蕃茄紫菜滾豬肝; 豆醬雞翼 & 韭菜魚條絲炒蛋
死人Yahoo 尋日(9月23日)壞足成日!
相又upload 唔到; 發表網誌 + 回應都"正在處理中......"; 回覆網友留言，依頭回完轉個頭剛剛回覆既內容全部無Q哂! 全日乜都update 唔到!!
搞到我尋晚發惡夢 - 夢見自己今朝一起身個blog 變到一片空白!
乜Q都無哂.....其實尋日我已填咗幾次表投訴，不過今朝都仲係無回音，而且個blog 仍然係"正在處理中......"，一日整唔好，我咪繼續投訴到整好為止囉!
系咩統維咩護吖!! 真係嘥Q氣~~~ 個blog 成日都係咁壞架啦!!!!
真係要系統維護，唔識維之前先通知用戶架??
下下人地打野打到一半先來維，搞到一發表就全部"正在處理中......"!
不知所謂!!!!!
>>>>>>>>>>>>>>>>>>>>>>>>>>>>>>>>>>>>>
鬧完! 講返食飯......
無錯~ 我開始嘗試吓實行T家少餸制! 以今餐二餸一湯為例: 有湯有肉，又勉強叫做有菜有魚......仲有蛋呢! 我 + 老公2個人係夠飽既 - 而且係"舒服飽"，唔會飽到唔想郁果隻~
想食雞翼但又唔知整乜雞翼......揭吓借99果本方太啦~ 見到有味餸叫做"普寧豆醬雞"好似幾好味咁喎!
但我覺得味道好相似! 不過係唔係都好啦，反正我都無跟方太個食譜去煮......
之前都整過韭菜炒蛋; 而今次本來只係韭菜炒魚條絲，但唸唸吓好似單調咗少少......
而且碟餸份量仲多咗好多呢! 嘻嘻~~~~
依餐本來應該係星期三中秋夜煮既! 不過中秋果日比2條Asda 廢柴激一激 (網誌)，返到屋企打得篇網誌上來呻，已經唔夠時間整餸~
於是出街去咗好味果間中式自助餐中華風味食飯~
老闆係國語人來，我用我"還可以"既國語同老闆交談，佢大讚我講得好!
)
>>>>>>>>>>>>>>>>>>>>>>>>>>>>>>>>>>>>>
星期二(9月21日)整咗碟蝦子撈麵做lunch......
因為當我撈緊麵既時候，唔小心將蝦子彈咗入雙眼 - 2隻眼都中哂招!!!!
d蝦子又好鬼細粒，彈咗入眼好鬼痕好唔舒服!
最後唯有沖水將蝦子沖返出來......所以大家食蝦子撈麵時都要小心啊!
>>>>>>>>>>>>>>>>>>>>>>>>>>>>>>>>>>>>>
最近天氣涼咗好多，象徵住蘇格蘭可愛既夏天靜靜雞咁離開緊......
亦象徵住泗和行應該好快就無節瓜賣!
上星期本來都有打算煮飯，所以趁水尾買咗2隻節瓜來煲湯......
不過最後因為懶 + 貪方便，上星期無正經煮飯，而且連續食咗2晚牛扒.......
牛扒飯配節瓜鱆魚花生煲豬踭! 哈哈~~~
節瓜鱆魚花生煲豬踭食譜click here~ 蕃茄紫菜滾豬肝(參考食譜)click here~ 豆醬雞翼食譜click here~ 韭菜魚條絲炒蛋食譜click here~ 蝦子撈麵食譜click here~
個雅烏卜, 都廢既
回覆刪除v 女,下次咪Q理佢喇, 花時間去complain做咩, 鬧極都係咁架喇, 處理中...喎!
上次我登入又話我無登記blog, 等我整完後, 個blog既背景同banner都無哂... (原來一早唔登入, 唔理好係會無事既)
花時間係自己整印仔呀, 諗下食咩餸仲好....下次睬佢都有味喇 !( 因為今早已見美國既blog友同英國既blog友話唔得 ) 我都同樣留唔到言....
到下午好晏先ok咋 !
[版主回覆09/24/2010 20:31:00]我真係就來比Yahoo 激X死!!!!!! 佢地依頭整返好，我果頭就發現網誌分類少咗2個!!!!!
唔得! 佢一壞我一定投訴!!!! 佢地幾X蠱惑呀 - 整到填表條link 入唔到去，以為咁就無人再投訴! 不過我有方法入到去，就緊係要繼續投訴啦!! 如果真係無人投訴，我怕佢地真係下個星期先整返好呀!!!
基本上佢地每次壞blog，都係大圍既事! 一壞就連果條廢柴小編輯個blog 都壞埋架嘞!! 好少個別blog 咁來壞~
希望我果2個分類快d返出來啦!
我見到妳喺FB度發哂老脾就知道Yahoo又黎玩野啦
回覆刪除冇同妳講,前兩個禮拜我買左3盒tiramisu同1盒custard味cake cake,簡直係欲罷不能,果然冇介紹錯,不過有d貴(NT$93),而家要抖抖,唔可以瘋狂食,+埋月餅最近濟濟地
[版主回覆09/24/2010 20:36:00]小喇叭! Yahoo 真係越來越衰格!!!!! 尋日壞足一日，乜X都整唔到!!! 啱啱佢地話整好，但我又發現少X咗2個分類!!!! 就來比佢激X死!!!!!
d蛋糕係咪我依個牌子呀? 其實都係阿四好介紹! 係咪tiramisu 好味過custard 呢? 話時話我聽日都要入貨!
唉~ 阿四終於收到我箱野嘞! 明明同妳果箱 + 另一位網友果箱一齊寄，但阿四竟然要足足2星期先收到!
我喜欢那 碟蝦子撈麵，好像好大碟，你一个人吃的完吗？？
回覆刪除[版主回覆09/24/2010 20:51:00]係呀~ 果碟麵有4個麵架!
我食得哂呀~ 我一向大食嘛!
食咗月餅未呀? 另外果醬未開可以唔洗放雪櫃; 但開咗後就要放雪櫃嘞!
对了忘了說，我女儿超爱吃你做的 月餅，一个人能吃一个，
回覆刪除你做的小小个好cute。你送的我们错不多吃完啦。 谢谢你。
果醬開了，也放在雪櫃里了。
[版主回覆09/24/2010 22:19:00]唔洗客氣~ 妳地鍾意就好嘞! 我好開心啊~~~~
多謝妳既公仔 + Kaya 啊~ 我下星期先得閒焗麵包(我而家好少買超市麵包，多數自己焗!)，焗咗麵包先品嚐妳既Kaya~
同妳介紹既一模一樣牌子,我仲見到另一隻樂天只得custard,但係味道差好好好遠...係呀,所以我之後都係買tiramisu
回覆刪除我知係阿四介紹,所以妳地冇介紹錯姐...我又介紹左fb網友食,佢又係中哂毒
香港冇可能慢咁多架??!!唔通係英國郵局漏寄
[版主回覆09/24/2010 22:17:00]係呀~ 阿四送我既係日本出品，我地依隻係韓國出品，不過我地買依隻同阿四送我果隻味道完全無分別!
咦~ 咁即係妳買tiramisu 就係我果隻既牌子? 但custard 就係樂天?? 我tiramisu + custard都係韓國牌子，但我都覺得tiramisu 正好多!
妳d FB友都鍾意食呀? 唔好咁揚啦衰鬼~ 一陣搞到斷貨大家齊齊無得食呀!
唔Q知佢英國定香港問題! 同一時間寄除咗妳 + 阿四果2箱，仲有一箱係去香港既，果位香港網友中快過妳收到!
唔係...韓國custard味我都有買,我行超市見佢隔離有擺樂天,咪買埋黎試囉,NT$45六隻唔好味,不過都係軟既,之但係味道就吸引唔到我囉
回覆刪除冇揚呀,我只係喺群組入面介紹俾同樣嫁黎台灣既人妻姐,目前為止我依邊長期有貨
咁真係唔知係邊度出問題嘞,至驚係寄失姐,不過收到咪可以安心
[版主回覆09/24/2010 23:32:00]阿四上次寄比我果隻咪唔知有5個定6個囉，不過我唔記得係咪樂天~
一陣d貨去哂台灣果邊餵妳班人妻FB友，我依邊泗和行入唔到貨我就賴妳! 到時先要寄返十盒八盒比我補數!!
係呀﹐ 我都比yahoo blog 激死﹐ 我reply左好多個message, 以為突然間無哂﹐ 真係灰哂! 好彩最後都有返﹐ 真係有驚無險呀 我係NY住﹐ 得閒聯絡下啦!
回覆刪除[版主回覆09/24/2010 23:28:00]唉~ 我尋日回咗一半，突然發現有咁既情況，即時停咗唔回住，廢事打完一大輪最後得個吉，今朝彈返唔見咗果d回覆，另加一大堆網友回應，回到我隻屐咁......
原來妳住NY! 有機會我都想去吓NY~ 好呀，得閒大家傾吓計吖~ 我加咗妳做我扑友嘞!
係啦﹐ 死yahoo blog, 有次試過打左一大堆野﹐ 跟本唔見左﹐ 又唔係好似ms word 可以undo, 激Q死我呀!!!!!!!! 你係咪係scotland住呀? 我10幾年前去過一次﹐ 不過都無咩印象lu.... NY, 咪又係咁﹐ 得個名﹐ 不過無去過都應該去一次0既! 對我黎講就好悶﹐ 哈哈!!
回覆刪除[版主回覆09/25/2010 00:03:00]用咗Yahoo Blog 2年幾，我唸我血壓升高咗唔少! 今日好似整好咗，但我網誌分類少咗2個! 頭先投訴完，佢地未回覆我，但暫時疴返咗1個出來，另外果個仲未知幾時先蒲頭!!!
係呀~ 我住Scotland 架! 妳無印象唔出奇吖，依度都無咩會特別令人印象深刻既.......
我對NY 其實無咩特別感覺! 反而對美國人感覺就好極端 - 佢地一係好好好nice; 一 係就好好好自以為是! 好少中間果隻......雖然NY 並非top of my list 想去既地方，不過只要未去過既地方我都希望有機會去~
我印象中好似有古堡同鬼怪野﹐ 其他都好似咁上下。有無去過尼斯湖睇水怪? 我上次好想去不過無時間。 咁你而家最想去係邊度呀? 美國好似好大﹐ 不過我想去0既地方真係唔多。來來去去都係個D野﹐ 好悶! 你同你老公好sweet呀!! 你係咪唔駛做野GA? 你成日都整咁多野食﹐ 有 咁多時間咩?
回覆刪除[版主回覆09/25/2010 02:36:00]Loch Ness 喺highland 架，離Scotland 好遠架! 我好耐以前同前男友去過一次~
我而家最想去日本! 其實我都去過2次日本，不過都係同屋企人去，老公未去過，所以想同佢一齊去~
我要做野架 - 我既工作就係家庭主婦~ 所以我咪成日都整野食囉! 整野食係花好多時間，但我就最鍾意整野食架嘞!
亞虎真係正死人頭, 成鬼日都係咁壞
回覆刪除[版主回覆09/25/2010 16:32:00]免費都唔係離譜成咁架!!!!!! 都唔知佢地請班咩廢人返來!!!!
呢個就係我唔願寫blog的原因,都唔知道自己的心血下一分鐘的命運如何?不過看見妳們咁積極,最近又動起來....
回覆刪除[版主回覆09/26/2010 02:07:00]係囉~ 明明之前見妳個扑係空架嘛~ 果日過到去竟然見到你都有寫喎!
下次試下整豆醬排骨呀，都好好味～
回覆刪除[版主回覆09/26/2010 02:06:00]哈哈~~~~ 妳真係知我心意既啫! 因為樽豆醬都幾大樽，我果日一路炆雞，就一路喺腦裡面唸食譜 - 我就係唸住下次用來蒸 / 炆排骨!
其實我做女時咩都唔識煮,係離婚後,先開始學下煮野,不過我唔太鐘意,所以煮煮下又會停好耐再煮其他野,我都係學到一半都唔知有無,煮既野好簡單,以前返工,又要湊仔,累都唔想去學,不過諗諗其實我都應該學多D唔同既餐單,無理由煮來煮去都係個幾味
回覆刪除[版主回覆09/27/2010 02:40:00]我以前喺香港時連煎蛋都唔識，因為V媽媽唔鍾意我搞亂佢個廚房! 係 來咗英國讀書自己搬出來住先開始煮野食! 越煮朋友們越欣賞，自己開心之餘又好有成功感~ 加上我又為食，就係咁愛上咗煮野食! 又鍾意煮又鍾意食~~
我都係呀﹗ LOAD唔到想仲有連廢留言都DELETE唔到呀﹗ 成兩日喇~
回覆刪除[版主回覆09/27/2010 02:33:00]Yahoo 成班blog team 都係廢既! 壞完又壞，成日都壞......