Hunter Wellies (2010年8月8日)

一日最衰都係周星馳啦!

如果唔係周星馳，我都唔會無啦啦買咗對水鞋......

舊年依對英國皇室御用五顏六色水靴Hunter 開始大熱，英國幾乎個個名人明星名模都有1對!

當時我已開始留意，仲試過上腳心思思.....不過老公一句"好核突"(指對水靴!!) 即時淋熄咗我想買既慾望~

今年依對好鬼笨重既水靴依然大熱!

早幾日網上睇八卦新聞，周星馳同于文鳳分手......

 見到于文鳳著住對黑色Hunter，而且襯得幾好睇喎，令我又再心郁郁!!

 上網再見Juno 嫂Janine 示範Hunter 著法，著得好鬼靚呀~~~~~

就係因為咁我失守嘞!!

有感今年大熱既碎花款比較難襯衫，都係淨色穩陣好多;
五顏六色一向亦非我所喜， 百搭黑色低調得來唔洗唸最易配襯;

 我想低調，但又想搶眼...好矛盾! 所以選擇咗低調又搶眼既黑色令面!

 英國成鬼日落雨，冬天又落雪，著水靴啱哂啦!
依對水靴喺英國四季佳宜，就算第日唔再潮都仲可以繼續著!!