2011年2月14日星期一

創傷後遺症!?!?! (2011年2月13日)

尋晚(2月13日)老公放完水比我沖涼後,唔小心打爛咗我個IKEA 玻璃蛋糕盆個蓋......


即係依個! 個托無爛,但個蓋就爛成幾塊......

當時我仲未去沖涼,老公即時道歉,因為佢知道我好鍾意依個蛋糕盆,佢怕我會嬲!

不過我當時我只有一個反應 - 好驚!

而且係驚到個心好似會跳咗出來果種......

老公一路清理玻璃碎片,

我一路喺佢隔離扯住自己頭髮大嗌: 你小心d呀!! 你小心d呀!!!

老公就一直笑住安慰我: 無事~ 無事~ 我唔會整親架!

老公將玻璃放哂入膠袋紮好,放咗喺門口,唸住今朝早返工時順便攞去揼~

之後老公叫我去沖涼......

不過我一路沖涼個心仍然不停跳! 果種感覺就好似出咗街,


突然醒起屋企煲緊野唔記得熄火咁 - 但感覺強烈好多好多倍,又暈又想嘔既感覺!!

於是我喺浴室大叫老公入來,我一輪咀"求"佢攞袋玻璃出去揼!!

當時我無話比老公知我唔舒服,老公見我一副緊張兮兮既樣反而覺得啼笑皆非,於是順我意出咗去倒垃圾~

不過佢出咗去果分零鐘我仲加大鑊! 腦中不停亂唸: 個膠袋會唔會穿? 老公會唔會唔小心整親?? 開始有少少抖唔到氣......最後嘔咗一啖黃膽水出來!


老公返到來同我講: 我揼咗嘞~ 無事嘞! 我無整親呀!!

我稍為放鬆少少~ 不過沖完涼後,我捉住老公對手驗咩咁驗大肆"檢查"一番!

老公反應係 - 覺得我好cute 咁款! 仲苦笑用手摸摸我個頭
,直至佢開始察覺到我面青青......


老公: 妳唔係想暈吓哇?


我: 想暈又想嘔!
 

老公: 我都無事.......袋玻璃揼咗啦! 傻人~

卒之老公斟咗杯水比我,安慰咗我大半粒鐘,我"好驚"既心情先慢慢平伏落來!

我唔知點解一個玻璃蓋會令我咁大反應?

又唔係第一次打爛野,不過當時我真係好唔舒服!

老公話我係panic attack,可能係藥物既影響~

不過......
後來我地喺睡房睇DVD,突然聽到一聲"咕~~~~~~~~"
我發現原來我好肚餓!


依排食得太清淡,要就食藥時間早食野,個肚傷口影響到裡面所有感覺都遲鈍哂,連自己肚餓都唔知道......

(可能因為咁先會嘔黃膽水! )

老公即時煮咗碗麵比我,食完後感覺好"充實"!

仲有一個星期藥.......我要頂硬上啊!!!!!







34 則留言:

  1. 睇到前半段真係嚇c我勒..... 原來只係太肚餓....哈哈哈 要認真戒口呀
    [版主回覆02/15/2011 03:22:00]我自己當時都好驚架! 依幾日Mr.T 成日"恐嚇"我,話如果我唔舒服就送我返醫院,所以我都無話比佢知我嘔黃膽水!
     
    仲有一星期我就可以走出戒口地獄嘞!
     
     

    回覆刪除
  2. 肚餓有沒有快d食嘢呀 ...
    [版主回覆02/15/2011 03:19:00]即時食咗碗麵囉! 食完即時無哂事~
     
     

    回覆刪除
  3. 我諗如果你下次覆診, 就要將此"驚歷"話過醫生知! 睇o下佢會唔會幫助到你!! 可能真係葯物導致到你會有咁大反應!! 好似好恐慌咁!! 保重呀!
    [版主回覆02/15/2011 22:23:00]Thanks Double iron legs!  係啦我平時唔係咁失控架嘛! 所以我都覺得果晚係餓過飢 + 藥物既反應!
     
    我仲覺得d藥整到我鬼打咁精神,好耐都瞓唔著~ 尋晚我試停一次藥,個人無咁緊張 + 好瞓咗! 剩低一星期藥我仲考慮緊食唔食......
     

    回覆刪除
  4. 《Ka MaN 日記》2011年2月14日 下午2:26

    可能係你緊張 Mr. T 會整親同你又餓....
    不過你如果去覆診都同醫生傾下...
    因為可能 d 藥太 strong 令你有呢 d 不安情況...
    加油吖...仲有一個 week 就可以食返 d 好嘢啦...
    Take Care..!!
    [版主回覆02/15/2011 22:21:00]Thank you Ka Man~  我係緊張Mr.T會整親,不過我平時唔係咁失控架嘛!
     
    所以我都覺得果晚係餓過飢 + 藥物既反應! 尋晚我試停一次藥,個人無咁緊張 + 好瞓咗! 剩低一星期藥我仲考慮緊食唔食......
     
    我覆診時會同醫生講架嘞! 多謝提醒~
     
     

    回覆刪除
  5. 記得同醫生講ar!!! 仲有一個禮拜想食咩都得la 忍下la
    [版主回覆02/15/2011 22:15:00]Thanks Kelly! 我會同醫生講架嘞~ 係呀過多一星期食咩都得~ cant wait!!!
     
     

    回覆刪除
  6. 仲有一個星期,好快就過,到時食返多啲好嘢補返數!
    [版主回覆02/15/2011 22:13:00]係呀~ 過多一個星期我就乜野都可以食嘞! cant wait~~~
     
     

    回覆刪除
  7. 乜咁曳牙瞞住佢...~ 其實我諗你同你講佢都只會錫多你兩啖 見到你咁驚仲送你入地獄咩~ 總之你照顧好你自己、快d食晒藥好返晒喇~ 咪唔使再過呢d咁辛苦日子囉! 你辛苦你老公都唔會好得去邊、所以乖乖地戒口食藥 唔好成日諗住v媽媽整既好餸...
    [版主回覆02/15/2011 22:10:00]我而家都覺得若我話比Mr.T 知我嘔,佢會鍚多我兩啖!
    不過當時我咁鬼緊張,我真係怕佢的我返入醫院架!
     
    Thanks wind 關心~ 果晚應該係我餓過飢 + 藥物雙重影響吓,我先會咁失控,我平時唔係咁架嘛! 尋晚我試停一次藥,個人無咁緊張 + 好瞓咗! 剩低一星期藥我仲考慮緊食唔食......
     
    而家咁既時勢仲去唸V媽媽正餸,咪即係折磨緊自己.......  好返哂先唸想食乜咯~
     
     

    回覆刪除
  8. Gaileは林家歐巴桑2011年2月14日 下午4:21

    我覺得可能係妳依段日子太依賴Mr.T,加上之前Hilton玻璃事件,所以喺藥物影響下妳就變得精神緊張,驚妳老公會再整親咁,冇事架嘞傻人...
     
    我諗妳頭暈想嘔一定係餓過頭啦,仲有一星期,妳一定生生性性千其唔好破戒呀!!
     
     
    [版主回覆02/15/2011 22:00:00]係啦~ 就係Hilton 果次咁搞法我都好鎮定,無奶油依次完全無見血會咁失控架嘛!
     
    我估應該係餓過飢 + 藥物作怪~ 尋晚skip 咗一次藥無食,因為我想睇吓係咪d藥搞到我精神緊張瞓唔著.....不出我所料! 尋晚無食藥瞓得好咗,我唸緊剩低既藥仲食唔食好? 反正傷口已埋口 + 唔痛~
     
     

    回覆刪除
  9. 你幾時去覆診呀?你快啲話比醫生聽呀,藥物負作用可以好大架,take care !!!
    [版主回覆02/15/2011 21:04:00]Thanks Jessica~ 5月先覆呀! 尋晚我試吓停一次藥,早咗瞓得著 + 無咁易醒,之前好多晚我鬼打咁精神,就天光都瞓唔著呀........所以我唸緊剩低既藥仲食唔食好? 反正傷口都埋哂口,只係d線未溶~
     
     

    回覆刪除
  10. V女--放鬆的,唔好想太多,亞V媽知道實心痛死,快的康復呀!
    [版主回覆02/15/2011 21:01:00]Thanks dayday! 我估果晚一定係餓過飢 + 藥物影響,我先會咁大反應! 我未試過咁架,傷口已好得七七八八,所以我考慮緊唔食剩低既藥.......
     
     

    回覆刪除
  11. 情人節快樂~有無煮大餐啊?
    已經太遲...今日個頭好痛同成身無力...要打電話請假...都唔知聽日返唔返到工添...
     
    [版主回覆02/15/2011 20:47:00]妳唔好唸住聽日返唔返到工先啦~  要定時食藥 + 飲多d水 + 快快去休息! 而且點無胃口都要食d野呀,如果唔係身體無energy 打仗架! 要好好休息,必要時請埋聽日假啦,身體要緊呀!! take care~ 要快d好返啊!
     
    尋晚無煮野呀! Mr.T 話我要過咗戒口期先比我入廚~  等我過咗戒口期先出去食餐補祝情人節!
     
     

    回覆刪除
  12. 放鬆...放鬆...吾好太緊張....一星期好快過....好好休息...
    [版主回覆02/15/2011 20:38:00]我未試過咁架! 我通常見紅,仲要係好多血先會暈暈地架嘛!
     
    上次老公喺酒店食自助餐時比玻璃割到手,流血流到成張餐巾紅哂,我都好鎮定同酒店經理交涉完先喊.....
     
    今次應該係肚餓 + 藥物影響啦! 我會好好休息架嘞~ Thanks Samchi 媽!
     
     

    回覆刪除
  13. 好好休息,快快康復~~~~~~
    我好鍾意睇你教煮餸架
    [版主回覆02/15/2011 20:33:00]多謝ET 關心~ 今日要開始勞動吓嘞! 休息得多腰骨都痛哂~ 而且我個廚房比Mr.T 搞到..........
     
    暫時傷口雖然唔痛,不過仲有少少紅紅地,所以等多幾日睇定d我一定會重回廚房!
     
     

    回覆刪除
  14. " 嘔黃膽水"...真係令人心痛呀! 可能真係d藥嘅side effect... one more week to go... hang in there, sweetie! Mr. T's deepest love to you will definitely carry you through.  加油v女!多d休息呀!
    [版主回覆02/15/2011 20:29:00]Thank you 靚媽!  我唸我因為餓過飢先會驚到嘔黃膽水既啫!
     
    其實我知道任何藥物都有副作用架嘞~ 依隻藥令我精神長時間處於緊張狀態~ 夜晚鬼打咁精神好耐都瞓唔著; 小小野就哇哇叫......
     
    我尋晚得老公批准試吓唔食一次藥,的確早咗瞓得著 + 無咁易醒! 我而家唸緊剩返既藥仲食唔食?
     
     

    回覆刪除
  15. 原來只係肚餓......真係嚇死人啦~~ 乖乖地捱埋呢個星期就無事GA LA! 加油加油! 珮夫人
    [版主回覆02/15/2011 20:08:00]Thank you 珮夫人!  我估應該係我餓過飢,所以先會嘔黃膽水!
     
    不過我已經開始曳 .....因為我發現d一日食2次既藥食到我好鬼精神! 有一晚誇張到清晨5點幾都瞓唔著!! 所以我尋晚同老公講 - 唔食一次藥,做吓實驗睇吓瞓唔著關唔關d藥事? 果然不出我所料 - 尋晚好鬼好瞓! 所以我唸緊仲應唔應該食埋d藥? 因為我覺得真係d藥令我長期處於緊張狀態......
     
     

    回覆刪除
  16. 我呢幾日病左,個人既心都好似成日心不在焉咁..
    唔知做咩,成日覺得好似會有事發生.
    不過我諗可能係食左好多藥,食藥食到怕怕
    好彩你係肚餓咋,快D病好又可以食多D野啦
    [版主回覆02/15/2011 22:45:00]西藥真係好多副作用 + 食到個人好散! 我做手術果晚d麻醉藥未過時仲加嚇人呀!!
     
    我覺得果晚係餓過飢 + 藥物既反應! 我仲覺得d藥整到我鬼打咁精神,好耐都瞓唔著~ 尋晚我試停一次藥,個人無咁緊張 + 好瞓咗! 剩低一星期藥我仲考慮緊食唔食......
     
    咁妳好返未呀? 妳都要休息多d呀! 食咗藥瞓到既話就最好瞓覺啦,唔好亂唸野~ take care!
     
     

    回覆刪除
  17. Take care 又暈又嘔嘅感覺真係好辛苦
    [版主回覆02/15/2011 22:41:00]無事~ thanks La Belle!  只係果晚太早食野,到咗夜晚又肚餓返,餓過飢加藥物反應啫~
     
     

    回覆刪除
  18. 好彩妳食完個愛心麵就冇事~真係俾妳嚇親
    take care ar
    [版主回覆02/15/2011 22:40:00]最主要係餓過飢啦,其次應該係藥物影響~
     
    我無咩事架嘞! 唔洗擔心~ thanks Andrea!
     
     

    回覆刪除
  19. 好耐無留言俾你啦~ 未過十五都仲趕得切同你拜個年先~~~ 最緊要係祝你同Mr.T 身體健康!! 家人每個都心想事成!! 仲有就係情人節快樂啦~~~ 前半段仲諗緊點解你咁驚添~~ 好在都無整親.. 後半段就覺得好好笑~~ 如果俾Mr.T 知你嘔黃膽水..佢會仲驚過你.. 快D養番好個身體呀~~ 免得佢擔心你嘛
    [版主回覆02/15/2011 22:39:00]新年快樂燒肥亞! 祝妳兔年身體健康行大運,事事如意每日開心~
     
    尋日我 + Mr.T 無慶祝情人節呀~ 等我完全好返先補祝! 我都祝妳情人節快樂啊! hope you had a great one~
     
    我唸我係餓過飢先會嘔黃膽水! 因為果日5點幾就食咗野嘞! 我唔敢話比Mr.T 知我嘔黃膽水,費事佢的返我去醫院呀!!
     
    我大致上已經無事架嘞! 唔洗擔心我啊~ 過多一星期可以入廚房煮返餐呢!
     
     

    回覆刪除
  20. Ah V , I think you might be too nervous and not enough sleep
    & rest after the surgery . Hope that you will be fine soon !
    [版主回覆02/16/2011 07:20:00]dont worry Eddy~ im fine, thanks!
     
    actually i think it was the side effects of the medication! couldnt sleep well after taking them. i stopped taking them today and im feeling a lot more relaxed~  
     
     

    回覆刪除
  21. 情若無花不結果2011年2月15日 上午10:23

    妳咁嘅情況, 有可能係心血少, 臨瞓前一小時, 用温水食珍珠沬, 可安神定驚, 又唔會食壞人, 仲可以美白, 古代楊貴妃都日日食, 好野黎架。
    [版主回覆02/16/2011 07:16:00]Thanks 情若無花不結果! 係呀? 不過我都唔知依度有無珍珠末賣.......
     
    我估十成九都係d藥既副作用多架嘞! 今日無再食藥,我9點鐘已經開始覺得眼瞓~ 之前食藥時成日都好精神瞓唔著!!
     
     

    回覆刪除
  22. take care
    [版主回覆02/16/2011 07:16:00]Thank you agnes!
     
     

    回覆刪除
  23. 妳咁嘅情況, 有可能係 有baby ar~need to check ar~
    [版主回覆02/16/2011 07:27:00]緊係唔係啦! 我年初一做過微創手術呀,跟住年初四突然發燒入咗醫院2晚,應該係佢地開比我既藥副作用~
     
     

    回覆刪除
  24. 5月至覆診???????????咁耐?????? 如果係消炎又或抗生素一定要食晒呀
    [版主回覆02/16/2011 22:52:00]係呀~ 因為醫生話表面傷口埋咗口都好,但裡面既傷口最快要成3個月先會完全康復架! 佢叫我依段時間唔好拎重野!!
     
    係呀~ 係消炎來! 本來唸住唔食,但仲有幾日都係捱埋佢咯!
     
     

    回覆刪除
  25. 你一定得既﹐我支持你~ 嘔黃膽水實係因為的藥~ 心跳加人震都會有既~
    [版主回覆02/16/2011 22:50:00]Thank you 妹妹妹!
     
    西藥最大唔好處就係副作用! 不過我尋日擅自停藥後,感覺到肚裡面傷口仲未好,所以我都係乖乖捱埋幾日藥嘞! 我會加油架嘞~~~~
     
     

    回覆刪除
  26. poor you. take care.
    [版主回覆02/16/2011 22:48:00]Thank you sydney! im fine, dont worry~
     
     

    回覆刪除
  27. 仲有一個星期藥捱埋佢喇 , 雖然係辛苦乖喇食埋就會冇事0架嘞 .
    [版主回覆02/16/2011 22:47:00]多謝ak 關心! 係會聽話架嘞,反正都努力咗2星期,仲有幾日藥我會加油捱埋佢架嘞~
     
     

    回覆刪除
  28. 妳依家無事啦, 真係比妳嚇C 妳要捱多一個星期, 一定要支持落去呀
    [版主回覆02/16/2011 22:45:00]係呀~ 無事嘞! 多謝菲仔有心啊!  都捱咗成2星期,仲有幾日我一定會捱埋落去既!
     
     

    回覆刪除
  29. 睇你嘅形容真係好驚... 不過真係要小心呀, 生理心理都要, 一見唔妥就要話俾 Mr T 知, 我估佢見到你咁, 雖然冇講出聲, 但佢會好擔心啦.... take care 呀靚女~
    [版主回覆02/16/2011 21:51:00]多謝莊主關心! 唔洗擔心我啊~
     
    果晚我一直亂唸,除咗怕老公受傷,仲好怕佢知我嘔會的我返去醫院嘛! 咁緊係老虎都唔話佢知啦!!
     
    緊張應該係藥物既副作用,尋日我擅自停咗一日藥,真係放鬆 + 好瞓咗好多! 不過變咗肚裡面傷口敏感咗......所以我都決定捱埋果幾日藥廠佢咯~
     
     

    回覆刪除
  30. 為左你個傷口...乖乖地食哂D藥佢啦 始終就咁自己斷藥唔係幾好 仲有幾日就捱埋佢啦 珮夫人
    [版主回覆02/16/2011 21:42:00]珮夫人妳真係有先見之明 - 因為我尋日全日斷藥之後就賴野!
     
    尋日 + 今朝打咗幾個乞嚏,先feel 雖然外面傷口復完咗,但裡面應該仲未得住! 裡面扯扯吓都幾唔舒服........
     
    所以我決定都係捱埋幾日藥嘞!
     
     

    回覆刪除
  31. Poor V, take care!!
    [版主回覆02/16/2011 21:38:00]Thank you wawa! im fine, dont worry~
     
     

    回覆刪除
  32. 情若無花不結果2011年2月16日 上午7:39

    放心, 我有2 個加拿大插刀, (2協插刀呀), 我可以寄比妳, 只要妳身體好就得。 
    [版主回覆02/17/2011 01:05:00]多謝情若無花不結果! 真係好鬼感動既呢~
     
    等我搵吓又或者問吓V媽媽先~ Thanks very much!
     
    (加拿大 - )
     
     

    回覆刪除
  33. 咁副作用太勁呢 不過你第時有 baby我都會登你高興呢 你地個baby實好靚同得意ga i think take good care yourself.
    [版主回覆02/17/2011 01:03:00]未入院時果隻藥食到我胃痛兼肚脹; 而家依隻藥又食到我精神緊張......西藥真係多副作用!!
     
    thank you Star! 我已經無咩事,我會小心身體架嘞~
     
    哈哈~~~ 承妳貴言! 我希望將來有個似老公既小朋友,因為老公細個時太太太可愛~~~~
     
     

    回覆刪除
  34. 阿V你要乖乖食哂D藥~ 頂住呀 ^^
    [版主回覆02/17/2011 23:59:00]係呀~ 我尋日已乖乖食返藥嘞! 反正仲有幾日咪捱埋佢囉~
     
    Thank you 吉比太太!
     
     

    回覆刪除

Related Posts Plugin for WordPress, Blogger...