2010年12月19日星期日

孖T回"香"省親2010 - 打野戰@W28 (2010年12月11日)


War Game 呀! ( 唔好唸衰野呀吓!!)

是日晨咁早就要起身搭車,要10點鐘入到天水圍,真係慘無人道~~~~

小妹唔曉由沙田搭車入天水圍,唯有靠損友指點~ 點知有人老點小妹搭一架去青衣碼頭既巴士......

 最終遲成粒鐘先到,18個人等我 + Mr.T兩個......火羅~~~~~

  我覺得老公著軍服好鬼有型!!

 不過我覺得帶埋面罩既老公有少少恐怖份子feel......

 我唸我外表太馴良,完全兇狠唔起......

 就算帶埋面罩都好姐手姐腳......

  老點我地搭錯車果條友!

 我 + Mr.T 都係處女下海第一次玩!

第一個game 一開波唔夠半分鐘,我已經成為咗第一個死者.......

不過第二個game 我開始叻咗嘞! 第二個game 玩到完場都無死到!

玩足全日,唔記得玩咗8個定10個game......

我只記得Mr.T 比我殺咗2次! 哇哈哈~~~~~
差不多6pm 完場,換完衫還埋槍已經成身散哂!

本來打算搭巴士直接返沙田......

 點知上咗架去尖沙咀既車!

咁就順便喺海港城Food Court 求其食埋晚飯~

做完成日運動好鬼肚餓......

 我要咗碟香茅豬扒飯~ (唔知點解會有汁? 不過都幾好食!)

 再要多份越式牛油雞翼~ (好好味!!)

 比老公激死! 佢竟然要咗份羊咖喱飯......

食完飯即時精神返哂!

 買咗對靚靚新鞋! (老公送~~~~ )

我對trainer 玩咗一日war game 污糟到不堪!!
帶住成身臭汗返到屋企沖個靚涼......

 成手戰跡子彈痕!!   (我地玩BB 彈~ 唔係paintball!)

 我對玉腿......


 同埋Mr.T 對毛腿......
菠蘿蓋全部瘀鬼哂~~~~~


第二朝早全身好似比大班人圍毆打咗鑊金咁既感覺!!!

是日打一次War Game,足足相等於我2年總運動量! (我平時完全唔做運動架嘛.....)


全身足足痛咗3日! 上落樓梯成個阿婆咁款.......(平時唔做運動既惡果!!)

沒有留言:

發佈留言

Related Posts Plugin for WordPress, Blogger...