2010年10月9日星期六

食上癮既香蔥生雞蛋拌飯


老公話我有一個好大既弱點 -_364.gif image by veronica_tsim我好容易比電視、雜誌吸引去買/食一樣野.....

e.g. 有時唸極都唔知食咩好,突然見到電視賣KFC廣告,Photobucket我就會決定想食KFC!


今次依個生雞蛋拌飯都係差唔多咁既情況!

高橋美起既圖文書"星期日的甜蜜早餐"......

裡面有介紹生雞蛋拌飯既做法,一直都覺得好吸引好想試吓!

 生雞蛋拌飯係日本人常見既飲食習慣!

材料簡簡單單只有熱辣辣白飯、新鮮生雞蛋 + 豉油~ 雖然材料簡單,但日本人對生雞蛋拌飯既配料好講究架!

 生雞蛋拌飯專用豉油,一般分開"關西風" + "關東風"2種唔同口味~


另外亦有唔同口味既生雞蛋拌飯專用調味包~

舊年我返香港時曾經喺Sogo 見過一種專用來生食拌飯既日本雞蛋; 

喺日本甚至有包埋雞蛋既生雞蛋拌飯禮盒!

雖然我覺得生雞蛋拌飯非常吸引,不過礙於生雞蛋拌飯既專用蛋 + 豉油依度都無得賣; 而且我感覺日本正宗果種食法會令白飯變涼......除壽司外,我食飯一定要食熱辣辣既! 所以我一直都無試過整來食~

早幾日無意中睇到"罐頭裡的蛋治blog"介紹既食法,覺得可行喎!   於是我就鼓起勇氣一試......
2008111213530154.gif image by veronica_tsim竟然令我食上咗癮!!!! 最啱用來當早餐~

大至都係跟佢既做法,但做法 + 材料有少少唔同......

1. 先盛一半剛煲好熱辣辣既白飯。

2. 打入一新鮮生雞蛋。(室溫!)

無生食專用雞蛋,咁我就用新鮮有機雞蛋啦! (雞蛋一定要新鮮!! )

3. 用另一半白飯完全蓋住生雞蛋。

4. 蓋上蓋子等候3分鐘。

5. 預備蔥花; 滴珠油 (或雞飯老抽)、日式濃縮柴魚湯和煮溶熟豬油各少許拌勻。

滴珠油

日式濃縮柴魚湯

 豬油 (可用其他較健康既熟油代替!)

6. 灑上蔥花,淋上豉油熟油與雞蛋一同拌勻即成。



29 則留言:

  1. 睇落好好味*o*
    令我諗起茶餐廳既窩蛋牛肉飯
    [版主回覆10/11/2010 02:09:00]就咁已經好好味! 不過窩蛋牛肉飯材料仲加豐富~
     
     

    回覆刪除
  2. 嘻嘻!我都係第一時間諗起窩蛋牛肉飯呀!

    回覆刪除
  3. 好似好正咁喎~~得閒又試下先!!!
     
    [版主回覆10/11/2010 02:04:00]最緊要有新鮮雞蛋,又快又好味!
     
     

    回覆刪除
  4. 好似好簡單又好味呀 !!!!!!!!!! 好想試下添 
    [版主回覆10/11/2010 02:04:00]只要有新鮮雞蛋,隨時都可以整~ 又快又好味!
     
     

    回覆刪除
  5. 好正啊~~真係有窩蛋牛肉飯FEEL喎~~滴珠油..我真係未聽過.是較杰的醬油?等我去超市留意下先.
    [版主回覆10/10/2010 19:27:00]講起窩蛋牛肉飯都係好正!
     
    滴珠油係一種好杰且帶甜味既老抽,用來撈麵、炒粉麵都好正架!  (香港出品!)
     

    回覆刪除
  6. 呵 ! 好香呀 ! 不過汁料都很講究喎 . 妳唔講我都唔知原來日本人對蛋飯咁講究0既 .
    [版主回覆10/10/2010 19:24:00]係呀~ 好想試吓日本果種生雞蛋拌飯專用豉油! 可惜連香港都無得賣.....
     
     

    回覆刪除
  7. 簡單便是美, 亞媽年代在雞籠取新鮮旦撈即飯食
    [版主回覆10/10/2010 19:11:00]哇~ 即時雞籠攞出來既新鮮蛋分分鐘仲係暖架!  真係新鮮!!
     
     

    回覆刪除
  8. Almaly 卡樂B媽咪2010年10月10日 上午3:41

    無餸起上黎,我都鍾意煎蛋 豉油捞飯,快手,好食又有營養,但食生蛋。。。 點知超市D蛋够唔够新鲜呢?
     
    [版主回覆10/10/2010 19:10:00]如果咁講既話,超市賣既所有生鮮食物都唔知夠唔夠新鮮架啦! 不過始終點都要靠去超市買餸架,咁咪唯有選有效期限最遲到期既雞蛋囉~ 而且就算妳煎過隻蛋,隻蛋都唔可以全熟先撈到飯!
     
     

    回覆刪除
  9. 賣相真係好吸引
    [版主回覆10/11/2010 02:01:00]味道仲好好架!
     
     

    回覆刪除
  10. Gaileは林家歐巴桑2010年10月10日 下午3:56

    好正喎!!有雞蛋又有豬油,一定好好味 等我又試下先
    [版主回覆10/11/2010 17:02:00]生雞蛋、豬油 + 蔥全部都好香! 同半熟蛋風味完全唔同~
     
    妳可以睇吓妳果邊買唔買到日式生雞蛋拌飯專用醬油喎!
     
     

    回覆刪除
  11. 《Ka MaN 日記》2010年10月10日 下午4:38

    好吸引吖...!!! 唸起以前細個亞媽煎 d 半生熟蛋比我 mix 飯... d 蛋黃汁同 d 白飯 mix 埋再加 d 甜豉油...  
    [版主回覆10/11/2010 17:00:00]我之前都係食半熟蛋、豉油熟油撈飯,生雞蛋同半熟蛋風味完全唔同!
     
     

    回覆刪除
  12. 呢個飯係我3姊弟細個時差不多每日都食嘅午餐呀~
    3張登仔, 一只大碗, 一只匙巾, 趕返工媽媽一個, 20分鐘裡面要餵飽晒, 我最乖 (因為鐘意食蛋, 日日食都冇問題), 我細妹就啜飯, 激到阿媽紮紮跳, 細佬就好d, but食一半就走咗去!
    [版主回覆10/11/2010 16:59:00]除咗食日式牛丼之外,我之前從未試過就咁生雞蛋拌飯~ 估唔到原來咁香咁好食喎!
     
    鍾意食蛋既人,真係日日食都唔厭架!
     
     

    回覆刪除
  13. 濃情朱古力碰上士多啤梨2010年10月10日 下午10:34

    睇落去真係好似好好味呢
    [版主回覆10/11/2010 16:57:00]我覺得真係好好味!
     
     

    回覆刪除
  14. 早餐食飯
    [版主回覆10/11/2010 16:57:00]早餐食飯有幾出奇? 酒樓飲早茶都有鳳爪排骨飯食啦!
     
     

    回覆刪除
  15. 嘩~~ 見到都流晒口水呀~~ 好想食呢~~ 係呢, 滴珠油係邊樹有得賣架?
    [版主回覆10/11/2010 16:54:00]我唔知香港邊度有滴珠油賣喎! 我依樽喺依邊買既~
     
     

    回覆刪除
  16. 《Ka MaN 日記》2010年10月11日 上午2:12

    搞到我都有 D 想試下生蛋 MIX 飯。。。 我係一個蛋怪。。 點食蛋都唔會厭。。。!!!  
    [版主回覆10/11/2010 17:24:00]如果妳鍾意食蛋既話就要試吓嘞! 我唸妳都會鍾意食~
     
     

    回覆刪除
  17. 岩岩找到話中環九龍醬園有得賣~ 下次去產檢時順便去睇下先~~

    回覆刪除
  18. 我真係好鐘意食蛋..........最高記錄係今年4月............一日6只...........至大鑊係我今年已經三十有幾...........咁樣食法, 唔係辦法!
    日式牛肉飯又係另一至愛(鐘意到要學識), But 只限吉野家個只~
    [版主回覆10/11/2010 17:31:00]妳唔會成日4月每日都一日6隻蛋吓哇!!?!? 間中一次半次放肆吓自己應該無問題既~ 我都係三張幾但仍然未改到暴飲暴食既習慣......
     
    吉野家日式牛丼飯好食,不過爭緊個生雞蛋! 暫時我 + 老公食過最好食既牛丼係倫敦Japan Centre + 巴黎一間已執既日本餐廳~
     
     

    回覆刪除
  19. 點心b的貓媽媽2010年10月11日 上午2:51

    嘩你呢個飯我睇見就想整! 陣間拿拿聲買有機蛋試整先! 多謝分享 我同我老公都係蛋痴黎, 就連大細小姐都係一見到蛋就雙眼放光的!!!
    [版主回覆10/11/2010 17:57:00]妳返咗香港未呀? 如果返咗既話,妳可以去Sogo 睇吓有無我上次見到果隻日本生食用雞蛋賣喎~
     
    我老公仲未試過依個飯~ (因為我整來做早餐!),或者今晚整比佢試吓!
     
     

    回覆刪除
  20. 好正wow~~~~不過我有d怕食生雞蛋,睇你食得喇,不過就咁睇我都已經覺得好好味!!
    [版主回覆10/11/2010 18:39:00]怕就唔好試咯~ 如果唔係浪費咗隻雞蛋......
     
     

    回覆刪除
  21. 這個整法好特別喎, 我都好想試下呀 ...
    [版主回覆10/13/2010 00:42:00]咦~ 妳可以叫妳老公出trip 時帶生雞蛋拌飯專用豉油返來喎!
     
     

    回覆刪除
  22. 呢個飯....另我諗起窩蛋牛肉飯!!
    [版主回覆10/13/2010 00:41:00]我下次都想試吓窩蛋牛肉飯~
     
     

    回覆刪除
  23. 記得細個個時 媽咪都有整蛋飯 不過佢係用煲仔煲熟D飯 再打蛋入去 焗一陣 咁就食得啦
    [版主回覆10/13/2010 00:26:00]依個方法應該係窩蛋囉! 異曲同工~
     
     

    回覆刪除
  24. 我都係超級蛋痴....日本既蛋同米加一齊一定超正...去旅行時係日本吉野家食牛肉飯+玉子....超好味..  (終於唔洗打驗碼啦...YEAH)
    [版主回覆10/13/2010 00:25:00]只要材料新鮮就一定好味!
     
    個驗証碼除消咗好耐啦~
     
     

    回覆刪除
  25. 睇落好正呀
    [版主回覆10/14/2010 01:51:00]係好香好好食!
     
     

    回覆刪除
  26. 好肚餓好想食呀~~~ 今晚要出去食個炒飯!!!!!
    [版主回覆10/14/2010 16:27:00]炒飯洗乜出街食呀?
     
     

    回覆刪除
  27. 懶唔想洗野麻... ^^ 睇諒下啦....wakakakak~~
    [版主回覆10/14/2010 16:34:00]我唔"睇諒"妳,不過我會"體諒"妳!
     
     

    回覆刪除
  28. (爆) !!!!!! 哈哈哈~~~~ 每日一字^^
    [版主回覆10/14/2010 16:44:00]此"睇"不同彼"體"~
     
     

    回覆刪除
  29. 呢個一定超正呀﹗
    [版主回覆10/19/2010 17:01:00]食到上哂癮~~~~~
     
     

    回覆刪除

Related Posts Plugin for WordPress, Blogger...