2011年2月25日星期五

借東西的小矮人 (2011年2月25日)

聖誕當日喺香港上映既宮崎駿編劇新作"借東西の小矮人–亞莉亞蒂",
因為老公都係宮崎駿fan,但當時老公已經返咗英國,
我想等英國上映時等埋老公先一齊睇,所以我喺香港無睇到!

 不過喺香港灣仔書展時買咗中譯本小說......

先知道原來係故事係改編自Mary Norton 1952出版既The Borrowers~

中譯本並唔厚,我只花咗4晚臨瞓前每晚睇幾頁既時間,就睇哂成本書!

故事剛開始以梅阿姨向小女孩敘述"借物者"既故事來發展情節,由於梅阿姨 + 小女孩都非故事主角,個人覺得開頭依部份故事發展有少少太慢......

不過當我睇哂成本書 - 尤其係最後一句,就推翻咗之前既想法!

故事結局令我有少少出人意表!

而且令我有少少想起叮噹既結局......

宮崎駿新作我仲未睇,所以我暫時唔知動畫中既結局同書中結局有無分別......

書中既結局我就無謂篤爆賣個關子嘞~

有興趣既網友不如買返本來睇吓啦!

雖然我未睇宮崎駿新作,而且英國暫時仍未定上映日期~

不過我仲喺香港既時候,都有睇喺新世紀廣場展出既"借東西の小矮人–亞莉亞蒂"宣傳展覽......




展覽有放大咗既動畫場景,令我 + Mr.T 即時縮細變成"借物者"既size!




仲有好多好可愛 + 手工細緻既娃娃屋場景.......











沒有留言:

發佈留言

Related Posts Plugin for WordPress, Blogger...