2010年9月19日星期日

中秋節 - 廣式月餅 (蛋黃蓮蓉月餅 + 蛋黃豆沙月餅)


下星期就係中秋節嘞! 1775465354.gif image by veronica_tsim

一早買咗模打算今年試吓整月餅,

但成個星期硬係唔願開工,係要走去搞第二d野......

今日返去6299度食飯,
尋晚先臨急抱佛腳喺廚房搞咗幾粒鐘!

第一次整月餅小試牛刀!1775465329.gif image by veronica_tsim

少少地整咗75克單黃蓮蓉月 + 63克半黃豆沙月各4個......



1. 模具:

  
75克方型模 (單黃蓮蓉月)

 
63克圓型模 (半黃豆沙月)


2. 鹹蛋6隻打開,取出蛋黃; 鹹蛋黃灑上玫瑰露酒醃一會洗清蛋白。

3. 餅皮:

(a) 金獅糖漿90g、花生油32g和梘水1.5g拌勻;

(b) 篩入低筋麵粉140g,用矽膠刮略略拌勻後,輕手搓成光滑粉糰;


 
(c) 用保鮮紙包好,放入雪櫃雪1小時即成月餅皮。

 
金獅糖漿

 
梘水

 
4. 預備蓮蓉和紅豆沙。



 
5. 蓮蓉或豆沙包住鹹蛋黃,搓成圓糰備用。 
(a) 75克單黃蓮蓉月餡料: 鹹蛋黃1個 + 蓮蓉共重60g;
(b) 63克半黃紅豆沙月
餡料: 鹹蛋黃1/2個 + 紅豆沙共重50g~

 
6. 分割餅皮: 15g (for 75克模); 13g (for 63克模)


7. 餅皮搓圓,隔著保鮮紙盡量壓薄後包入(6)之餡料,撕去多餘餅皮,收口並搓圓。



8. 月餅模灑上少許麵粉後倒去多餘麵粉,放入(8)搓好之月餅糰,用手掌輕按壓實底部。



9. 用陰力將花紋印在月餅上,再按模具取出月餅。


P.S. 整餅時上述上模部份(步驟8 + 9) 唔方便影相! 想更清楚做法可睇以下YouTube video 示範~





10. 預熱焗爐170C; 將印好之月餅放在焗盆上,在月餅表面噴水。

 
11. 放入焗爐約8至10分鐘烤至月餅開始變黃。12. 蛋黃1個和少許油拌勻,取出月餅掃上少許蛋液。13. 月餅回放焗爐,改用150C焗約15分鐘至月餅金黃。

 
14. 取出待月餅待涼。

15. 讓月餅回油最少12小時即成。


--------------------------------------------------------
我一向係果種deadline 逼近先有動力臨急抱佛腳去做一件事既人!
尤其係我唔多想做既事......

月餅 - 我其實根本唔鍾意食!
不過我想整,因為想整來送比人~



無月餅獨立包裝袋,唯有用剪細咗既三文治密實袋來包啦!

(月餅回油咗一晚幾靚喎!! )


用自家嘜頭label 封口~既然無靚靚月餅包裝禮盒......


唯有用手頭上既物資湊湊拼拼整個科學怪人月餅包裝出來......

 焗住要中西合壁!




2 則留言:

Related Posts Plugin for WordPress, Blogger...