張影到你好漲爆下.... 原我個日見到個就係v媽~~
回覆刪除[版主回覆02/18/2011 21:34:00]艾莉妳做証呀! 妳同我飲茶果日我係咪咁款架??
哈~ 妳個傻婆吖，我仲以為妳一早知道佢就係V媽媽呢!
最后一张照片是看到你有点胖了，不过还是那么的漂亮。
回覆刪除[版主回覆02/18/2011 21:32:00]依張相係影到我好肥呀! 上一篇同blog 友打邊爐只係前一日來，無可能一日之內相差咁遠啦~
First time visitor here... really like your lively personality (from writing and pictures!) especially your relationship with your mom! So sweet!
回覆刪除I've never been to this food fair before, seems like a fun thing to do!
[版主回覆02/18/2011 23:24:00]welcome Southern Gal! thanks for visiting my blog~
V mama is my idol, my best friend! i love her very much~ but sometimes we do fight like other mothers and daughters!
張相又真係影到妳肥左喎
回覆刪除[版主回覆02/18/2011 23:17:00]依張相根本完全唔係我來! 妳睇上一篇我同扑友打邊爐，果張相係前一日影，一日之內點會咁大分別?
返香港一定肥ga la!! 鬼叫我地係英國無淡好食返香港一定有食返夠本
回覆刪除[版主回覆02/18/2011 23:27:00]我唔係肥喎~ (我唔係唔認肥，而係我真係唔肥!)，上一篇我同扑友打邊爐，只係早一日既事，果張相我完全唔係咁既身型! 無理由一日之間會變型變到咁....
依張相連我姨丈都拉闊咗! 絕對係果位哥仔既攝影技巧問題!
That pic looks scary .......... I thought u r expecting baby , wakaka ! Hope u r fully recover by now ! I really like reading yr blogs !!
回覆刪除[版主回覆02/19/2011 03:37:00]yes this is a very bad pic of me!
thanks 中女飛人! im almost totally recovered la~ only a few days to go and i can eat everything. thanks for visiting my blog!
回覆刪除元宵節快樂
祝
團團圓圓
一家人 一團和氣
有情人 終成眷屬
[版主回覆02/19/2011 03:35:00]多謝來訪 + 歡迎妳啊~
我都祝妳元宵節快樂 + 開開心心!
好正呀~我都好想食 ^_^
回覆刪除[版主回覆02/19/2011 03:34:00]我都好想再食多次呢! 尤其係串元貝!
串燒元貝 橙色果舊 邊邊 <<< Like...不過有d人話唔食得, 我一於小理 ...Hahaa
回覆刪除[版主回覆02/19/2011 03:33:00]我聽人講過好似話橙色果舊野吸收哂d重金屬喎~ 不過我都一於好少理，我覺得橙色果舊仲正過白色舊肉呀!
串燒元貝 so yummy, I love it too. Actually, I like all the foods you just posted. Make my mounth water.........
回覆刪除P.S. Get well soon..
[版主回覆02/19/2011 08:08:00]actually they were all yummy! really want to try them again!!
thanks drm~ im almost totally recovered la!
哈哈！工展會係我同小魚公每年聖誕的必然拍拖節目呀！
回覆刪除[版主回覆02/20/2011 00:07:00]兩公婆齊齊拍拖掃貨，sweet~~~~
係啦....就係尼把骨剪啦....
回覆刪除[版主回覆02/20/2011 00:05:00]買前佢比我試過，真係好好剪! 咁啱Mr.T 又整爛咗我原本把骨剪，有依把補上~
my birthday's on 28/12, meaning i'm one day older than you
回覆刪除[版主回覆02/21/2011 03:23:00]really? im not sure that you're older than me. maybe im a few years older than you woh!
點都好, 我都覺得好有緣, 我都唔記得點發現到你呢個blog, 我地又咁common成日都din din 喪喪好happy
回覆刪除[版主回覆02/22/2011 03:39:00]其實我都識幾多朋友 + 網友係早我一日或遲我一日生日，同我一日生日既我只認識2、3個，不過都係男生來~
哈哈~~~ 做人係應該開開心心架嘛! 生活開心，連帶個人心境 + 外表都會青春d~
啲鮑魚咁大隻既，我地冇行去熟食檔度呀，因為彤彤唔係樹，冇人喊肚餓 個侍應哥哥咁高難度既，瘦人都可以影到拉脹咗
回覆刪除[版主回覆02/23/2011 00:08:00]d鮑魚真係幾大隻架! 除咗鮑魚之外，個花膠羹 + 燒元貝都好正架!
果位哥哥真係真正既攝影高人來呢! 連靚仔V姨丈都比佢拉到闊哂!!
你仲話影得肥﹐如果我塊面好似你塊咁細﹐ 咁我就算身有的肉都廢事減~ 我覺得面細細就好著數~
回覆刪除[版主回覆03/04/2011 23:52:00]面細真係就算身肥都呃到吓人架~ 不過妳咁既身型肥極有限啦! 我見妳平時開餐咁勁，我唸妳同我都係食極唔肥既人來!!
不過最尾張相真係拉闊哂我 + 我個靚仔姨丈呢......