2010年9月1日星期三

再再再來自香港既禮物 (2010年8月31日)

尋日又收到blog 友Mami 阿四從香港寄比我既"救援物資"!Smiling-Small.gif image by veronica_tsim


 阿四幫我寄來今期有關康泰馬尼拉事件報導既壹週刊~

壹週刊其實我依邊都有得賣,每期承惠£6!  貴都唔係問題,反正都預咗...... 

最弊係每次一有大新聞發生,壹週、東週 + 明周 - 依3本最暢銷既雜誌都會晨咁早賣哂!!  而且雜誌附加既新聞特刊一向都係會一律抽起哂!

果然 - 星期六去到中式超市,雜誌貨架乜週都無空空如也!!

今次真係唔該哂妳嘞阿四~

 非常可愛既袖珍黏土潮州魚蛋米memo夾/相夾~


 幾鬼似呀!

見到依個袖珍黏土模型,又令我手痕即時想開工整返幾個!

究竟我幾時先有時間開工呢????


 依個黏土模型係由Salvation Army 旗下慈善機構既殘疾人仕親手製作,收到依份咁可愛又可以令慈善機構受惠既禮物,我覺得好有意義啊!




 粉紅麥麥2010南非世界杯版可樂杯1隻~

不過個杯依然好似原本港版既經典弧形喎......


 將世界杯版放喺我舊年儲齊一套既英版罐形 (網誌~),世界杯版鶴立雞群! 映得英版罐形好嬌小! 哈哈~~~~




 依把造型奇特且有少少搞笑既叉似乎幾好玩!


 好彩包裝紙盒上有圖示......如果唔係我都唔知點用!! 哈哈~~~~

下次先示範比大家睇吓點用!




 靚靚碎花環保袋1個~




 四洲脆脆蝦餅~

依隻又係我既童年回憶! 我初來英時,依度既中式超市都有得賣,我成日都會買來懷念吓~ 後來唔知點解佢地唔再入貨?   所以我已經好耐無食過嘞........




 大咋李錦記方便醬料~




 阿四話依隻叫做"香辣道"既日清碗麵係新出既~

頭先食咗右面果個四川麻辣牛肉味,好鬼正!  食完麵後"嗝"氣時仍然好鬼香麻辣牛肉味!   




 韓國煙蠔2盒~ 我好鍾意食罐頭煙蠔架!  

唔知韓國既蠔係咪好出名既呢?  因為依邊中式超市買到既急凍蠔 (即我用來整炸蠔或煮蠔仔粥果d!) + 急凍蠔豉,全部都係由韓國入口~ 原來佢地仲有罐頭煙蠔!

Shirley~_2287.gif image by veronica_tsim 真係好多謝妳大堆救援物資啊!!!!

(係都要講多謝! 吹咩~~~~ )




26 則留言:

  1. 收到禮物包好開心呀 !!!!!  個黏土魚旦粉像真度好高呀 ^^
    [版主回覆09/01/2010 22:31:00]係呀~ 好多謝扑友既心意!  但我遲遲未回禮,爭落好多人情債......
     
    樹脂黏土做出來既袖珍食物像真度係好高架!
     
     

    回覆刪除
  2. 潮州魚蛋米真係好似,我最鍾意食細粒炸魚蛋架~~
    [版主回覆09/01/2010 22:29:00]潮州魚蛋粉我鍾意食一種好似"賓"辮咁既扭花白魚蛋! 不過好似越來越少地方有得食咯~
     
     

    回覆刪除
  3. 脆脆無碎到 ?
    [版主回覆09/01/2010 22:27:00]無呀! 阿四包咗好多bubble wrap 嘛!
     
     

    回覆刪除
  4. V,唔好客氣啦,妳真係講咗好多次唔該/多謝啦  個黏土魚蛋米我都覺得好似呀,而且仲要係殘疾人仕製作,我相信佢地比其他人要出多幾倍努力,先有咁既成果,真係好難得  個唔知叫叉定夾,我覺得好好用,希望都啱妳用啦,不過我唔係用黎拮薯仔,我係用黎拮住熱死辣辣既豬頸肉或者煎魚缾,用刀切完片,一推就出黎,幾方便架,唔知妳整燒牛肉用唔用得著呢  妳朝早就食辣麵做早餐? 咁剌激    我覺得依兩隻味都好好味,韓式我覺得麻麻地~
    [版主回覆09/02/2010 01:29:00]果個黏土魚蛋粉手工真係好精美!
     
    尋晚我老公話果個"怪叉"似整蠱人既玩具多d!  佢話叉完禁個車厘茄會唔會飛咗去架?  等我下次燒牛肉時試吓先~
     
    係呀~ 我今朝一起身就整咗個辣麵食嘞! 四川依隻好香好好味~
     
     

    回覆刪除
  5. 你既救援物資都要有番咁上下先夠你捱一段日子WO~~呢度夠唔夠呀~
    不過估唔到原來平時我地睇開D雜誌,係你地果度係咁難買+咁貴!!
    都唔緊要~有咩新消息我地都會同你報告架啦~放心!^_^
     
     
     
    [版主回覆09/02/2010 01:32:00]八卦雜誌平時唔難買,只係有大新聞發生時先會難買! 不過貴就係真既,因為要搭飛機來要運費嘛~
     
     

    回覆刪除
  6. 黏土潮州魚蛋米memo夾...好似呀...等我打電話問下係邊度有得買 ^^
    靚靚碎花環保袋 << 呢個我都有.... 但排緊隊未用到佢住...keke
    [版主回覆09/02/2010 03:24:00]我幫妳問吓阿四個夾喺邊度買吖~
     
    我都有好多環保袋! 不過大部份都好大,依個摺埋夠細放喺手袋啱啱好!
     
     

    回覆刪除
  7. 比HK$588年費就可上網睇壹週&忽週......
    加幾本唔知乜週刊.........
    [版主回覆09/03/2010 18:21:00]Thanks for your information~
     
    不過我而家都好少睇八卦雜誌,只係有大事發生時先想睇吓深入報導既新聞~
     
     

    回覆刪除
  8. 《Ka MaN 日記》2010年9月1日 下午4:41

    個 袖珍黏土潮州魚蛋米夾好得意吖.... 你收到咁多‘救援物資’一定好開心啦.... 我可能長住外國啦... 次次收到朋友寄比我嘅嘢(無論咩都好)都會好窩心... 不過我無你咁好彩啦... 因為我住向一個咩都唔可以入境嘅國家..!!!
    [版主回覆09/03/2010 18:26:00]我次次收到救援物資都好感動好開心架! 因為除咗係朋友 + 屋企人既心意,而且好多野依度無得賣~ (V媽媽每年都會寄幾大箱野比我架! )
     
    英國唔係乜都可以入境,只係無澳洲check 得咁嚴! 其實我 覺得澳洲真係嚴得好荒謬! 我甚至懷疑佢地係特登整到條例咁白痴,特登想旅客賴野承機罰旅客一筆!!
     
     

    回覆刪除
  9. 我想問吓乜食物俾入口嘅咩?? 如果係我又叫人寄啲俾我先得 ^^
    [版主回覆09/03/2010 18:20:00]你可以去依個網站睇睇吖: http://foodimports.direct.gov.uk/index.html  
     
     

    回覆刪除
  10. Gaileは林家歐巴桑2010年9月1日 下午5:15

    阿四果然快手喎...我最近好懶,話寄野俾妳地都仲未pack
     
    個黏土魚蛋米好得意呀,妳幾時動工呀??
     
    個粉紅世界杯我都有一隻,就係得一隻咁大把 係嘞,隻香茅醬就係阿四寄比我果隻,同妳上次既唔同,不過我覺得好好味
    [版主回覆09/03/2010 18:16:00]慚愧~~~~ 其實我已經pack 好哂所有野,但Mr.T 未有時間去郵局.....
     
    我都好想開工呀! 又想整黏土又想刻印仔~ 但硬係日日都好多野做!!!   都唔知幾時先有時間.......
     
    係呀~ 我都認得隻醬! 上次果隻香茅醬我仲有一包剩低,等我試吓依隻同果隻係咪一樣味先~
     
     

    回覆刪除
  11. 四洲脆脆蝦餅 is my favour  always have stock in my home 
    [版主回覆09/03/2010 18:13:00]i wont say it's my favourite~ but i like it very much!
     
     

    回覆刪除
  12. 發達囉.......
    [版主回覆09/03/2010 18:02:00]d救援物資我自用果喎! 我無唸住攞去賣~
     
     

    回覆刪除
  13. 香辣道既冬蔭公都OK…但最好食都係MAMA牌既冬蔭公味~酸辣香都啱啱好~
    [版主回覆09/03/2010 18:02:00]個冬蔭香辣道我仲未食~
     
    不過之前買果兩包MaMa冬蔭麵就食咗,但我個人覺得麻麻地,麵質感覺好cheap 又唔彈牙.......個人覺得冬蔭出前一丁正好多!
     
     

    回覆刪除
  14. 濃情朱古力碰上士多啤梨2010年9月2日 上午6:04

    脆脆餅我都好耐冇食啦...
    [版主回覆09/03/2010 17:59:00]快d買返包食啦! 香港周圍都有得賣~~~
     
     

    回覆刪除
  15. 見到您有禮物收我都好開心呀~  好得意呀個碗魚旦粉~ 做得真係好似呀! 噢! 我都好掛住HK既魚旦粉加辣椒油 個個香辣道好似好好味咁喎
    [版主回覆09/03/2010 17:59:00]我好掛住長洲偉記魚蛋粉 + 辣椒油~~~~  返去一定要食到夠為止!!!!
     
     

    回覆刪除
  16. 我呢邊係冇香港雜誌賣既~ 不過有越南同泰國果的(鬼睇咩)~
    [版主回覆09/03/2010 17:57:00]唔怪之妳分唔開潘瑋柏 + 周柏豪啦!
     
    妹妹妹妳學埋越南文 + 泰文咪可以睇佢地d八卦雜誌囉!
     
     

    回覆刪除
  17. 我反而鍾意英版可口可樂杯喎,哈哈
    另,你可唔可以add我做blog友呀?我唔想打驗証碼呀
    [版主回覆09/03/2010 17:56:00]好多網友都鍾意英版,佢地覺得罐型cute d~ 而家英國都正換緊可樂杯,不過今次唔係罐型! (唔知係乜? )
     
    我add 咗妳嘞! thanks~ (好奇怪~ 我明明清楚記得好耐之前add 咗妳果喎..... )
     
     

    回覆刪除
  18. 唸起第一次寄 "救援物資"! 俾加拿大讀書o既 朋友仔....... 其實寄件人心情同樣興奮ga.
    [版主回覆09/03/2010 17:54:00]其實加拿大不知幾好呀! 大大條唐人街乜都有得賣!! 物價又平,唔似歐洲依邊野又貴選擇又少......
     
     

    回覆刪除
  19. 救援物資 比你笑c我啦  不過收到禮物 真係好開心呢~
    [版主回覆09/03/2010 20:55:00]咁依d野英國無得賣架嘛!  
     
    開心唔係因為有禮物收~ 而係因為網友既心意!
     
     

    回覆刪除
  20. 我唔制呀﹐我想學韓文~ 越南同泰國人好多都識廣東話啦~ 雖然我係香港好OUT﹐不過係外國我唔算太OUT既~
    [版主回覆09/04/2010 02:09:00]韓文粗聲粗氣唔好聽~ 唔鍾意!
     
    不過我唸就算真係想學越南文 + 泰文都會好難! 佢地d字成條蟲咁,而且發音我覺得好難!
     
     

    回覆刪除
  21. 蝦餅真係好耐無食, 又無見過有得賣, 兒時常食!
    [版主回覆09/04/2010 17:27:00]我初來Glasgow 時係有依隻蝦餅賣架! 唔知點解後來無鬼咗???
     
     

    回覆刪除
  22. 你就開心啦...咁多禮物收....有排你慢慢玩...
    [版主回覆09/05/2010 18:48:00]無野玩呀! 有野食之嘛~
     
     

    回覆刪除
  23. 真係好靚呀
    [版主回覆09/08/2010 18:34:00]係呀~ 像真度好高呢!
     
     

    回覆刪除
  24. WA...阿四果然厲害...
    [版主回覆09/08/2010 18:34:00]阿四pack 野(唔係啪野喎! ) + 寄野都快手唔手軟!!
     
     

    回覆刪除
  25. Oh at first I thot the fish ball is one of your dishes. So real!
    [版主回覆09/09/2010 17:00:00]yes, those miniatures are made of resin clay, they all look so real!
     
     

    回覆刪除
  26. KwokMan kuen eunice2011年3月30日 上午7:44

    我覺得香辣道呢隻杯面真係好正...我試左冬陰公味
    吾係幾食得辣都成碗湯飲哂
    [版主回覆03/31/2011 02:13:00]
    冬蔭味好正~ 不過我更鍾意四川麻辣牛肉味!  我都會飲埋d湯呢,不過之後會好口渴.......
     
    之後Mami 阿四又寄咗2大pack 一樣口味既即食麵比我: http://hk.myblog.yahoo.com/veronicams_tsim/article?mid=61286  
     
    我覺得即食麵版比杯麵版仲加好食呀!
     
     

    回覆刪除

Related Posts Plugin for WordPress, Blogger...