五指毛桃粟米紅蘿蔔排骨湯

依個係老翻99既老火湯~ 湯滾起來滿室芳香，好飲又有益!

1. 排骨洗淨飛水瀝乾; 粟米去皮去鬚，洗淨瀝乾一開二; 紅蘿蔔洗淨去皮切件。

2. 五指毛桃、蜜棗和無花果各適量。

3. 水大滾後先放入排骨，再放入其他材料煲至再大滾，轉慢火煲3小時，用鹽調味即成。

五指毛桃別名眾多e.g. 南蓍、土黃蓍、五爪龍、五指牛奶、牛奶仔etc; 因為其葉二至五裂，所以稱之為"五指"~

折斷枝節會流出白色汁液; (我唸因為咁而叫做五指牛奶或牛奶仔! )

果實表面有絨毛~
五指毛桃味甘性平，具益氣去濕、化痰補虛、袪風舒筋活絡之效; 湯水帶類似椰子既香味。

我用既係依種柴皮片裝~

 亦有一種真係成碌柴咁既款!