2011年1月13日星期四

孖T回"香"省親2010 - 冬日美食嘉年華 (2010年12月24日)


平安夜當日係首日冬日美食嘉年華,又約咗Mami 阿四一齊去逛!

近年好少聖誕期間返香港,所以我從未去過"冬日美食嘉年華"架!

是日同阿四約好喺天星碼頭等......

 我早咗到見仲有時間,一個人去大家樂歎咗個滋悠早餐! (廚師腸好鬼正!! )

 剛好食完早餐就聽到"姐姐~~~~~~~"!

我有2張冬日美食嘉年華既贈券,一張票除咗美食嘉年華之外,仲包埋乜鬼電子家電 + 傢俱展.....
真係蠢鬼咗!!

我地唸住早入場無咁多人啦,不過我地陰滋陰滋慢慢行完其他展先施施然去行美食嘉年華........

 結果美食嘉年華會場已經人山人海!

 同阿四一人食咗一碗鱷魚肉羹~ 味道似蛇羹,幾好味架!

行咗幾粒鐘,好多食物都好抵好吸引! 雖然我有好多野想買,不過當中好多V爸爸 + V媽媽either 唔食或唔食得~ 得我一個又食唔哂,所以最終只買咗4樽韓國阿豬媽泡菜比V媽媽!


的的式式既彤彤竟然係超級大食小朋友一名!

我親眼睇住佢一個人先大啖食哂一大枝雪糕; 唔夠10分鐘行經一個賣台灣燒香腸既攤位佢又整咗條......


 臨走人時,廿四孝媽咪阿四特登返入會場買咗2串我睇到都怕既士多啤梨冰糖葫蘆.......彤彤竟然可以一個人包辦哂!

依個時候雖然我仲未食午餐,但我見到彤彤咁食法已經覺得好飽!

依頭先食完大枝士多啤梨冰糖葫蘆無耐,我地就去搭天星小輪過海去尖沙咀~

點知搭搭吓船彤彤竟然同阿四講: 媽咪~ 我好肚餓呀!


果真係黃口無飽期.......



 彤彤~ 妳好勁呀!! (直情有少少恐怖.......)
真係真人不露相! 姐姐仔真係甘敗下風......

見彤彤食得咁滋味......

 各自返歸後我一個人去海景食咗碗豬紅牛肉粥 + 大碟滿到瀉既炒麵! 正~~~

是晚平安夜,不過V媽媽經唔起雀友既引誘 ,撇低我 + V爸爸去咗打麻雀!!

於是我請V爸爸去撐枱腳食聖誕餐......

 近近地去屋企附近既Tiffany 啦!

 忌廉湯

 我個聖誕餐有杯好鬼難飲既fruit punch!!

 都係我既燒大蝦沙律~ 隻大蝦燒得好香!

 我既聖誕大餐 - 有煙火雞、牛柳 + 豬扒~ 豬扒似柴皮唔好食!

 V爸爸既鵝肝牛柳餐~

 我唔食既雲呢拿雪糕~

 食聖誕大餐緊係有聖誕禮物架啦~~~~

 真係服咗設計依枝原子筆既仁兄!! 唔好再整核突d.......



38 則留言:

  1. 彤彤小朋友,食得咁多甜野因住蛀牙呀~~~
    支筆好鬼核突呀,聖誕節送條蟲比人都得GE???
    [版主回覆01/14/2011 07:30:00]唔知點解小朋友大都鍾意食依d野?
     
    係啦~ 我都未見過咁核突既原子筆!!
     
     

    回覆刪除
  2. 估到妳一定去啦.....
    [版主回覆01/14/2011 07:28:00]蟻兄咁心水清既!  
    btw 新年快樂啊~~
     
     

    回覆刪除
  3. 枝原子筆係唔係萬聖節用剩架 ..........
    [版主回覆01/14/2011 07:28:00]我唔知呀!  乜香港萬聖節出街食飯有禮物送既咩?
     
     

    回覆刪除
  4. 除左杯fruit punch 外 個聖誕大餐都好吸引呀 !!!! ^^
    [版主回覆01/14/2011 07:27:00]就係除咗杯fruit punch,其他野都好好味!
     
     

    回覆刪除
  5. 支筆咁爆既?! 我都有去美食嘉年華, 不過係LAST 一日, 所有野都特價, 咁當然係入場食到散場喇~~正! 不過真係好多人
    [版主回覆01/14/2011 07:26:00]妳欣賞枝筆呀?  早知送比妳啦!
     
    果日去完美食嘉年華,喺巴士度睇新聞先知原來果日有一蚊一隻波士頓龍蝦賣喎!  不過我同阿四完全見唔到! 最後一日多數有特價,不過一定係最多人!!
     
     

    回覆刪除
  6. 支筆好過穩姐
    [版主回覆01/14/2011 07:23:00]好核突吓喎.......
     
     

    回覆刪除
  7. 支筆真係好C核突  彤彤既大食程度其實係難以用筆墨所能形容既,要親眼見到先能夠感受到架  btw, 妳會唔會將美食展+書展啲相放上FB,我要偷相呀 
    [版主回覆01/14/2011 07:22:00]我都未見過咁核突既原子筆架!
     
    唔係親眼見識過真係唔知彤彤可以大食成咁!
     
    我會呀~ 請妳稍等呀吓!
     
     

    回覆刪除
  8. 人山人海,見到都怕
    [版主回覆01/14/2011 07:18:00]我都係咁話! 人多到唔想攞錢包出來買野....
     
     

    回覆刪除
  9. 我今年冬日美食和工展會都沒有行呀 . 本來都想28 or 29去架, 但囡囡病了冇法啦 , 當為自己銀包慳錢啦....
    其實小朋友真是蝗蟲肚呀 , 我家小公主又係一路行一路食架, 你上機那天我飲完午茶便到花墟球場行漁農嘉年華 , 她在場內都食了2餐啦..
    [版主回覆01/14/2011 07:17:00]我29號同V媽媽去咗工展會呀! 行咗唔耐有少少收穫,唔太多人幾好行!
     
    果個漁農嘉年華,上星期五開鑼時我搭火車經過見到人山人海d人密麻麻,閒日竟然都咁鬼多人!!  見到都怕!!! 不過好似好多攤位,如果唔係咁鬼多人我都想去行吓!
     
    哈~ 原來Katrina 都係嬌的的又好擦得! 緊係啦~ 妳成日整好野比佢食!
     
     

    回覆刪除
  10. 我都X'mas 番左HK呀,,一番到去,即係去左茶餐廳食番個早餐,
    堅有同感地覺得HK既廚師腸係無腸能及咖!見到你張大家樂早餐相,真係令我回味無窮呀!
    [版主回覆01/14/2011 07:11:00]唔知點解英國中國超市唔入口廚師腸?  唯有返到香港大食特食~
     
     
     
     

    回覆刪除
  11. 支筆好笑! 佢知你鍾意食蟲蟲!
    [版主回覆01/14/2011 07:09:00]我唸依枝係我見過最核突既筆.....  都唔知邊個設計架!
     
     

    回覆刪除
  12. 呀V, 名寶石嘅燒牛肋骨好好味架,有機會去試吓!
    [版主回覆01/14/2011 07:07:00]名寶石好近我娘家,我由細食到大架嘞! 以前仲叫做紅寶石時已經食開,而家改咗叫名寶石之嘛~
     
    牛肋骨我都試過,不過我鍾意啖啖肉唔鍾意"損"骨!
     
     

    回覆刪除
  13. 碗豬紅牛肉粥 + 大碟滿到瀉既炒麵, 你可以吃完吗??
    我回香港过年时都没有这些“美食嘉年華” “书展”!!你就好啦!!
    [版主回覆01/14/2011 07:06:00]食得哂呀! 一碗粥 + 一碟炒麵濕濕碎啦~ 我平時會加多條牛脷酥架,不過果日牛脷酥未炸起~
     
    聖誕書展 + 冬日美食嘉年華多數喺聖誕假期間舉行~ 我都好多年無返香港過聖誕,所以都係第一次去咋!
     
     

    回覆刪除
  14. 睇到支虫筆...就諗起你食昆蟲.... 如果係我, 我會將虫筆帶返去送俾Mr.T
    [版主回覆01/14/2011 07:01:00]枝筆咁核突我揼咗咯~ 我d行李位好寶貴架!!
     
     

    回覆刪除
  15. 個 大家樂早餐睇見就好想食 海景粥我又未幫襯過
    [版主回覆01/14/2011 06:59:00]份大家樂早餐最正係果兩條廚師腸 + 杯奶茶!  最衰依個組合無煎蛋,如果唔係就perfect 嘞!
     
    我以前食開海皇架~ 後來發現海景仲正過海皇!
     
     

    回覆刪除
  16. 係囉,Holland 依度既華南行同東方行都係冇入廚師腸,,我就算試過好多D雞肉腸,始終都係冇HK既廚師腸咁香咁正!!!
    [版主回覆01/14/2011 15:31:00]妳果邊有類似既雞肉腸?? 雖然無廚師腸咁正,但都好吖!!! 好過無啦!!!!!
     
    我依邊係完全無依類既雞肉腸架! 只得鬼佬質感好粗既豬 / 牛肉腸 + hotdogs........
     
     

    回覆刪除
  17. d 小朋友有2個胃ga, 一個係用黎食零食(哩個胃好大) 另一個用黎食正餐(哩個好細)~ 哈, 所以彤彤佢食左咁多零食都話肚餓
    [版主回覆01/14/2011 15:28:00]哈哈~~~ 係? 但我細個好似無胃咁果喎! 我細個時乜都唔鍾意食!! 而家大個咗先來食返夠本~
     
     

    回覆刪除
  18. 估唔到名寶石會送埋D咁奇怪既野,仲唔多岩成人用~~哈哈 我家都係個度附近架^_^ 我都好想去個個冬日美食嘉年華啊,但我個幾日去左露營,去唔到/_\'''''
    [版主回覆01/14/2011 15:26:00]新年快樂啊魚!
     
    其實佢份份聖誕禮物都唔同架! 有好多仲幾靚呢~ 係我依份有枝咁鬼核突既原子筆.......
     
    我都係第一次去冬日美食嘉年華咋! 幾得意~ 不過賣既野唔多啱我 - 啱我食但唔啱我買! 因為如果大批咁買真係好抵,可惜我唔係長時間住喺香港,著數無福消受......
     
     

    回覆刪除
  19. 八哥狗的女主人2011年1月13日 下午7:33

    小朋友真係好食力 ! 
     
    [版主回覆01/14/2011 15:07:00]睇佢細細粒咁真係睇唔出佢咁擦得!!
     
     

    回覆刪除
  20. 名寶石餐廳好懷舊,食物賣相唔錯,啲小禮物好搞笑,有支係咪吹氣球既膠?好似細個玩過
    [版主回覆01/14/2011 15:06:00]名寶石好近我娘家,我由細食到大,佢地d野好好食!
     
    係呀~ 果枝係唧出來好臭果隻吹波膠! 我細個都成日玩架!!
     
     

    回覆刪除
  21. 杯 fruit punch個色咁ge.. 似萬聖節食品多d~ 我見你寫食早餐.. 以為會好似你同MR.T一齊食o個時食枱都係添~ 份禮物o個枝紅色牙膏狀既~ 係咪吹波膠黎架? 我細個好鍾意玩架haha
     
    [版主回覆01/14/2011 15:04:00]杯fruit punch......連個味道都好萬聖節!! (即好恐怖...... )
     
    得我一丁友食早餐無人陪我癲我會正常好多!  
     
    係呀~ 係呀~ 果枝係吹波膠來架! 好鬼臭果隻呢~~~
     
     

    回覆刪除
  22. Gaileは林家歐巴桑2011年1月13日 下午8:41

    上次妳地去元氣聽妳講彤彤大食,當我係諗妳講既大食係小朋友正常既食量啫,點知......真係人不可以貌相,今次妳遇到強勁對手嘞
    有機會我依個 姐姐 都要見識下
     
    枝筆... 好心聖誕節就咪送咁核突禮物啦
    [版主回覆01/14/2011 15:00:00]我認為彤彤已經超越咗我嘞!  要計返比例架嘛~
     
    等妳返香港時同阿彤彤一較高低吖!
     
    其實佢份份聖誕禮物都唔一樣架! 係我依份有枝騎呢核突筆.....
     
     

    回覆刪除
  23. 家下d小朋友一係就唔多肯食野, 一係就好擦得!
    我家蕃薯仔 (阿女今年9歲), 早係1 歲就展現出過人食力, 去食buffet時隊人半條斑, 又飲湯又食人幾只麵飽~
    家下佢去食buffet, 可以食足2粒鐘!
    [版主回覆01/14/2011 14:58:00]我細個時就係唔肯食野果類嘞! 而家大個咗要食返夠本!!
     
    妳家囝囝確係勁喎! 而且仲肯食魚呢~ 幾好吖! 好多小朋友好憎食魚架嘛!! (我細個就唔鍾意食魚嘞! 而家好鍾意食但好少選擇.... )
     
     

    回覆刪除
  24. 紅寶石啲間餐廳我好耐之前都有去過,啲嘢都幾好食嫁!
    [版主回覆01/14/2011 14:55:00]仲叫做紅寶石既時間我仲好細個!  而家應該係同一間餐廳來,只係改咗名~ 因為果幾個經理級以前紅寶石時已經做緊!
     
     

    回覆刪除
  25. 妳咁擦得見到彤彤d食量都嚇親呀 (有對手喇), 佢亞媽仲驚啦, 多多$都唔夠佢食呀!
    [版主回覆01/14/2011 15:33:00]唔好話以小朋友食量來講彤彤好驚人吖,我唸就算係大人啱啱食完果大枝士多啤梨冰糖葫蘆都會飽一陣啦! 佢竟然轉個頭就話肚餓.......
     
     

    回覆刪除
  26. 黃口無飽期.......
    我一睇到呢句係笑左出來, 你形容得真係好好,我完全感受得到你對彤彤食極唔飽既驚訝!!!
    [版主回覆01/14/2011 16:55:00]因為彤彤咁細粒食量咁驚人,所以我先好震驚~~~
     
     

    回覆刪除
  27. kekeke, 我只蕃薯仔 係.........女黎架!~ 我家老媽叫我做大蕃薯, 我生嘅就係蕃薯仔..............!
    佢好鐘意食魚, 由細到而家都係, 上個月係鴻星做節表演舞魚頭, d 姐姐睇到嘩嘩聲兼私人醒咗1碗紅豆沙 + 1件 芝士餅過佢, 因為, 阿女食完個糖水都話唔多夠飽 !  -____- !
    想叫佢唔好食咁多, 但係體檢又冇話佢要減, 吹漲~
    [版主回覆01/14/2011 23:16:00]梳喱~ 梳喱~ 誤會咗妹妹係弟弟呢!
     
    小朋友鍾意食魚好呀! 點都好過鍾意食其他立雜野嘛~
     
     

    回覆刪除
  28. 小朋友真係好大食 , 仲食完一餐又一餐添 , 冇法啦 ,
    話明係美食暴賣嘉年華 , 仲吾擦到夠本咩 !!!

    回覆刪除

  29. 小朋友真係好大食 , 仲食完一餐又一餐添 , 冇法啦 ,
    話明係美食嘉年華 , 仲吾擦到夠本咩 !!!
    [版主回覆01/14/2011 23:12:00]我無擦返夠本喎 - 因為見到彤彤咁食法已經好飽......
     
     

    回覆刪除
  30. 而家D小朋友真係唔好睇少,我個姪仔得個歲幾人仔,已經成日要食野啦
    呢頭食飽粥,個頭見到我地食飯,佢又要食啦XDD
    真係服左佢,哈XD
    支原子筆咁核突,應該正常唔會有人拎黎用啦嘛
    [版主回覆01/14/2011 23:09:00]想當年我個小表弟都係好大食,佢想食而唔比佢食既話,佢仲會發爛咋!! 不過佢由細到大都係肥仔一名來~
     
    我好想知道係咪真係有人會用果枝原子筆......
     
     

    回覆刪除
  31. 咁核突既原子筆!!   難飲既fruit punch係咩味泥架?
    [版主回覆01/14/2011 23:07:00]我都從未見過咁核突既原子筆!
     
    果杯fruit punch 味道似有汽既咳藥水.....   咁妳想像吓有幾難飲嘞!!!
     
     

    回覆刪除
  32. How about V pa pa?   He don't have christmas gift?
    [版主回覆01/14/2011 23:28:00]i treated him to dinner ma~
     
     

    回覆刪除
  33. 個妹妹仔可能好鐘意食零食卦~ 粥同炒麵我都好鐘﹐ 不過我好似會叫豬肝粥之類~ 我媽咪都會走去打牌架﹐ 所以我覺得我次次返香港佢都好似有的唔慣﹐ 攪到我好似有的唔好意思﹐ 好似打攪晒我全家+整亂晒佢地的節目表咁呀﹗ 你杯PUNCH我睇相以為係蘿蔔汁 ~
    [版主回覆01/15/2011 14:42:00]海皇同海景依類粥店係賣豬紅、炸粉牛肉、艇仔粥之類既粥品,無豬肝粥賣架!
     
    V媽媽習慣每星期打一次牌~ 不過其實我每次返香港期間佢都唔會打,只係今次我返得去時間長,佢班雀友係咁問佢先去咗一次! host 果位auntie 係一位和藹可親既老人家,佢都有叫埋我去佢屋企食飯,不過如果連我都去埋就剩返V爸爸一個孤零零.......
     
     

    回覆刪除
  34. KwokMan kuen eunice2011年1月14日 下午8:25

    小朋友肯食野都算好啦!
    [版主回覆01/15/2011 14:35:00]我唔係批評彤彤大食呀! 我覺得佢食量驚人之嘛~
     
     

    回覆刪除
  35. 哈,我姪仔都係,唔俾佢食或者冇預佢個份呢,佢就會發爛咋.
    不過唔知佢係唔係食豆奶既關係呢,到而家都係算偏瘦少少咁.
    但佢又幾高下,佢得15個月大,但出街D人都以為佢有2-3歲
    唔知係唔係都係因為佢出左好多隻牙仔既關係呢,我媽咪話佢呢D叫有食神喎XD
    [版主回覆01/15/2011 14:34:00]我表弟一細個時肥到V阿姨抱住佢出街,街上既人個個都會轉頭來望架! 佢半歲已經要著歲半既衫!! 醫生當時已經要佢減肥,不過V阿姨話比少d佢食,佢就喊到拆天........
     
     

    回覆刪除
  36. 我老公都幾鍾意去名寶石食午餐的.我和老公愛吃牛脷.啲仔就鍾意吃牛扒。
    [版主回覆01/15/2011 15:44:00]係呀~ 等我下次返香港時去名寶石食野撞唔撞到妳先!
     
    哎吔~ 原來個牛脷好食架? 有日V媽媽叫我試吓我仲話唔試添......
     
     

    回覆刪除
  37. KwokMan kuen eunice2011年1月15日 上午8:29

    嘻嘻..又真係食量驚人。
    吾知個小朋友有冇6歲呢?
    [版主回覆01/16/2011 00:56:00]彤彤係我朋友既囡囡~ 我唔肯定佢幾歲,不過佢剛上小學,應該差唔多6歲啩!
     
     

    回覆刪除
  38. 我幾怕人多的地方, 所以冇去過美食嘉年華!
    彤彤同妳一樣食極都咁fit, 超級羨慕中.........
    見到碗粥, 突然間都想食碗熱騰騰的粥驅寒呀~
    [版主回覆01/16/2011 19:12:00]雖然係人多,不過我未去過美食嘉年華,第一次去行都唔錯!
     
    我今次返完香港都重磅咗好多呀! 不過病完後應該會輕返~
     
    我都好掛住海皇既豬紅牛肉粥、炒麵、牛脷酥~ 仲有弼街果檔重慶酸辣粉.........
     
     

    回覆刪除

Related Posts Plugin for WordPress, Blogger...