2010年10月20日星期三

補倉 (2010年10月19日)

星期日(10月17日) 第一次整crème brûlée 就KO咗枝買咗幾年但第一次用既blow torch......

整得果4隻crème brûlée 又唔係好夠喉......

 趁老公尋日放半晝陪我覆完診,即時去買返枝blow torch 補倉!

 枝新野外型其實同枝茄野差唔多......

 茄野

 不過新野槍咀設計好似安全過枝茄野! 希望佢會好用啦~

今晚要再整crème brûlée!!!

 另外買咗個燒大舊肉用既肉類溫度計~

 豬牛羊家禽全部圖示清清楚楚!

尋日晏晝幾好天氣~

傍晚喺Glasgow Fort 買完野出到來見到天空粉紅 + 粉藍!






11 則留言:

  1. Gaileは林家歐巴桑2010年10月20日 上午5:44

    我今日去買燒鴨針時見到間五金百貨有賣依隻食物用火槍,佢有兩種設計,但我唔記得妳果支係點,驚買左會唔會又係好易壞,而家睇埋妳買依支新既,咁就可以去研究下
    [版主回覆10/21/2010 01:32:00]其實我覺得火槍都係大同小異! 不過我依枝新野下面個出gas 位有鐵保護,枝茄野就無,感覺依枝應該好好多 + 安全好多!
     
    我啱啱又整咗crème brûlée,今晚試過枝新火槍再話過妳知好唔好用!
     
      

    回覆刪除
  2. Hello Veronica,
    尋晚睇明珠台 future of food...講 lee 個地球面對糧食荒,話 d 食物只有越來越貴,人口就越來越多...係呀 ! 香港而家 d 日用品 & 食品(e.g. 廁紙, 洗頭水, 一舊蒜頭)..都好快加價...你呢? 英國果邊 d 品用品 及食物會唔會短時間就漲價好多呀?
     
    你個廚房都 keep 得好乾淨(我指道牆磚)...你每個月都廚房大掃除哩? keep 得d 磚咁乾淨
    [版主回覆10/21/2010 01:29:00]英國其實漲唔漲價都好,d野本身係好貴!  其實有時根本唔係有糧食荒,反而係生產過盛,但係生產果班人為咗控制價格唔好下降,折墮地將食物倒入大海作廢! 所以如果真係有一日全世界都鬧饑荒,一定係天譴!!
     
    我發現好多網友都話我個廚房好乾淨!  我唔係每個月大掃除架,基本上我每次煮完野,會即時抹乾淨污糟既地方! 煮飯就一路煮一路抹,或食完飯洗碗時先抹~
     
     

    回覆刪除
  3. ...你右邊嘅預告話整三寶飯...我估下邊三寶先 !
    1) ...係..雞肉
    2) 煎豬扖(因為你好似講過你先生鐘意食 扖)
    3)..咸蛋...(因為你識自制)
    唔知岩唔岩呢?
     
     
    [版主回覆10/21/2010 01:21:00]除咗鹹蛋之外,其他全部都錯哂呀!   話明係三寶飯,咁就緊係傳統果隻三寶飯啦! 妳依個怪組合好似叫做豬扒雞肉鹹蛋飯喎!  應該係......
     
    (1) 自製叉燒; (2) 自製燻蹄; (3) 自製鹹蛋~ 不過唔記得燻蹄原來要雪過夜,我應該要尋晚整好......而家啱啱整好今晚應該食唔切,所以得返二寶飯 - 叉燒鹹蛋飯!
     
     

    回覆刪除
  4. 粉紅 + 粉藍天空好靚
    [版主回覆10/21/2010 01:05:00]現場睇仲加靚呀!
     
     

    回覆刪除
  5. 你o個邊咁多咁特別"架橕",係香港真係無咁多呢d野買,就算有都好難搵!
    [版主回覆10/21/2010 04:49:00]火槍同肉類溫度計係普通之喎! 講真我真係唔覺得依邊特別多架撐,我覺得香港先多而且又多選擇!!
     
     

    回覆刪除
  6. 我早排都買咗枝火槍,仲末開齋,等我都試吓妳個食譜先。
    我想問吓double cream 係唔係即係 heavy whipping cream 呀
    [版主回覆10/21/2010 04:47:00]我都唔清楚double cream 係咪即係heavy whipping cream 喎!  我依邊分開whipping cream, single cream + double cream......
     
    我見香港好多人用whipping cream 去整crème brûlée,不過佢地都話整完d cream 唔會set! 我依邊所有洋人crème brûlée 食譜都係用double cream,妳最好check 吓乳脂含量有45%既就係double cream!
     
     

    回覆刪除
  7. 火槍我都想買 ~~ 因為幾個月前都想整焦糖燉蛋 哈哈 宜家見你整得咁好味 又好想買啦 !!!!
    [版主回覆10/21/2010 21:30:00]哈哈~~~ 早幾日第一次用就比我燒熔咗果枝火槍我買咗幾年嘞 - 當初就係為咗想整焦糖燉蛋而買既,即係我已經想整咗幾年但而家先實行!
     
    枝新野尋晚開咗光,唔錯! 好用又安全過燒熔咗果枝!!
     
     

    回覆刪除
  8. 你要 覆診, 希望你冇事!  你老公好好呀, 專登放假陪你. ALL THE BEST!!
    [版主回覆10/21/2010 21:27:00]無事~ 無事~ 有心!
     
    哈哈~~~ 我老公一年有大把有薪假,不過佢太忙積埋積埋d假都無時間放,請一兩日無相干~
     
     

    回覆刪除
  9. 濃情朱古力碰上士多啤梨2010年10月20日 下午10:24

    又有新野玩野..開心啦你..期待你既食譜
    [版主回覆10/21/2010 21:25:00]我依個新野係因為玩爛咗另一個新野,所以先要補倉! 整既係舊食譜來喎~
     
     

    回覆刪除
  10. 妳好快要買多個廚房咯.........
    [版主回覆10/21/2010 21:24:00]依2個野好細至喎蟻兄!
     
     

    回覆刪除
  11. 我好想買依個煮蛋器,我次次煮親都要睇時間,但又唔係次次都得。
     

    [版主回覆10/22/2010 21:21:00]依個煮蛋器好好用! CitySuper 有得賣~
     
     

    回覆刪除

Related Posts Plugin for WordPress, Blogger...