2010年10月6日星期三

99篤篤撐 - 帝女花 (2010年10月5日)


99尋晚(10月5日)喺Glasgow Mitchell Theatre 公演"帝女花",喺全場反應熱烈既氣氛下圓滿結束!

(似唔似果種乜乜劇團登報慶功廣告? 嘻嘻~~~ )

6pm 開場,老公特別早放2粒鐘返屋企換件衫~

5點正出門口竟然塞車塞足1粒鐘!!!  好彩去啱啱趕得切,剛剛埋位set 好腳架砌好DSLR,pat pat 都仲未坐熱就開幕......

之前99曲藝社既表演,多數都係由大班演員表演幾個個別唔同既劇目,未必每個劇目都有99份,換句說話 - 我 + 老公唔洗每個劇目影相拍video,只影99有份演出既就得嘞!!

不過今次演既帝女花,竟然由第一場"樹盟",演到尾場"香夭" - 足足4粒鐘! 部camcorder 中途又閃燈無電 ,用spare 電頂住半粒鐘即時去後台叉電~

好彩真係帶哂3部相機去啫,因為影相影得最多果部Panasonic 影到得返1格電!

影咗4XX張相,今朝揀相揀到傻......

 今次第一次用部DSLR 影99表演!

無大盞附加閃光燈,亦無用咩特別mode......(因為唔識用! )

 只用最basic 既auto mode,出來效果已經好sharp 好靚!

 可惜我未買鏡頭,用kit len zoom 到盡來影都唔係好夠大,唯有只用來影全台景!

返到香港一定要買鏡!!!!!!!1775465298.gif image by veronica_tsim

_342.gif image by veronica_tsim講返帝女花......我唸唔洗我講個故仔係點嘞啩? 就算真係唔知個故仔,最少都識唱幾句啦~~~

 一向反串既99演駙馬周世顯......

 得1個周世顯,但長平公主就有3個咁多!

長平公主由3位不同演員,喺不同章節分擔角色~ 之前唔知有個咁既安排,睇到好搲頭 - 點解長平公主成日都唔同樣既??

 長平公主被老豆崇禎賜紅羅殉國,周世顯力勸公主咪亂來~

 崇禎見長平公主收咗紅羅搞咁耐仲未死,拿起寶劍要劈公主!_1299.gif image by veronica_tsim

 點知誤劈昭仁公主......

 終於劈中長平公主嘞!

 長平 + 昭仁2個都死哂......佢以為! 長平中手臂之嘛,點會咁易死呀?

(我只係覺得依張"伏屍相"好好笑先貼出來! 嘻嘻~~~~ )

 周世顯以為長平公主真係死咗,向周鐘父子乞屍~

 周世顯維摩庵外重遇長平公主~

 周世顯到紫玉山房迎接長平公主,公主見周世顯身光頸靚,誤會佢向清帝賣國求榮~

 誤會冰釋,相約成婚後一齊共赴黃泉~

 將柳陰當做芙蓉帳,明朝駙馬看新娘,夜半挑燈有心作窺妝......

 遞過金杯慢咽輕嘗,將砒霜帶淚放落葡萄上......_077.gif image by veronica_tsim

 帝女花,長伴有心郎,夫妻死去樹也同模樣~~~~~

_342.gif image by veronica_tsim 大家有無發現我好熟"帝女花"? 因為......

我中學時V媽媽買咗餅龍劍生梅雪詩版本返來,_1284.gif image by veronica_tsim 霸住個電視日播夜播! 

所以"帝女花"係唯一一套我由頭到尾完全睇得明既粵劇,而且最後一場"香夭"我已經熟到識背!

老公就緊係一句都聽唔明啦,尋晚佢喺我隔離拍拍吓video 竟然釣魚! 咁嘈都恰得著真係服咗佢......_1282.gif image by veronica_tsim

 周世顯 + 長平公主~

 周世顯 + 攝影師~

 姑仔影相認真麻麻......_1284.gif image by veronica_tsim

 現場好多到賀花籃~

 99叫我地攞d花返屋企擺,貪心鬼老公攞咗一籃大既!

 尋晚睇到依張相,我同老公一齊笑咗出來......影到99好似猜緊枚: 收哂!!



沒有留言:

發佈留言

Related Posts Plugin for WordPress, Blogger...