2011年2月18日星期五

孖T跨年回"香"省親2010 - KTL Girls Gathering Part1 (2010年12月30日)


心水清既blog 友睇到背景既溜冰場,都應該估到係又一城!

是晚同3位中學舊同學食飯,地點係又一城既Rice Paper~

 菜一到大家第一時間唔係起筷,而係舉起相機iphone 影相! 哈哈~~~~

 同學既唔知咩湯,根據同學意見係OK既~

 我個唔知咩酸魚湯 - 個湯都幾好味,魚肉大塊 + 幾滑~

不過唔知係咩魚來,我覺得有少少腥!

 唔知咩卷 - 麻麻地......

 菇菇扒翡翠苗 - 初時我地大家都以為翡翠苗即豆苗,原來唔係喎! 嘻嘻~~

幾好食,不過太細兜份量太少呢!

 香茅豬扒檬粉 - 依個都唔錯,不過豬扒太鬼薄 + 細塊......

 牛油雞翼 - 依個應該係全晚最好食果樣野!

 依個好似叫做唔知咩濱海......

我掂都無掂過,唔知咩味!

 全晚至難食果鑊野!  唔記得叫做咩名......

上面既係炸魚,下面係檬粉~

依鑊野一來到時我已經聞到好腥,凍咗就仲加大鑊!!

同樣都係美心集團,不過Rice Paper 同八月花水準真係差天共地......

之前我同老公試過美心集團另一泰菜餐館 - 心‧泰,冬蔭功裡面隻蝦係霉既!

睇來美心都係stick to 做中菜好d!!

不過醉翁之意不在酒~ 是晚依餐飯水準雖然麻麻地,不過真係食得好開心!

大家傾吓近況講吓中學時代既趣事,不知不覺到咗訂枱時定咗既"收枱時間"......



唯有請侍應哥哥幫我地換過張枱繼續傾過!

為免霸住人地張枱無幫襯,order 咗2個甜品4人分~

雖然大家都知道我唔食甜,但各同學力勸之下我2個都試咗少少......



甜到阿媽都唔認得!!!!!!!!!!!!!!!!!!!!!!!!!!!!

 不過依然有人食得好滋味!

多謝哂Carly + Erica 請客依餐生日飯啊!




11 則留言:

  1. 其實最重要是故友重聚!
    [版主回覆02/19/2011 08:01:00]無錯呀~ 反正同佢地食飯都係傾多過食!
     
     

    回覆刪除
  2. 好多野食啊 你地會 傾d咩架? 點解可以 傾咁耐ge? 咁你地食左幾耐啊? 好鍾意睇你個blog啊!! 你要+油啊! 見你野左咁多次blog 我諗你都好返曬lu 唔好再令mr.t 擔心啦
    [版主回覆02/19/2011 22:59:00]其實佢地d野每份份量不多,而且味道麻麻,我自己唔會再幫襯! 遲d同大家分享另一間好味既越南菜~
     
    我地幾個大大話話識咗廿年,其中一個多年來大家都無聯絡過,所以今次出來講吓大家離開中學後既經歷,生活近況,以前返學時既趣事.......大把野catch up!
     
    餐飯食咗3粒幾鐘,不過傾未夠喉,所以我地即時arrange 咗另一次gathering! 遲吓會再同大家分享~
     
    多謝caramel 妳鍾意睇我blog 啊~ 我會加油架嘞! 妳都開始咗寫blog,妳都要加油啊!  
     
    多謝關心~ 我已經好返哂嘞! 今晚會去打邊爐食餐返勁!!
     
     

    回覆刪除
  3. 原來你同我都係唔嗜甜架!
    [版主回覆02/19/2011 22:50:00]吓? 小魚兒妳而家先知我唔嗜甜架??
     
     

    回覆刪除
  4. 我好鐘意食甜品架~對我來講可以抗憂鬱~...不過呢兩個甜品就...感覺上好heavy
    [版主回覆02/19/2011 22:48:00]我由細到大都唔鍾意甜品! 當然都會有例外,不過絕對唔可以太甜~
     
    老公話我係佢識得唯一一個女人唔鍾意朱古力 + 雪糕!
     
    依2個甜品真係好鬼甜! 反而我d同學話唔太甜......
     
     

    回覆刪除
  5. 下次妳返香港我地唔會去食甜品,我知妳唔啱既
    [版主回覆02/19/2011 22:46:00]其實妳都可以點甜品既,我可以點杯茶陪妳嘛!
     
     

    回覆刪除
  6. 我每次同好耐無見既朋友聚舊都會傾到唔願走 !! 
    [版主回覆02/20/2011 00:31:00]係呀~ 尤其好耐無見既朋友,一見到會覺得時間過得好快好快!!
     
     

    回覆刪除
  7. 我次次返香港都係同D朋友們雞啄唔斷 成日坐幾粒鐘都唔捨得走 D 人一定好鬼討厭我地 BTW係香港個陣我最鍾意去金不換食泰菜 珮夫人
    [版主回覆02/21/2011 03:17:00]哈哈~~~ 話時話今次返香港真係約朋友咁多次,次次一係比人催埋單,一係要換枱繼續!
     
    Rice Paper 其實係越南菜來架! 依餐唔好食,不過今次我同V媽媽都食咗一餐好好味既越南野~
     
     

    回覆刪除
  8. 美心做元氣都做得唔錯呀  我認得妳話隻味好假既sherbet 
    [版主回覆02/21/2011 03:13:00]原來元氣都係美心架.......真係全香港比佢地玩哂咁滯! 但佢地d泰越菜真係好唔掂!!
     
    係呀~ 個sherbet 陣味香到似香水.......
     
     

    回覆刪除
  9. 我有好多趣事都係中學時發生的 最好的朋友都係中學同學 
    [版主回覆02/21/2011 03:12:00]讀書時代真係好多值得回味既回憶~
     
    我最好既朋友係幼稚園時代同學呢!
     
     

    回覆刪除
  10. 真係好開心oh..... 我同你一樣唔多like甜,我like鹹的
    [版主回覆02/22/2011 03:35:00]係呀~ 果日聚得唔夠喉,所以我地即時arrange 咗另一日再聚過,傾到飽為止!
     
    我由細到大都唔鍾意甜品! 細個時去日本旅行參觀明治雪糕廠,參觀完人人派杯雪糕,成團人個個小朋友都好興奮......唯獨我一個唔食比咗V爸爸!
     
     

    回覆刪除
  11. 真係好多都係美心,我地食完元氣,再去starbucks,兩間都係美心,比佢賺晒我地啲錢 
    [版主回覆02/22/2011 03:31:00]咁真係賺死佢地喎! 淨係Starbucks 佢地都賺到笑啦~
     
     

    回覆刪除

Related Posts Plugin for WordPress, Blogger...