2010年9月21日星期二

任食好味排骨星期一 - Tony Roma's (2010年9月20日)


尋晚無煮飯 - 因為尋晚係星期一!th110715881.gif image by veronica_tsim

損友告知老公Tony Roma's 逢星期一有個叫做"Endless Slab Mondays"既offer......

付出£15.50就可以任食燒排骨 + 自選2個side order,燒排骨食幾多都得! 老公一直好恨試~~~~th52.gif image by veronica_tsim

反正我尋晚想去IKEA 買少少野,買完野就順便去IKEA 隔離Xscape 裡面既Tony Roma's 分店,一嚐老公心願!

 Tony Roma's 類似TGI Friday's 係美式連鎖餐廳,最出名食燒排骨~ 香港都有分店架!

 Xscape 分店好大,坐得好舒服~

去親美式餐廳食飯我一向都好少點排骨 (多數點扒! ),不過既然是晚係特別為咗燒排骨而來,我 + 老公都各點一份任食燒排骨!

 點咗任食燒排骨會有2個bone bag~ (老公認為餐廳要客人間接幫手倒垃圾......)

等緊排骨既時候,見到隔離枱2個女仔飲緊士多啤梨奶昔,於是我又點咗杯朱古力......

  不過依杯野真係好唔掂!

雖然我order 時個waitress 都話咗比我知佢地d cream 用哂,所以杯奶昔會無cream,我都照order~ (連cream 都無哂!! 有少少過份......)

不過依杯鬼打所謂奶昔,稀到阿媽都唔認得! 應該叫做奶水至啱!! 我相信就算有cream,依杯野都唔會好飲......

th57-1.gif image by veronica_tsim 唔緊要! 食燒排骨補返數......

 Original Sauce 燒排骨 - 依份一睇d side order 係薯條 + 洋蔥圈,就知道係我老公架啦!

 我既排骨配Carolina Honeys 汁; side order 就要咗健康既燒粟米 + barbecue beans~

燒排骨比我想像中大份 - 排骨竟然超過1呎長!  

骨同骨之間啖啖肉......好味!

 12分鐘後,我 + 老公都將第1 round 排骨搞掂咗! 老公連side order 都已經搞掂埋!!

  第二回合正式開始!

(由第2 round 開始,每份order 都係得一半既! )

 我既Blue Ridge Smokies Sauce~ (依個味麻麻地~ 煙燻味唔夠突出!)

 老公既Red Hots~ (依個好正! 辣辣地好惹味!!! )

當waitress 將第2 round 既排骨倒入我碟時,隔離枱有位中年女士用奇異且帶些少恐慌既眼光望住我個碟!monkey2063.gif image by veronica_tsim


事實上由第1 round 開始後,佢已經一直不停及住我......_2006.gif image by veronica_tsim


第二回合都好快手就搞掂咗!

因為第2 round 老公既Red Hots 實在太好食......

 所以老公點多個第3 round,一齊分一個Red Hots!  (依碟超多汁仲加正!!! )

 第3 round 開始時,我已經搞掂哂d side order!

 第3 round 只用咗5分鐘就搞掂嘞~~~

枱上只剩低2個好鬼污糟既碟 + 2大包骨頭!

飽到上心口!m203.gif image by veronica_tsim
回家路上我 + 老公不停輪流嗝氣~~~

除咗杯鬼打奶昔,佢地d燒排骨真係幾好味!

我會再幫襯! 下次想試佢地另一個offer - £9.95 Evenings~

 落手落腳食排骨唔方便畫公仔,所以老公只畫到一半公仔尚未完成!

 返屋企後繼續完成~

死人頭老公畫到我個咀成個Q太郎咁款!!!!!biaoqing036.gif image by veronica_tsim

佢話係排骨汁喎.......

(我食野邊有咁烏wer 呀!!!?!?!? )




14 則留言:

  1. 11111111111111 
    [版主回覆09/21/2010 19:06:00]叻!
     
     

    回覆刪除
  2. 我都好鐘意食燒排骨   隔離位女士儫住妳,梗係因為妳食得太快,仲要食晒,以妳既身形,我估佢真係見所未見,聞所未聞 
    [版主回覆09/21/2010 19:05:00]佢地d燒排骨真係幾好食喎!
     
    果位女士其實真係好無禮貌! 妳望還望,都唔好咁明顯吖.....細粒唔比食多野架? 佢唔見我個口好大咩??
     
     

    回覆刪除
  3. 點心b的貓媽媽2010年9月21日 上午4:24

    哈哈tony roma's 我以前喺hk都有食呀~ 我住呢邊都有間restaurant專做燒肉燒骨餐廳一到星期5晚就有all u can eat, 嘩次次我都係一round就頂唔住因為薯條任添又係超好味... 反而我老公就有你冇你係咪都order多一份ribs (第2份都係同你first order一樣大, 我估都係1尺長)... 真係唔知佢咩野消化系統黎...
    [版主回覆09/22/2010 03:52:00]我喺香港未食過Tony Roma's~ 香港大把野食,返到去唔會再食依邊有得食既野!
     
    我地依間配菜無得添架! 2nd round 開始比半份都應該既! 唔唸住添排骨既話,都唔洗食依個offer~ 但未必個個人都食到1st round 咁大份 (1st round 唔止1呎架, 係超過1呎呀!),浪費食物就唔好嘛~
     
     

    回覆刪除
  4. 哈哈哈, Q太郎咀....形容得好貼切
    [版主回覆09/22/2010 16:25:00]死火~ 啱啱先睇到之前個回覆打多咗個9字!  (唔係特登架! 我唔係講粗口呀!!)
     
    我之前果句係想講 - 咁佢係畫得好似嘛!
     
     

    回覆刪除
  5. d ribs好正咁喎! 我頭先click 您條link 過去睇下呢到有無分店... 好失望呀! 係無架!!! 您唔止有個Q太郎咀, 仲有"射喱眼"呀!
    [版主回覆09/22/2010 03:43:00]d ribs 係好正呀! 如果唔係我地都唔會來咁多round 啦!
     
    妳果邊咁慘一間都無? 我依邊反而有2間都去得到~
     
    係喎~ 我射喱眼射住碟排骨喎!
     
     

    回覆刪除
  6. 《Ka MaN 日記》2010年9月21日 上午5:11

    D 人又歧視你。。。  
    [版主回覆09/22/2010 03:40:00]係囉~ 好多人好似真係唔知道 - 其實好多擦得之人都係好細粒既!
     
     

    回覆刪除
  7. Gaileは林家歐巴桑2010年9月21日 上午5:53

    好正姐,(輪)骨我都好鐘意
     
    果位女仕望咩姐,唔抵得人地食3個round呀!!點得任食就預左會大食架啦,佢冇睇menu咩
     
     
    [版主回覆09/22/2010 03:39:00]果位女士唔係食任食排骨,佢食份唔知咩野,不過我見到佢食剩好多沙律! 好浪費~  
     
    唔係話佢唔可以望我,但唔需要做到咁明顯囉! 我肚餓咪食多d囉,有幾咁奇怪啫?
     
     

    回覆刪除
  8. 果然勁呀 !!!! 個燒骨賣相都幾好呀 ^^
    [版主回覆09/22/2010 03:37:00]賣相味道俱佳!
     
     

    回覆刪除
  9. Hehe! Your hubby drawing very nice!
    中秋節快樂呀
    [版主回覆09/22/2010 18:36:00]Thanks 妹頭! (代Mr.T多謝妳~ )
     
    祝妳中秋節快樂啊!
     
     

    回覆刪除
  10. 妳都好食得下喎
    [版主回覆09/22/2010 18:35:00]只要我覺得好味既野,我係食到好多好多架!
     
     

    回覆刪除
  11. OH~ 燒排骨~~ 我老公好鐘意食架~~ 既然暫時黎唔到英國既分店, 咁去香港果個頂住引先啦~ 希望都一樣咁好食啦~ 中秋節快樂呀~
    [版主回覆09/22/2010 18:34:00]係呀~ 香港有分店架! 不過就唔知有無依個任食offer?
     
    祝妳中秋節快樂啊~
     
     

    回覆刪除
  12. MRS T,中秋節快樂呀!
    [版主回覆09/22/2010 18:33:00]Thanks Choi Yee! 中秋節快樂啊~
     
     

    回覆刪除
  13. 好大塊排骨,睇見都留口水.
    中秋節快樂!
    [版主回覆09/22/2010 18:32:00]佢地d燒排骨真係好好食!
    不過杯奶昔真係唔掂......
     
     

    回覆刪除
  14. 係香港呢間野的洋蔥圈超正~
    [版主回覆09/27/2010 02:44:00]係呀~ 佢地d洋蔥圈好好食! 果日老公比咗一隻我試~
     
     

    回覆刪除

Related Posts Plugin for WordPress, Blogger...