新玩具 - Lomo Goldeneye (2010年10月24日)

依舊外型好膠得來又科幻既野係一部相機，名符其實係一個玩具!

點解依篇唔係"V敗乜鬼家"呢?

因為依個相機係老公送比我既surprise present!

尋日(10月24日)同老公去完圖書館還書兼比人罰錢後，順便過去對面Waitrose 行吓，老公送咗我去Waitrose 後，就話返去圖書館睇書等我~

我喺Waitrose 兜咗個圈乜都無買到，就打電話叫老公返來meet 我，離遠見到老公抽住一個紙袋......

我: 咩野來架? 咩野來架?? 係咪比我架??? (興奮地)

老公: 妳想知係咩來? (古惑地)

我: 想呀!!!!!!!!! (繼續興奮地)

 去停車場攞車，一上到車我就急不及待打開紙袋，裡面有大盒包咗既禮物!

 拆開後見到大大隻"黃金眼"3個字......(張相係返到屋企後先影既!)

再望望成盒野......幾秒後我先知道原來係相機來! 佢個樣實在太科幻嘞，所以我無即時察覺係一個相機......

早前網上見好多人玩玩具Lomo 相機玩個不亦樂乎~ 搞到我都心思思想買一部! 不過老公同我講......

老公: 其實妳知唔知PhotoShop 都可以將相修到Lomo 效果架?

我: 我緊係知啦! 不過如果咁講既話，基本上咩效果既相都可以用電腦砌出來，咁就唔好玩啦! 你唔係得獎攝影師，你唔會明白影相箇中樂趣架嘞!!

就係咁老公屈服咗我把口之下!! 哈哈~~~

早排行街特登去Urban Outfitters 睇過Lomo 相機，不過款式不多! 每部緊有d野唔啱我心水......

e.g. 本來都幾鍾意Mini Diana，不過要另加大舊閃光燈; Lomography Fisheye 外型幾好，但又只得fisheye 效果......

最後只好作罷~ 打算返香港先再睇，香港款式牌子比英國多，而且價錢會平好多!

真係好開心老公靜靜雞比咗依個驚喜我~~~~~

依部"黃金眼"完全符合哂我所有要求!

 白配金，外型科幻得來仲好classy~

 只係比我平時用開部Panasonic 大少少，不過因為佢係膠來，所以輕過Panasonic 好多!

 有閃光燈! 而且盞閃光燈仲好型架 - 只要按一按左下角金色個制......

 鏡頭蓋就會彈開變身成為閃光燈! 依個設計好搞鬼~~~

 依個係一部mechamism 簡單到直頭係原始既相機!

 影完一張相要手動拉菲林，好有用完即棄既菲林相機feel!

 隨相機附送幾張唔同公仔既鏡頭貼紙，原本果款唔靚，即時比我換咗依款~

 仲有條好襯既相機繩呢!

所有Lomo 相機都係用菲林既......

 早排我摷返自己第一部相機 - Pentax 菲林傻瓜機出來......

手痕買咗筒菲林唸住玩吓部Pentax，不過而家筒菲林去咗部黃金眼度咯!

  好期待用部黃金眼影到咁既效果!!

雖然依部黃金眼係祖國出品(北京)......

 不過說明書有4種語言，睇來會出口外銷到唔同國家!

>>>>>>>>>>>>>>>>>>>>>>>>>>>>>>>>>>>>>>>>>
老公好好笑......

 星期六(10月23日)喺Centre 好塞車，塞塞吓車老公又喺我隻手玩"原子筆紋身"!

 喺Rumours 食lunch 時等緊上菜，佢又摺咗隻紙戒指比我~

 仲畫咗個低能公仔......

 我: 鑽石你都唔捨得畫粒比我，我要放上blog 比我d blog友睇吓你幾cheap!!

 老公: 咁比返我嘞!!!

食完lunch 去行街，老公去咗買禮物比佢下屬既leaving do; 我就去咗睇衫......

 老公join 返我，送咗個水晶相機鎖匙扣比我!

  我就買咗件靚靚衫~

過咗一個好sweet 好開心既weekend!