二人世界求其食 - 2010年11月12 - 16日 (附Mr.T 鯨吞湯圓Video!)

11月12日: 雜錦雜菜烏冬

 之前果晚個雜錦雜菜煲有食剩，第二日成煲野更加入味~

加d讚岐烏冬落去，隔夜餸都好鬼正!!

11月13日: 火腿湯螺絲通粉

是日無乜胃口，唸來唸去都唔知食乜好!

摷到雪櫃有包火腿扒，煮雜菜煲又用剩一小棵紹菜 + 幾條珍珠筍......

 求求其其快手快腳整咗個火腿湯螺絲通粉~

 最近好鍾意紹菜用來放湯煮，好甜好好食!

11月14日: Hilton Buffet

 是日去咗Hilton 食buffet!

 都仲未到12月，已經有燒火雞食~

 今次d牛肉雖然唔夠上次生，但一樣好juicy 好好味!

11月15日: 雪菜鴨絲炆米

本來想自己整埋燒鴨，不過特登燒隻鴨為咗炆兜米粉，好似好誇張又麻鬼煩......

 最後都係買咗半隻雪藏香酥鴨代替!

 半隻鴨無咩骨，搣埋有一大碗鴨肉~

 用哂一大包新竹米粉，加埋大咋料，炒出來滿滿一大兜，足足夠4個人分!

 雪菜鴨絲炆米食譜click here~

11月16日: 外賣薯條餐

唔知點解每隔一段時間就突然會好想食junk food......

 今晚就突然好想食sausage supper~ 老公就要咗fish supper!

終於都整咗無餡既糯米湯圓.......

 不過洋人超市買既薑真係好唔掂 - 太嫩! 落咗好鬼多都唔夠辣......

Mr.T 有個好乞人憎既習慣 - 如果一定要佢食一樣佢好唔鍾意食既食物e.g. 農曆新年時我會逼佢食髮菜，佢會將果樣食物"趙"都唔"趙"就咁吞落肚!

之前都講過Mr.T 好憎中式糖水，所以我整糯米湯圓當然唔洗預佢啦!!

究竟Mr.T 有幾憎中式糖水?

睇吓佢結婚前上頭係點食湯圓法就知嘞......




width="425" height="344">

咁都無啃死佢真係執到!

(我覺得99d反應好好笑!! )