2011年1月12日星期三

有感而發 - 返一次香港,睇清楚哂既真面目! (特長~~~~)

大家新年快樂啊! 1775465354.gif picture by veronica_tsim


先多謝大家聖誕 + 新年既祝福留言~

唔好意思小妹聖誕 + 新年期間喺香港,未有時間好似平時咁去巡blog 探大家 + 逐一回覆留言!  (喂~ 無理由holiday 都咁宅吓哇!! )

新既一年,不過我blog 仍然會係"舊人事,舊作風" - 即係有咩仍然會照直講!

所以依篇想講吓因為我今次返香港,而令我體會到一d同我blog 有關既感受......

仲有2個月左右,我正式寫咗"V女廚房"3年嘞!  

因為依個blog,喺依3年裡面令我認識咗好多唔同既網友,大家平時網上留言交流,令我喺各位身上學習到好多野!

140698384_c.gif image by veronica_tsim 好開心今次返香港有機會同幾位認識咗好耐既blog 友相聚~ 同時好多謝妳地既禮物啊!

(講到依度......好有港姐卸任feel!呵呵~~~~ )

我珍惜喺我blog 裡面相遇到每一位網友既情誼 - 無論大家咀形啱唔啱都好;  

我慶幸同部份blog友最終成為咗真正既朋友; 

同時亦好多謝果班平時齋睇唔回應既潛水網友得閒入來支持吓;

不過大家最終做唔做得成朋友除咗要講緣份 + 啱唔啱咀形之外,更加要用時間去相處過、交流過,大家傾談交流當中會了解對方多d,從而去判斷對方是否真誠!

其實我想講既係有幾類人真係令我非常反感......._1746.gif image by veronica_tsim


(1) 有一位自稱係我網友既呂小姐,喺我回港期間到V媽媽既店"刮"我! 對方向V媽媽聲稱係我既網友,見我多日無update blog,第一句就問V媽媽: 妳個女係咪去咗旅行?

首先我認為依位自稱呂小姐既問題非常古怪!  講句白d - 係唔係去咗旅行關妳鬼事咩? 唔係我做既每一件事都要喺blog 向每一位blog 友上報吓哇!!?!?

呂小姐到V媽媽店既日子,我好肯定已經update 咗幾篇blog~ 話我無update blog 而去向我家人"查探"我既下落,好明顯只係藉口來!

明人不做暗事! 若然只係因為見我無update blog 而想知咩事,何不喺我blog 度留個言直接問我? 我就算無時間update,都有keep 住check email + 盡量回覆留言!

以我認知既一眾"浮面"網友blog 友當中,根本對依位呂小姐完全無印象! 而且根本完全無必要因為見我無update blog 而去騷擾我屋企人!

我唔排除可能會有blog 友好奇,不過正常人刮我唔到,事後都應該會喺度留個言單聲囉!

依位呂小姐~ 妳既動機完全無厘頭,我對妳既行為好反感! 希望妳唔好再去騷擾我屋企人!!


(2) 某d人平時潛水唔多留言,或完全未留過言,但會喺知道我準備回港前突然浮面同我講類似既說話: 我睇咗妳個blog 好耐架嘞! 第一次留言比妳......之後就會提出叫我幫佢地買野既要求!

P.S. 我無特別指出係邊一位網友,因為依種網友並唔止一個,每次我返香港都無走雞有唔止一個咁既網友!!

依個情況我亦唔止一次喺blog 度提過,其實我完全唔介意網友搭我買野既!

不過佢地叫我代佢地買既野,有好多根本香港有得賣,只係可能比香港平少少; 有d雖然香港無得賣,但我敢肯定喺香港會有更多既選擇或有代替品!

我唔想再多講依個情況! 我只想清楚重申有關代買野既以下幾點:

- 想我代購名牌以後一律免問 (問咗我都唔回架嘞!!) - 因為我唔係水貨客!

- 代購家庭電器免問 - 英國有既香港都會有! 我好日唔返香港探屋企人,叫我擔擔抬抬你地都好意思既?

- 從未留過言既網友免問 - 你地話睇咗我blog 好耐啫,但你地未留過言我點知呢?

當然睇我blog 唔一定要留言! 不過正如隨便一個喺街既陌生人問你地借錢,你地又會唔會借呢?

- 當然會有例外啦! 只要唔係以上3類,有需要既話我都好歡迎大家隨時留言架!! (唔收錢又點話呢~~~ )

我並非覺得自己好巴屎閉代買野一定要搵我! 只係我唔想再浪費時間 - 浪費大家 + 我既時間!! 一次過交代清楚咪一了百了囉~


(3) 我返咗香港一段時間,雖然我blog 比平時少咗update,但我依然盡量keep 住update,為既並非要keep 住自己留喺人氣榜,而只係想清楚記錄自己喺香港做過每一件事既經過 + 當時果一刻最真實既感覺 / 感想,以免日後有所遺漏......

我一向無論寫blog,又或者睇完網友既blog 留回應,都係隨心隨意~

不過有人入到來會好似落order 咁款"催"我寫指定既題目; 亦有人見妳入過去佢blog 無留言就追債咁款: 下次來訪記住要留言呀......

更甚者會對方原本加咗妳做blog 友,但會因為以上2點就粒聲唔出剷走咗妳!

恕我白d咁講句 - 既然咁既交情妳就唔好叫我幫妳買野啦!!!!

坦白講妳自己都唔係每次入親我blog 都留言啦! 係咪咁話呀?

我感謝大家得閒會入來睇我寫既野 + 抽空留言~

不過我幾時update + update 乜野完全係我既自由;  

有時睇完網友既blog,自覺無共鳴無野發表,或無時間所以唔留言,依個都係我既自由!

寫blog 都係自娛居多,所以我希望喺一個完全自由無壓力既環境下同大家分享 + 交流!

我從來都唔係果種 - 別人喺我blog 留大咋無無謂謂cm 12345678,就以為自己好受歡迎相識滿天下既blogger!

若妳係依種blogger,係妳既事! 但唔代表我要參與出一分力!!


(4) 某人好似好有誠意同我做朋友,會同我講關於佢自己既事~ 做朋友交心一件事,但我係有底線既 - 私人事並唔係交換禮物,我唔一定要事事話妳知!

妳想知既事我無同妳講過,即代表我認為同妳既關係未去到果個位,妳根本無資格一次又一次向我朋友查根問底!!

妳問既事同妳完全無關,亦對妳完全無任何影響,妳根本無必要知道!

我朋友已經同妳講咗佢唔知道妳問既野~ 坦白講就算佢知道都唔一定要同妳講!

朋友叫妳自己來問我妳又唔問,係都要去問佢,知唔知咩叫做尊重? 妳當佢係我奶媽呀??

妳而家問緊既野係我既私事! 咁佢唔知道答案,自然會來問我啦! 好正常~~~

如果妳認為佢唔應該話我知依件事,即代表妳一開始只為喺我背後講我閒話,既然係咁大家就無謂扮哂好friend 嘞! 我唔得閒去應酬面具!!


>>>>>>>>>>>>>>>>>>>>>>>>>>>>>>>>>>>>>>>>>>

不吐不快~ 新一年一下子將2年多積埋積埋既牢騷一次過發哂出來! 爽~



沒有留言:

發佈留言

Related Posts Plugin for WordPress, Blogger...