我 + 老公都好鍾意食菜肉雲吞~ (我包果d喎!!
嘻~) 而且我又幾鍾意玩包雲吞，對我來講包雲吞有得玩又有得食，一舉兩得! 
不過今次係我第一次唔enjoy 包雲吞!
從未試過包得咁唔老黎!! 連食都唔多enjoy......
其實係我自己攞來衰.........明明平時用開果隻"福仔"雲吞皮又好包又好食，皮薄得來好滑，而且滾幾耐都唔會變到淋pat pat，又唔易穿......係我衰貪新鮮見泗和行依個Happy Belly 新牌手痕買來試吓!
真係一路包條氣一路"chok"鬼住.......
- 皮中間包餡既部份充滿水份好黐，但皮既四周竟然吹脹地太乾! 所以包出來既雲吞/餃子餡料部份好易爆，邊邊就好易裂!!
- 最大死罪係 - 無論雲吞皮或餃子皮都薄得來唔滑!
而且滾耐少少已經開始糊糊地!!!我包咗雲吞成10年，除咗最頭第一次包爆兩三隻，之後一直以來我都可以包到一隻都唔爆! 但尋日竟然一路包一路爆咗1/4!!
頂~ 品質咁差就唔好出口去外國害人啦!!!!!!!
以後唔會再有異心~ 還是覺得你最好 - 一定買返"福仔"!!!
點解又有雲吞又有餃子?
我每次包親雲吞都要用2包雲吞皮，所以我冰格裡面長備有2包雲吞皮~
但解凍時先發現得1包雲吞皮，另1包係餃子皮來 - 應該係我買時搞錯咗! (我都未包過餃子既........
)
雲吞皮用哂後開始用餃子皮來包，徒手包咗幾隻餃子覺得唔係好靚......
)不過......其實雲吞同餃子有咩分別呢????
每次包親菜肉雲吞，我除咗enjoy 食雲吞之外.....
唔好浪費白菜既精華呀!! 又香又甜~~~
>>>>>>>>>>>>>>>>>>>>>>>>>>>>>>>>>>>>>>>>>>>
上星期三(9月8日)炒咗兜蝦醬炒飯做lunch (網誌)，意猶未盡......
今次加埋爆香咗既魚乾仔，更加香味口惹味~~~
星期日(9月12日)出街食飯慶祝我攝影比賽攞第3名......
本來我開始減少食高膽固醇既食物 (唔係戒~ 只係減!)，所以早幾次去Nando's 已經無order 我最愛既雞肝，今次當係獎勵自己啦!
>>>>>>>>>>>>>>>>>>>>>>>>>>>>>>>>>>>>>>>>>>>
題外話.......
早兩日去Asda 買餸，佢地大咋清潔劑清潔用品用具大減價~
平時洗碗用既海綿，我係用至cheap 既超市自家出品既抵用品牌......
(又係£1我先捨得買!)洗碗洗唔洗咁姿整呀?
要架! 用靚靚海綿洗碗，心情都特別靚架!!
上星期啱啱先讚完Asda 計多錢既情況有改善.......(網誌)
不過依頭讚完佢地，果頭又打回原形!!
菜肉雲吞食譜click here~ 蝦醬魚乾仔炒飯食譜click here~
嘩個餃子夾好似好好玩。。。 包出黎又好靚喎。。。。 我地都好耐無去 ＭＥＬＢ 嘅 ＮＡＮＤＯＳ 啦。。。 有一排我成日都想食。。。 但呢排完全無呢個 ＦＥＥＬ。。！！！
回覆刪除[版主回覆09/15/2010 19:14:00]Nando's 初開都有段時間成日想去食，不過而家間中先想食一次!
個餃子夾方便 + 快囉~ 不過我都係覺得徒手包出來靚好多! (如果識包既話......)
我竟然第一到。。。 超開心。。。 哈哈哈。。。
回覆刪除[版主回覆09/15/2010 19:14:00]哈哈~~~ 有幾咁開心呀? 又無獎品既!
個餃子夾我都有見到,但係一直冇買,諗住都係自己包好過d...其實雲吞同餃分別係咪在於size同包既方法呢
回覆刪除講開蝦醬...前幾日見到超市有賣泰國出品蝦醬,我諗住耐冇食,就買細盒仔返屋企炒菜食啦,點知我老公仲衰,佢話以為我碟菜變壞(好臭腥味)佢話明用蝦醬煮野佢唔會再食,佢連瞞都瞞唔住
d海綿又幾靚喎,我一直都係用開3M,都幾好用架!!所以上次果次只係妳好彩買到比價錢牌平既野,而唔係佢地有改善!!冇得救
[版主回覆09/15/2010 23:06:00]我做雲吞 + 餃子既分別應該係在於餡料吓哇!!!?!?
哈~~~ 咁我唸妳老公真係唔鍾意食蝦醬嘞! 但妳老公同我老公唔同 - 我老公果隻係純衰格! 因為我係有辦法整到佢鍾意食既!
依隻花花海綿我恨咗好耐架嘞! (妳睇吓我幾sad......)不過之前要成£2，成5蚊一塊洗碗海綿你當我傻既咩??? 我平時用開超市果d£1有10塊，所以今次花花海綿減咗其實都仲係貴......我竹碗布就係用3M囉~
佢地唔改唔緊要 - 反正我都一樣係咁醒，佢地呃我唔到!
我都鐘意自己包餃子o架!
回覆刪除[版主回覆09/15/2010 23:00:00]我之前只包過雲吞，餃子今次第一次包!
唔係喎~ 我覺得都包得幾靚呀~ 我上次包雲吞包到好似用過既廁紙
回覆刪除[版主回覆09/15/2010 23:00:00]我以前包果d仲靚呀! 依隻皮真係好唔掂!!!!!
我都有見過餃子夾呀 不過無買黎玩 學你話enjoy包餃仔既過程 ^^ 我都唔知餃子同雲吞既分別 ~~ 係咪包法唔同 ~~~
回覆刪除[版主回覆09/16/2010 19:46:00]我唔識包餃子，今次用夾係第一次! 不過我都想學包~ 雲吞我就好鍾意包嘞!
我覺得雲吞 + 餃子既分別應該係餡料既分別! (我估! 所以唔肯定.......)
餃子夾我舊年返香港都有買呀! 不過未開封呀!
回覆刪除[版主回覆09/16/2010 19:44:00]個夾OK 啦! 幾方便 + 快囉~ 不過我都係想自己學包餃子!!
我之前包過雲吞．．． 不過我好似 ｄ 餡會跌出黎咁．．． 唔知係唔係我太貪心．．．． 係吖包雲吞同餃子係 ｅｎｊｏｙ 個過程．．． 但我呢 ｄ 唔多識包嘅用個夾夾會易 ｄ （同可以當玩下）．．．
回覆刪除[版主回覆09/16/2010 19:43:00]我一向只係包雲吞架咋! 今次第一次包餃子~
我個菜肉雲吞食譜有埋video 點包雲吞架! 妳可以去睇吓點包先唔會漏餡!
我屋企成日都包餃子架
回覆刪除[版主回覆09/16/2010 19:42:00]我之前一向只包雲吞! 餃子今次係第一次~
我自從同老公結了婚後, 都好似你咁, 成日煮D佢鐘意食的餸菜, 自己的飲食習慣全改過來了, 以前我食得好清. 跟住剛剛驗身, 膽固醇超標呀.......
回覆刪除我覺得男人同女人體質是不同的, 佢地咁食法都可以正常.....
[版主回覆09/16/2010 19:41:00]其實我都唔算係煮老公鍾意食既餸既! 因為大部份我鍾意食既野，老公都鍾意食~ 只係少部份我鍾意食既野佢唔食，但我一樣會照煮比自己食架!
其實我身體狀況好健康! 不過我好鍾意油膩 + 高膽固醇既食物.......只係唔想自己繼續習慣放縱自己，我先想減少膽固醇食物啫! 等食到有事先改就太遲嘞!! (睬~)
可能係個隻雲吞皮 之前入口 處理得唔好熔過雪咁樣 又再雪返 所以攪到又濕又爛? 我間唔中都鐘意包下雲吞 轉下口味 唔錯呢~ 唔怕熱氣既話 我有時會炸 再點沙律醬食
回覆刪除[版主回覆09/16/2010 19:35:00]唉~ 我話知佢點解又濕又爛! 我淨係知依隻皮唔好用又唔好食!!! 完全唔掂!!!!!
係喎~ 下次炸雲吞都好喎! 我都要試吓先~~~~
係囉...我老公係接受唔到陣味,妳地就可以食,我果樽可能要報銷嘞
回覆刪除btw...我今日收到妳既包裹嘞,好多野呀!!樣樣我都咁鐘意...多謝哂呀
[版主回覆09/16/2010 19:33:00]妳用來煮lunch 比自己食得唔得呀? 一係分開煮一份比自己食??
唔洗客氣~ 妳收到就好嘞! 而家仲爭阿四未收到......果隻hand cream 好好用架~ 果兩個金色蝴蝶 + 珠珠札頭髮野我覺得好靚，我自己都買咗架!
我一打開OK汁覺得咁靚既??OK汁都有蝴蝶結,再睇下原來妳係(cool)喺樽身,再拆埋hand cream又見到珠珠,又野食又扮靚,好開心...
回覆刪除咁咪又twins妝扮囉
[版主回覆09/16/2010 20:21:00]希望d野妳啱食啱用啦!
哈哈~~~~ 我係咪好有天份做包裝呢? 因為零零丁丁有2個札頭髮橡皮筋，唔知點擺好，我咪札住個樽頸囉~
妳一個人可以食到幾多隻菜肉雲吞?
回覆刪除[版主回覆09/17/2010 17:34:00]最高紀錄一次過食20隻! 平時一般12至15隻左右啦~
雲吞同餃子有咩分別 << 我個人覺得雲吞 = 薄、輕巧既皮包住蝦、豬肉，只可以灼；餃子 = 厚、煙韌既皮包住黑木耳絲、荀絲同蝦，可以灼同煎。
回覆刪除我好中意食雲吞或餃子，但一個人好難預份量，我試過一買至少要買四兩皮，又唔放得耐，所以整過一次就無再整啦。
[版主回覆09/17/2010 17:33:00]頭先上網睇吓有無關於雲吞 + 餃子分別既資料，但網上資料都唔係講得好清楚，最大唔同只係餃子係北方食物，而雲吞係廣東食物.......
香港無急凍一pack pack 既雲吞皮賣咩? 新鮮既要買四兩，得一個人食又真係好唔方便~
似乎用開嗰隻好既就唔好轉算啦，好似上次支豉油咁
回覆刪除[版主回覆09/17/2010 17:17:00]我都係咁話! 以後都買返福仔!!!!!!!
講起上次果枝死人豉油 - 仲有大半枝!! 我每次炆野已經倒好鬼多去炆，但個死人豉油樽好似聚寶瓶咁倒極都仲有!!
um.... 雲吞同餃子既分別會唔會係個皮呢？ 餃子皮係用麵粉做 雲吞皮係用我地平時食簡水麵個D皮黎做架 您講起餃子我又好掛住以前同屋好鍾意自己搓皮架。。。。真係會好食D。。 佢地擀中間個皮厚D， 周邊就薄D，咁樣合上黎， 個餃子食起上黎就唔會成舊粉糰咁。其實個時佢地都有教過我同我BF點樣擀個皮， 我白痴學極都唔識， 我BF就無佢地咁擀得咁好 同埋用手擀既皮有彈性， 包個時都唔會咁易爛！ 以前我食餃子鍾意食煎， 但依家就鍾意食水煮 （無湯） ＋ 醋
回覆刪除[版主回覆09/19/2010 18:58:00]只係皮既分別咁簡單? 網上搵到既資料只係講雲吞係廣東食品，而餃子係北方食品 - that's it!
我無試過自己搓皮呀! 所以我都唔知有咩分別? 而且我一向只包過雲吞，今次先第一次包餃子.....
我都好想包餃子食呀﹐不過呢排成日出街冇心機包~
回覆刪除[版主回覆09/27/2010 02:50:00]妳包餃子包得好靚~
我今次包得唔盡興! 依隻死人皮好差好差!!!!!