無論係一雙一對既你 + 妳，抑或單身既你 + 妳，希望你地都過咗一個愉快既情人節啊! 
今年大家流年健康似乎非常麻麻......尋日情人節，從FB中得知我竟然有4位朋友同時患感冒要卧床休息
，未能同另一半慶祝情人節......全部仲係清一色女性~
幸好佢地都得到另一半細心照顧; 其中一位朋友既老公，為免小朋友喺屋企會阻礙老婆休息，特別帶埋幾個小朋友返工，等老婆可以安心在家休息，真係體貼到令人窩心
(咁佢一向都係好鍚老婆既! 
)......所以雖然大家都病緊唔可以慶祝，不過大家都好幸福啊!
至於我身體雖已康復，傷口埋口又近水尾，但仍然處於戒口期，所以都係留喺屋企無出街食飯慶祝~
老公星期五晚已同我報定案......
老公: Honhon~ sorry 呀! 情人節我咩都無預備呀......因為唔知妳想星期一會點feel，所以我無book 到枱呀......
我: 我無唸過星期一出街食飯啊! 我都未戒完口，講真出到去見到個餐牌乜都唔食得我咪仲慘!!
老公: 好吖~ 咁等妳乜都食得既時候我地先出去食飯shopping 慶祝啦! 由年初一(2月3日)我做手術開始，老公一直請假照顧我，直至尋日情人節先第一日返返工......
咁多日以來，老公除咗出街買野食之外，全部時間都留喺屋企陪我~
連鬼仔伴郎weekend 由倫敦返咗來Glasgow 約佢出街佢都唔去......
老公依個幾星期咁辛苦，已經係我最好既情人節禮物嘞!
)
是晚我後繼續食我既"戒口食物"，老公就叫咗中式外賣比自己.......
之後一齊睇老公租返來既DVD - "The Hole"......
過咗一個平淡溫馨既情人節!
>>>>>>>>>>>>>>>>>>>>>>>>>>>>>>>>>>>>>>>>>>>>>>>
連個信封都咁鬼可愛~~~~
多謝妳啊森美! 
依個情人節真係夠哂特別啦
回覆刪除不過妳同妳老公一齊咁幸福,日日都係情人節
[版主回覆02/17/2011 00:30:00]直頭係最難忘既呢! (不過for the wrong reason!!)
點解無香水百合既?
回覆刪除多謝你既窩心回應啊~我今日都仲係要請假啊...不過已經比星期一好左好多~估唔到你仲有咁多朋友都感冒...真係有無咁橋?六合彩又唔見一齊中渦~
[版主回覆02/17/2011 00:28:00]香水百合要訂架! 平時老公喺佢office 附近既花店買開花，不過老公個幾星期無返工，所以先網上訂~
好返好多咪好囉! 繼續好好休息啊~
今年真係唔知搞乜鬼? 踏入2011年咁耐，一直都有朋友病緊無停過! 今年英國流感真係好犀利，已經死咗幾十人嘞!! 我好多朋友都輪住來感冒，希望大家都快d好返啦~
so sweet
回覆刪除[版主回覆02/17/2011 00:16:00]Thanks Jess!
v女 時間過得真係快 話咁快你就返左英國都一段時間呢 呢個兩個月 我都過得很苦呀 好啦 仲未過正月15 衰野唔講 祝你同mr.T 萬事勝意 合家平安 身體健康 甜甜蜜蜜
回覆刪除[版主回覆02/17/2011 00:16:00]新年快樂既笨啦啦! 我都祝妳兔年身體健康，事事如意 + 日日開心無憂啊~ 仲有呀~ 我下次返來妳一定要出來啊，唔准再放我地飛機!!
妳無事嘛? 有事隨時可以同我呻架! 新正頭要cheer up 啊!
加油呀！好快就唔駛戒口，可以出街食飯和shopping啦！
回覆刪除[版主回覆02/17/2011 00:06:00]Thank you choi yee! 最辛苦既2星期都過咗，剩返幾日我一定會加油!
戒口真係好辛苦呀﹗﹗﹗﹗﹗﹗﹗﹗﹗ 仲慘過戒毒~
回覆刪除[版主回覆02/17/2011 00:04:00]哈哈~~~ 比妳笑鬼死! 仲慘過戒毒? 妳又知?? 我唔知呀!
好番食個夠本 .
回覆刪除[版主回覆02/16/2011 23:48:00]仲要買個夠呀! 我感覺好似好耐無行過街shopping 嘞.......
我成日都叮住陳生話千萬不要送花給我，心疼錢（真是師奶本色），所以搞得我認識陳生六年幾了，都沒收過花啊，從來都不不知道收花是什麼心情，看到別人收到花後的驚喜表情，覺得有點戲劇。 直到去年我小表妹把她老師送的花轉送給我，看到一大束花擺在眼前的時候，原來真的是心花怒放，笑到合不攏嘴的哦。 不過話是話，到現在還是會不捨得讓陳生送花呢，寧願shopping或者食餐勁D
回覆刪除[版主回覆02/16/2011 23:42:00]今年同Mr.T 一齊12年嘞，每年所有special occa sions 我都會有花收!
其實我以前都曾經同老公講過唔好送花，不過老公問我: 咁妳收到我送既花開唔開心吖? 我答佢"開心"，佢話: 妳開心咪得囉!
我唔會唔捨得老公送花比我，反正禮物 + 餐飯我都會照claim!
V女 過埋呢個戒口期你就可以食好野+ shopping
回覆刪除[版主回覆02/16/2011 23:31:00]係呀~ 好心急~ 好期待~~~~ 不過都係唔好唸咁多 - 越唸越覺得時間過得好慢......
Sweet Sweet Valentine's day oh!!! My husband is not a romantic person,so "Flower"........no la......hahaha.......
回覆刪除[版主回覆02/16/2011 23:29:00]Thanks dumbo!
it doesnt matter whether you get flowers or not on Valentine's Day, as long as your husband loves you and cares abt you ma! right?
平沒沒淡先係最幸福架~我放工都十點幾,雖然得番個零鍾,但都好sweetsweet
回覆刪除[版主回覆02/16/2011 23:21:00]無錯呀~ 平淡既幸福其實都好難得架! 所以一定要珍惜啊~
其實只要2個人喺埋一齊舒服開心，一齊做任何野都可以好sweet sweet~~
仲有幾日就可以食返 Ｄ 好嘢啦。。。
回覆刪除只要Ｍｒ Ｔ錫你。。。
日日都可以係情日節。。。
日日都可以慶祝同埋同你食餐好嘅。。。。
等你完全好晒同唔駛再戒囗先同 Mr. T 出街再擦過啦!
回覆刪除[版主回覆02/16/2011 23:15:00]係呀~ 暫時唯有忍忍忍忍忍忍啦! 都係仲有幾日啫!
so sweet
回覆刪除so sweet
回覆刪除[版主回覆02/16/2011 22:54:00]Thank you Jenny!
妳老公咁錫妳其實你地每日都係情人節
回覆刪除[版主回覆02/16/2011 22:54:00]哈哈~~~~ 如果日日都係情人節，咁Mr.T 咪日日都要送花比我!
依排真係好多人病！係公司見10個...9個都病！ 屋企又係病晒... (暫時我都重好好彩...)不過見電視講d菌咁勁真係好驚！唉~ 你都要快d康復！到時同Mr.T 就食乜都得啦！
回覆刪除[版主回覆02/17/2011 01:24:00]妳身邊咁多人病緊，妳都要特別小心保重身體呀!
我已經無哂事，戒埋1星期口就乜都食得嘞~ Thanks 瓜!
Sorry, it's too late to say. I wish you have a happy V day!!!
回覆刪除[版主回覆02/17/2011 03:01:00]Thanks yanyan and happy belated Valentine's Day!
yes i had a quiet but very nice valentine's~ hope you had a nice one too!
依然感到濃濃又滿到瀉嘅幸福呀!
回覆刪除[版主回覆02/17/2011 23:49:00]嘻嘻~~~ 多謝靚媽!
好sweet lor!! 就來可以食返夠本有無諗下要食咩??
回覆刪除[版主回覆02/17/2011 23:48:00]而家唔唸住咯! 而家唸又未食到住咪盞折磨自己，等過咗戒口期先唸!!
來日方長!! 你加油 KEEP 住介口呀!! 你好乖呀!! 最緊要老公體貼關心比送咩禮物更加好呀!!
回覆刪除[版主回覆02/17/2011 23:47:00]多謝Ada 幫我打氣! 話哂唔想戒口都戒咗2星期，仲有幾日我會忍埋佢既~ 放心啦，我好乖!!
咁耐無來,而家先知道原來要做手術,唔好意思呀!
回覆刪除個傷口休息左幾耐呀?其實戒口呢樣唔食得,個樣又唔食得又真係好慘,因為我都試過超過一個月戒口,忍住唔食得自己鐘意食既野又真係幾辛苦架,不過身體要緊,還是先保重身體先
[版主回覆02/17/2011 23:45:00]唔洗唔好意思~ 只係小手術來! 多謝Ada 關心啊~
我年初一做手術，點知初四突然發燒，入返醫院瞓咗2晚，而家啱啱好做完手術2星期，傷口已埋口，不過醫生話肚裡面傷口要3個月先完全康復~
我要戒口戒到下星期二~ 依2星期以來食得好清淡，口都淡埋好辛苦!! 不過都好 - 因為返香港後重咗好多，但依2個星期已經減返哂磅!
我會保重身體架嘞! 妳自己身體都唔好，妳都要保重呀! 總之大家都要身體健康啦~~
一齊咁耐依然沒有忘記情人節給你驚喜,你老公真係好細心
回覆刪除[版主回覆02/17/2011 23:39:00]依d動作Mr.T 每年都做慣做熟，當然唔會忘記啦!
好返晒咪可以去食餐勁囉 扎花真係好靚，啲色襯得好有情人節feel
回覆刪除[版主回覆02/17/2011 23:32:00]係呀~ 不過過咗戒口期都唔可以太放肆，因為肚裡面傷口要3個月先會完全好返哂啊!
其實我對玫瑰麻麻~ 不過花店襯得色幾靚，而且最少送到來係開咗花既! 如果係香水百合肯定全部未開!!
你同Mr.T 已經一齊12年 Mr. T 對你真係越來越好, 甘已經係最好的情人節禮物 不知不覺, 我同我老公都一齊16年啦
回覆刪除[版主回覆02/21/2011 03:08:00]係呀~ 過去3星期真係辛苦哂老公擔心我之餘又要捱更抵夜照顧我......老公除咗係我最好既情人節禮物之外，佢仲係我人生最好既禮物呢!
快樂不知時日過嘛! 兩個人一齊開心，特別覺得時間過得好快!!