同舊年一樣 - "哎吔紀念"我地並無特別慶祝，留返"正印"結婚紀念先慶嘛~ 不過我地出街食咗餐飯!
原本想星期六去Hilton 食自助餐，不過星期六果日去完街返來有少少唔舒服，最後連飯都無食到
; 第二日又無咩胃口，於是改食墨西哥菜! 我之前非常抗拒墨西哥菜!
同老公一齊咁多年來，佢一直都有提議去食墨西哥野，但我次次都話唔好!
因為我曾經同一個ex 食過一餐超級難食既墨西哥菜
，從此我就對墨西哥菜留下一個非常差既印象!! 反正尋日自己都無咩胃口，加上老公依排又想食辣想到發癲......
睇佢地餐牌食物種類、口味都好多選擇~
裡面有雞翼, nachos, chilli con carne quesadilla + chile rellenos!
2人份既頭盆咁緊係有2隻炸辣椒架啦 - 不過我果隻辣到飛起
; 但老公果隻竟然一d都唔辣! 本來我無咩胃口，但食完個頭盆後，好味到開返個胃喎!
少少辣既菠菜忌廉汁煮雞肉，個汁真係好味到呢~~~~~~~~~ 撈飯真係一流! 我成碟食哂!!!
個紅色飯只係蕃茄，完全唔辣既!
用來送飯真係無得頂!! (不過鹹咗少少，所以一定要送飯!!!
)
尋日仲食緊飯時，我已經同老公講: 不如下次再去試另一間墨西哥菜咯?
同時我又唸 -
哇~ 咁我以前同個ex 食果餐真係頂級難食喎......>>>>>>>>>>>>>>>>>>>>>>>>>>>>>>>>>>>>>>>>>>>>>>
我們的哎吔婚禮點滴......
我結婚之前，係完全唔知道原來男人結婚前都要"上頭"!
睇返舊照，發現老公一眾戥穿石都低能到令人滴汗......
一副"逗"打咁既款......
而我老公呢......雖然唔見老公全樣只見側面，不過齋睇依張相令我覺得 - 老公及住我d嫁妝笑到一臉猙獰既貪婪樣!
各位留9唔搭8回應 + 淫褻 spam或賣廣告既厚面皮人渣垃圾佬 + 垃圾婆,
回覆刪除想話比你地知 - 無論你地一日入來留幾多次垃圾，本小姐一見到都會全數剷清!
YEAH~~~~~~NO. 1!!!!!!!!!!!!!!!!!!!!
回覆刪除墨西哥菜我未食過呀,不過見到你果D我就知道好好食,我今日喉嚨好痛,見到你D相當自己食左啦,哈哈!!
[版主回覆08/03/2010 19:16:00]香港都有好多墨西哥菜餐廳，等妳好返時去試吓吖!
我媽咪又係好易喊既人... 真係睇電視劇都喊到死個D... 我"吩咐"左佢係我結婚個日唔好喊到豬頭咁.... 因為我係嫁左姐唔係死左HAHAHA! 咁佢個日又咬唎, 又"MEET"大脾咁忍眼淚! 最終都好成功無成日喊, 係喊左少少姐! 你地既groomsmen都幾傳統喎, 全部都著哂蘇格蘭裙wor!
回覆刪除[版主回覆08/03/2010 19:13:00]我香港 + 英國2個婚禮，V媽媽都喊足2個! 仲要係由朝喊到晚果隻，真係攞命.....
而家多咗中國人結婚時著kilt，以前多數只有洋人先會著!
我個母親大人咪一樣喊到豬頭咁!
回覆刪除仲攪到我都喊埋一份，連個妝都化哂啦!
[版主回覆08/03/2010 18:38:00]我地有香港 + 英國2個婚禮，2個婚禮相隔2個幾月，但V媽媽喊足2個婚禮，仲係喊足全日果種喎!!
我都係呀 - 見到佢喊搞到我又喊埋一份......
近睇妳個"哎呀"婚禮真係...妳個頭好古裝feel 都係香港既正常同靚好多
回覆刪除不過見到V媽媽喊到咁,妳仲好意思話佢既,自己個女嫁到咁遠,又驚妳俾老公蝦都唔可以即刻返屋企...不過好彩妳冇嫁錯人,睇黎V媽媽而家唔會喊架嘞
[版主回覆08/03/2010 18:36:00]知嘞~ 知嘞~ 係咪年年我post 親哎吔婚禮d相都要解釋點解我個頭咁呢? 都話咗果日酒店樓下河邊勁大風，一去到河邊比風扯個頭紗，個頭散咗咯! 姐妹們求其幫我夾返好咋.....
我2個婚禮V媽媽都喊足2個婚禮，咁佢喊我又喊埋一份! 不過妳錯嘞 - V媽媽從來都唔驚我比老公蝦，佢驚我蝦我老公咋!
隻chile rellenos - 炸辣椒好似炸老鼠仔~好恐怖.........
回覆刪除[版主回覆08/03/2010 18:30:00]咦~ 你唔講我又覺喎，一講咗我都覺得幾似!
Wow, 你同老公都好食得辣呀!
回覆刪除你d伴郎伴娘相好攪笑
[版主回覆08/03/2010 18:27:00]依餐其實根本無咩辣 (除咗我隻炸辣椒之外!)，可能蘇格蘭d人唔係好食得辣，所以餐廳都迎合咗依度人口味~
我地班伴郎伴娘全部都係玩得之人來嘛~
墨西哥菜好特別呀 !!!!
回覆刪除你老公好搞笑 要著女裝睡衣 哈哈 仲要係紅噹噹辨喜事 ^^
k
[版主回覆08/03/2010 18:25:00]墨西哥菜特別又講唔上，不過幾好食 + 醒胃就真!
我老公著果套唔係女裝睡依來果喎，只不過係一套超老土男裝睡衣之嘛! (我老公咁大隻，邊有女裝啱佢著呀?) 辦喜事唔係著紅噹噹唔通著黑忟忟呀?
我都未食過墨西哥菜WO@@睇下HK邊度有得食先!!
回覆刪除哈~第一次睇你地結婚相,好搞鬼呀!
[版主回覆08/03/2010 18:22:00]香港有好多墨西哥餐廳啊! 不過邊間好食邊間唔好食我就唔知..... http://www.openrice.com/restaurant/sr1.htm?cuisine_id=4002®ion=0&s=1
其實我之前都post 過好多結婚相架嘞! 可能妳無留意啦~ http://hk.myblog.yahoo.com/veronicams_tsim/index?l=f&id=174
7月依個係我地英國既婚禮; 正式註冊既婚禮係10月~
哈哈哈~~ 睇到你D相, 就諗返起我結婚果陣~~ 真係估佢唔到, 估唔到喊果個唔係我媽咪, 而係我老豆呀!!! 老豆流眼淚, 真係一世人冇幾可見到! 我見到都差D忍唔住喊埋一份(雖然唔知喊咩!) 我仲要只不過係由天水圍嫁到元朗, 我老豆都咁感觸, 好彩我唔係嫁到香港島, 唔係果日唔知出唔出到門口~ 我上頭果件睡衣, 係全粉紅色, 好正常丫, 我老公果件, 係全紅色架!! 仲誇過我! 仲要佢地條村既習俗, 係要半夜3點開始拜神, 唔單止係屋企拜, 仲要去勻成條村咁拜, 然後直踩冇休息去接新娘, 返黎拜神, 然後食LUNCH, 之後回門, 然後就已經夠鐘出發去酒樓, 我計過, 果日老公係基本上係由結婚前一日既朝早返工開始冇訓到, 直到擺完酒, 被人扶返屋企張床先有得休息! 即係至少36小時冇訓過! 勁呀, 比我應該中途已經唔理咩地方, 訓左先算!
回覆刪除[版主回覆08/03/2010 18:18:00]咦~ 原來真係個個男人都要上頭架! 我真係大鄉里......
哇~ 咁妳又係的確嫁得好鬼近喎!!!
喊唔係唔比佢喊.....不過我2個婚禮佢都喊足2個婚禮! 仲要係喊足全日果隻!! V媽媽幾乎全部相都係眼腫既.... 香港個婚禮仲唔止V媽媽喊，我阿姨、我有位姐妹又喊......咁佢地喊又搞到我喊埋一份， 直頭一個喊包婚禮一樣!
我記得我果套睡衣都係粉紅色架! 係Hello Kitty~ 不過我係10月喺香港正式註冊時先上頭架，老公就依個哎吔婚禮前上頭既~
你們很幸福！
回覆刪除[版主回覆08/03/2010 18:10:00]
多謝女王!
I LOVEEEE 墨西哥餐!! 很開心可以分享到您「 哎吔婚禮」的相!
回覆刪除[版主回覆08/03/2010 18:10:00]我之前可以話好憎墨西哥餐! 我唸我真係唔好彩，第一次同ex 食時果餐咁鬼難食.....我而家已經愛上咗墨西哥餐嘞!
ha..你地結婚既相..加埋你打既字好搞笑
回覆刪除[版主回覆08/03/2010 18:08:00]哈哈~~~~ 咁當時情況的確係咁嘛!
我都諗返起我結婚嗰陣時, 好似發夢咁都唔知發生乜事.
回覆刪除[版主回覆08/03/2010 18:07:00]我反而2個婚禮都記得幾清楚~ 因為情況混亂忙足全日 - 從未試過咁辛苦!!!
I don't like Mexican food too, because I haven't found a very very good restaurant.
回覆刪除Happy 4th Anniversary.
[版主回覆08/03/2010 20:17:00]i didnt like mexican since it was really bad when the 1st time i tried it! but the one i tried this time was really good.
Thanks YanYan~ but it's not our real anniversary yet!
正印 - When is it?
回覆刪除[版主回覆08/03/2010 20:23:00]11 October~
My wedding banquet is on Oct 17, but my registeration is on Sept 9.
回覆刪除[版主回覆08/03/2010 21:06:00]Wow~ we've got very close Anniversary dates!
i had 2 weddings - Glasgow banquet on 31 July, then the registeration and banquet again in HK on 11 Oct!
gues what? 9 Sep is our 拍拖 anniversary! (1999) we still celebrate every year~
wow...you pick a special date to 拍拖.
回覆刪除hehe...my 拍拖anniversary is Feb 14. but for me, i always complain why my 拍拖 and V's day are the same date.
[版主回覆08/04/2010 00:18:00]haha~~~~ we didnt "pick" the date to 拍拖~ it just happened on that day!
妳都好多金飾喎
回覆刪除[版主回覆08/04/2010 00:16:00]唔多呀~ 依度係我出門時部份嫁妝之嘛! d相係 我地斟完茶之後除返哂d金器出來喺酒店樓下河邊影相~
之後去到酒樓 + 10月返香港註冊時，都仲有好多長輩送金器比我架!
v媽得一個女,重嫁到咁鬼遠,梗係喊到眼腫.
回覆刪除[版主回覆08/04/2010 16:14:00]其實我都明白既......不過佢實在喊得太誇張嘞!
攪笑新郎＋新娘，再加一班攪鬼兄弟團姐妹團
回覆刪除[版主回覆08/05/2010 20:03:00]結婚當日辛苦到咩咁! 唔搞吓笑真係頂唔順~~~~
我都係呀﹗不過到依加我都係頂唔順墨西哥菜架﹗ 不過NACHOS就食~ 嘩﹗呢間野的份量大到呢~ 我連上頭都未聽過架~ 哎﹐你媽咪喊完又要補妝~
回覆刪除[版主回覆08/05/2010 20:03:00]我今次反而愛上咗墨西哥菜! 好愛~ 好愛~~~
上頭係中國人婚禮前一晚進行既儀式~ 女方由一位父母配偶都健在，有仔又有女既所謂"好命婆"主持儀式~ 我由V媽媽既best friend 幫我上頭，佢攞住把梳梳我個頭三次，一路梳一路講咩: 一梳梳到尾，二梳白髮齊眉，三梳兒孫滿地~ 跟住要食一碗湯圓~ 大概係咁啦!
唔知V媽媽當時喊完有無補妝呀? 不過就算有佢都係補完又喊過.....補來做乜鬼?