; 唔係耳環 
; 又唔係頸鏈吊咀喎......
係佢!
雖然睇得唔清楚，但白色幼點係閃光來架! 唔係塵喎~ 
其實之前買咗個陶瓷磨刀器都仲未用過，因為唔知效果會點，唔敢用來磨我d貴刀...... 話哂依個鑽石磨刀器叫做係名牌，用來磨貴刀會放心好多!
咁個陶瓷磨刀器，就用來磨我把大陸製中國菜刀啦!!
為咗買依個鑽石磨刀器......我又比人查ID!!
店規定唔可以賣利器比18歲以下人仕~ 但唔知點解佢地會將磨刀器立入利器類? 磨刀器價錢牌上印住"Do not sell to under 18's"~
果日我無帶銀包，所以老公比咗cash 我，我就去排隊比錢，而老公就行開咗去睇其他野......
次次都咁啱 - 吼正我無ID喺身時就話要查我!!!!!!!
雖然經常比人查ID，但每次有人要查我，我依然會好緊張!
搞到我唔記得自己無帶銀包......摷咗幾野先醒起銀包喺屋企，唯有向老公求救~~~~~ 
老公比車牌果位女收銀睇，我話比女收銀知其實我大過老公4年~ 女收銀即時露出尷尬且難以置信既表情: You look really young!
點解我要向女收銀篤爆自己大過老公4年呢? 因為我唔想女收銀睇完老公車牌後，誤會老公係專搞"靚妹"既鹹濕佬!
一出店門，老公就不停一路摸我個頭 (特登整亂我頭髮果隻!)，一路用超級低能既語調笑我......
老公: 哦喲~ 小朋友扮大人買刀係唔啱架! 唔好嬲~ 我買奶奶比妳飲吓!(P.S. 老公所指既"奶奶"，其實係我近期鍾意飲既泰國豆奶!
)
我: 你好快d縮手嘞吓! 你整亂哂我個頭呀鹹濕佬!!!之後去咗隔離Tesco Extra 買咗4枝泰國豆奶......
隔咗幾個星期再去依間Tesco Extra，佢地又入多咗新貨嘞!
好驚~~~~~~~~ 依個廣告......話時話金龜嘜魷魚絲好似咁多年來都無轉過包裝!!
不過包英版無咗"時興隆"，變咗Ladybird"! 
我揭咗幾頁已經愛上咗依本書~ 決定要買!!
書相當有系統地分開類別介紹各種不同食材e.g. 奶品蛋類、海鮮、家禽、家畜、水果、蔬菜、香草香料、意粉麵條、五穀類、豆類......當中每個種類再細分附有食物詳細資料，總共介紹起過2000種食材~
另外仲附有食譜 + 單位換算表，真係不愧為食物百科全書!!!
今期至筍係......
有幾筍?
Primark d衫原本已經好鬼平架嘞! 依條牛仔褲原價£10........
2歐羅 ，真係好筍喎!
回覆刪除[版主回覆09/06/2010 19:56:00]英國係計英鎊架! 唔係歐羅啊~
我第一 ......
回覆刪除[版主回覆09/06/2010 19:56:00]梳喱~ 唔係.........
哇！妳就好 la，著8號 size。我在 Sydney通常都係 size 8 既減得最多，可惜我就冇份！
回覆刪除[版主回覆09/06/2010 20:05:00]乜澳洲都係用UK size 既咩? UK size 6號係加細，8-10係細碼; 12-14中碼; 16-18大碼......如此類推~
不過依度減價，只要同款都係一樣減咁多，唔會分size來減! 但無論減唔減價都好，一向店裡面細size 都比較少........
忍唔住.. 笑左...
回覆刪除磨刀器係未最尾個位都係尖嫁?
所以可能因為咁樣而唔俾賣俾18歲以下0既人?
[版主回覆09/06/2010 20:07:00]唔係咯~ 把野末端係平架! 根本完全唔尖!! 不過我見佢所有棒型磨刀器都係唔賣比18歲以下~
條褲真係好平呀 ~~~~~~~~~~ 哈哈 被人查ID 証明你後生呀 !!! 好開心 哈哈 快的去整月餅呀 我整左個脆皮 好正呀 今日又食左半個 哈哈
回覆刪除[版主回覆09/07/2010 05:00:00]條褲未減前我都試過 + 想買架嘞! 不過果次太多人排隊，我唔想等所以最後無買到~ 估唔到星期六又比我見到，仲減到咁鬼平! 呵呵~~~~
間中比人查吓ID都會沾沾自喜既~ 不過成日都比人查就開始覺得煩!!! (我依排比人查咗好多次嘞!!)
我weekend 買漏咗梘水~ 唸住過兩日出去買埋梘水先開工!
見到金龜嘜魷魚絲就有Ｄ想食。。。。 好抵喎條牛仔褲。。。。
回覆刪除比人 ＣＨＥＣＫ ＩＤ 係一件好事。。。証明你仲好 ＹＯＵＮＧ。。！！
[版主回覆09/07/2010 04:42:00]妳果邊有無金龜嘜賣?
條牛仔褲未減價前都好平，果時我都試過 + 想買架~ 不過果日好多人排隊，我唔想等所以最後無買到! 點知星期六又比我見到，仲減到咁鬼平呢~~~
成日比人查ID，確實係因為我外表比實際年齡細好多，但經常都比人查，真係開始有少少 覺得煩!!!
差左一秒鐘.......
回覆刪除[版主回覆09/07/2010 04:38:00]係差咗一分鐘呀!
妳個C(o靚)妹下次冇帶ID就唔好買利器啦 磨刀器都被歸納為利器,可能d鑽石會傷人(閃傷人地對眼)
回覆刪除時興隆個廣告真係...
[版主回覆09/07/2010 04:37:00]其實個磨刀器一d都唔尖又唔利，真係唔明點解會立入利器?? 哈哈~~~~ 果咋只係鑽粉來! (粉到唔粉果隻.....)
個廣告......有盆景媽份架!
金龜嘜魷魚絲我都好耐都冇食~~~
回覆刪除Primark既野真係好平好抵架!
[版主回覆09/07/2010 04:34:00]我地果日買咗一包~
其實依條牛仔褲未減價前只係£10已經好平，我果時都試過 + 想買，不過果日好多人排隊比錢，我等得唔耐煩所以最後無買到~ 估唔到今次減到£2喎!! 呵呵~~~~
哈~比人查身份證都好呀!證明你都好後生JA!
回覆刪除不過係外國人眼中,我地中國人個樣睇落去係細個D架WO!
[版主回覆09/07/2010 15:24:00]比人查得多呢，係會覺得煩既!
不過係外國人眼中,我地中國人個樣睇落去係細個D架WO! </// 好多人都會咁講，不過講既人都係中國人來，所以唔知佢地憑咩用洋人角度去講"佢地眼中既中國人望落細個d"? 而住喺洋人地方既我，並無見過我既中國朋友比人查ID~
2磅, 咪即係2x蚊一條??????? 真係抵到爛!!! (話時話, 家下英磅兌港紙幾多呀? 好耐冇check過~) 可能d人驚你攞住支鑽石棒閃親人地對眼呀~~ 好危險架~~ 我呢個樣咁老成, 成世女未試過比人查ID, 想搵人查下我都冇呀~
回覆刪除今日放工突登行去 ＣＨＩＮＡ ＴＯＷＮ 睇下有無 金龜嘜魷魚絲。。。 見到有一千零一包。。。 但入面有 Ｄ 白色粉（好似 Ｄ 朱古力發毛咁）。。 睇一睇個 ＥＸＰ ＤＡＴＥ。。。。。。。係上一年（２００９）。。。。 即刻放手。。。 仲要 ＡＵ＄５。９５
回覆刪除[版主回覆09/07/2010 15:59:00]吓???????????? 2010都就快完咯喎! 仲賣緊2009年過期貨????? (震驚ing~~~~~~~)
40幾蚊港紙一包金龜嘜真係前所未聞! 我依邊都已經貴，妳果邊仲貴個double.......
後生女, 你皮光肉滑, 縐紋都冇條, 一拍埋去其他人度, 你梗係要比人查ID啦~~ 不過賣張小童票比你又誇左D.... 佢係咪想溝你咋~
回覆刪除[版主回覆09/07/2010 18:45:00]我唔係講緊而家有人賣小童票比我，我講緊十幾年前呀! 其實果張票我仲保留住，因為太過詭異~
依度搭火車可以上到車先買飛，車上有售票員查車票 + 賣票~ 果次我已經數定啱啱好成人單程票價比佢，點知佢比張票我後再找錢比我，我咪覺得奇怪囉! 原來佢比咗張小童票我.......
你而家個樣都咁後生, 十幾年前, 梗係會比人當小童啦~~ 張飛真係要好好保留住~~ 哈哈~ 可能佢仲係度諗, 點解要個細路女黎買飛呢? d大人呢~~
回覆刪除[版主回覆09/08/2010 18:46:00]哈哈~~~~ 另外有次我上到火車先買票，我身上只得大紙，但售票果個唔夠錢找比我，所以佢無收我錢! 唔知佢係咪覺得我細個好可憐呢?
你又真係好鬼YOUNG既個樣~ 幾多人恨都恨唔到丫~
回覆刪除[版主回覆09/08/2010 18:44:00]有好有唔好啦! 成日都比人查ID，真係開始覺得煩架!
我真係試過磨壞刀呀﹐激死人喇~ 嘩﹗你老公整亂晒你的頭髮﹐ 一陣打晒KICK順唔翻點算?~
回覆刪除[版主回覆09/08/2010 18:44:00]係呀~ 讀書時用大陸菜刀，用咩來磨都無所謂~ 而家幾十鎊一把刀，磨壞咗就心痛死嘞!
我d頭髮唔會咁易打kick，我一日keep 住梳幾次架嘛~
你好勁喎,咁都比你搵到金龜嘜咁舊嘅宣傳片,真係好攪笑....
回覆刪除[版主回覆09/08/2010 18:42:00]其實YouTube 大把依d搞笑既經典廣告片啦!
乜磨刀器都要bling bling咁有型呀 £2條牛仔褲真係抵到爛 （不過阿媽成日話我：抵到爛？爛咗就唔抵啦 ）
回覆刪除[版主回覆09/17/2010 16:43:00]喺囉~ 枝磨刀器仲係閃閃令好鬼靚架!
哈哈~~~ 條牛仔褲平成咁，就算真係爛既我都覺得抵架!
美女, 其實係咪左右左右咁刮刮下就磨到刀? 我從來未試過磨刀, D刀"掘"晒會跣所以打算買磨刀器, 不過我怕會磨壞刀因為我唔識磨, 你有無試過用電動? 同埋想問下你有無用LE CREUSET既GRILL PAN? 我又係唔多識用, 我驚遲早俾我搞到生鏽無得救...
回覆刪除[版主回覆05/10/2011 06:36:00]依種磨刀棒係上下咁刮架! 不過其實我好少用，因為我屋企有廿幾把刀，我睇心情把把用吓，暫時把把都好利，所以我都好少磨刀~ 我無試過用電動啊!
我有用grill pan，不過唔係Le Creuset~ 而係另一個法國牌子Chasseur! 即係依個: http://hk.myblog.yahoo.com/veronicams_tsim/article?mid=27366
同Le Creuset 一樣係cast iron~ 我成日用來煎牛扒架! 越用越好用呢!!
妳點唔識用呀? 妳睇吓依篇幫唔幫到妳: http://hk.myblog.yahoo.com/veronicams_tsim/article?mid=27418
美女 維他奶ASDA平D£2咋。。平過我呢度D中超
回覆刪除[版主回覆08/29/2011 02:47:00]我依邊Asda 未見過有維他奶賣，就算Tesco 都唔係間間有架!
南下鬼超有既野，我依邊同一間鬼超未必都有架~