2010年8月9日星期一

Far East 抬頭了! (2010年8月7日)

由我第一日踏足蘇格蘭至今已有十幾年,我一直不停喺度呻 - 英國無啖好食!Sigh-small.gif image by veronica_tsim

初來報到曾經喺Asda 見過有出前一丁麻油味出售,不過價錢驚人!  咁鬼貴搞到我咁恨食都唔捨得買,更莫講話洋人啦
_1284.gif image by veronica_tsim
......後來出前一丁當然喺Asda 消聲匿跡!

好彩當時Glasgow 都已經有幾間中型小型中式超市,雖然貨品選擇超少供應又唔穩定,但總好過乜都無,點都叫做有途徑可以買到香港食品一解鄉愁!

時至今日Glasgow 開咗間好鬼大既中式超市泗和行,貨品種類多咗好多! 競爭下連帶其他早已存在既中式超市入貨都比以前多元化! 除咗香港 + 中國食品,日本、韓國、台灣、泰國、新加坡、馬來西亞、越南......,雖然同香港相比仍然係差好多皮,但選擇越來越多,比我初來英時改善咗好多好多!

 依個唔係中式超市既貨架;

 依咋即食麵亦都唔係中式超市買既!



早幾年前所有比較大間既Tesco (英國主要大超市之一) - Tesco Extra 24 hrs 都開設咗World Food Section! 不過所謂"world food",大部份都係來自印度、波蘭、西班牙 + 其他歐洲各國生產既食品......
_1282.gif image by veronica_tsim


後來有朋友話我知 - Tesco Extra World Food Section 有卡樂B蝦條賣!

不過我屋企附近果間Tesco Extra 24 hrs 無喎!  朋友再告知原來係另一間Tesco Extra 分店買既! 咁即係話 - 唔係間間Tesco 既World Food Section 買既貨都一樣!



我屋企附近既Tesco Extra,除咗調味料section 有李X記蠔油 + 雙璜生抽之外,World Food Section 賣既一律係印度 + 歐洲各國生產既食品~

早幾日老公放工時,無意中發現離我地屋企遠些少既另一間Tesco Extra 分店,World Food Section 比我地平時去開果間大好多好多!!
_542.gif image by veronica_tsim


而且仲有好多我從來無唸過會有既亞洲食品......


 傳說中既卡樂B蝦條出現咗嘞!

另外中有大白兔奶糖 + 嘉頓威化餅喎~




 無唸過會喺洋人超市見到香港品牌"超力"!


 更加無唸過竟然會有"良友牌羅漢齋"!! (洋人會買羅漢齋來食咩!!?!??? )

隔離仲有泰國入口既樽裝辣油香筍~




 左上唔知邊度出既豆奶; 中國出品既樽裝檸茶、綠茶 + 茉莉花茶包~


 樂天熊仔餅


 各種口味既媽媽麵~


 日式咖喱磚


 連泰國是拉差辣椒醬都有得賣!!



講種類當然仍然比唔上中式超市選擇多! 不過Tesco World Food Section 從東南亞各地入口各種食品,最起碼洋人超市唔再只售由洋人公司"扮哂正宗口味"咁製造出來亞洲食品,令我地一眾身在外國既亞洲人,更容易 + 更方便食到家鄉正宗口味!

亞洲食品正正式式打入洋人市場,絕對係一個非常好既開始!

29_3_16.gif image by veronica_tsim


洋人超市賣亞洲食品,貴少少係預咗架嘞! 不過唔洗下下要去中式超市,真係非正方便咗好多!!

但係卡樂B蝦條......Tesco 竟然賣得平過中式超市喎!!!
Shocked-Small.gif image by veronica_tsim

21 則留言:

  1. 成日都好鬼happy 既Mrs.T2010年8月9日 上午5:20

    各位留9唔搭8回應 + 淫褻 spam或賣廣告既厚面皮人渣垃圾佬 + 垃圾婆,
     
    想話比你地知 - 無論你地一日入來留幾多次垃圾,本小姐一見到都會全數剷清!  
     

    回覆刪除
  2. 隻mama 冬蔭公麵好好味架, 你地鐘意辣既應該試下 !
    [版主回覆08/09/2010 21:31:00]咁就好嘞! 因為其實我未食過媽媽麵架.......
     
     

    回覆刪除
  3. 唔知邊度出既豆奶 <<<  好似係泰國出品, 我響泰國見間間超市都有架
    [版主回覆08/09/2010 21:30:00]係呀? 因為佢地放得太高,我又無咩興趣,所以我無攞落來睇~  thanks 亞兔!
     
     

    回覆刪除
  4. 正喎,見到呢D食品有無想即時食曬佢地既感覺呀?哈
    [版主回覆08/09/2010 22:49:00]緊係無啦! 依咋食品喺中式超市全部都有得賣啦,我個個星期都去中式超市見慣哂啦!
     
    不過第一次見咁多東南亞野喺洋人超市出現之嘛!
     
     

    回覆刪除
  5. 如果香港都有Tesco都唔錯喎
    [版主回覆08/09/2010 22:47:00]係囉~ 唔知點解韓國 + 泰國都有Tesco,但香港就只得一咋貴價高檔西式超市? 照計香港應該有市場架!!!
     
     

    回覆刪除
  6. Gaileは林家歐巴桑2010年8月9日 上午7:25

    佢地應該唔會時有時冇架下話?咁樣對妳黎講真係方便好多喎
    個人都幾鐘意食大白兔牛奶糖,但係台灣冇得賣,只有日本既牛奶妹...
     
    [版主回覆08/09/2010 22:45:00]應該唔會啩? 據我所知卡樂B蝦條已經有咗幾年! 只係最近我屋企果間無......
     
    妳要唔要大白兔呀? 係喎~ 我幫妳買咗枝OK 汁嘞! 不過台灣果邊入唔入得口架?? 上次阿四寄李錦記比妳,佢點報關? 大白兔得唔得?? (我未寄過野去台灣架!)
     
     

    回覆刪除
  7. 唔知邊度出既豆奶<----好好味嫁~~~ 隻MAMA麵都係~~~冬陰功味既最正, 麵質同福字E麵有得比呢
    [版主回覆08/09/2010 22:42:00]真係呀? 本來我無咩興趣,不過你話好好味,等我又買枝來試吓先!
     
    我未食過媽媽麵,而家都仲未試~ 不過今日試咗超力纖麥拉麵,好鬼鹹!!!!!!  又話係鮑魚雲腿味,但完全食唔出有鮑魚 + 雲腿既味~~~
     
     

    回覆刪除
  8. 我呢邊的超市仲未有蝦條賣呀~
    [版主回覆08/10/2010 06:27:00]咁妳果邊d亞超呢?
     
     

    回覆刪除
  9. 咁妳有冇大量入貨呀?  話事話, 我都唔係好記得清楚寄比Gaile嗰陣, 報關張紙我寫咩喎, 我諗早有可能係寫accessories, 因為件郵包細件呀嘛
    [版主回覆08/10/2010 06:22:00]緊係無啦! 洗鬼大量入貨咩 - 依咋野中式超市全部有得賣! 我個個星期都去中超入貨!!  不過第一次喺洋人超市見到有咁多依d野賣,覺得好得意之嘛~
     
    咁等我問問我既台灣朋友應該點寄先!
     
     

    回覆刪除
  10. Gaileは林家歐巴桑2010年8月9日 下午3:11

    上次阿四寄俾我冇寫到上面所以唔知佢點報,不過細細盒佢應該唔會check啩...我諗大白兔都係唔好寄嘞,等我返香港再買黎食,我唔知台灣海關俾唔俾寄!!
    哈哈...我琴晚去supermarket都買左兩碗當歸鴨麵諗住寄比妳試下,唔知妳果邊有冇呢?(好衰,好多即食麵都有一包包裝,係唯獨依隻當歸鴨淨係得碗裝,好鬼阻訂)
    我依邊烘焙網有好多花型模賣,妳要唔要呀,我入貨順便幫妳入埋
    [版主回覆08/10/2010 06:19:00]咁OK汁應該可以寄得? (玻璃樽) 台灣真係麻鬼煩....
     
    當歸鴨聽都未聽過! 更加未食過!!
     
    多謝嘞~ 烘培模英國依邊都有幾多選擇! 而且我10月都返香港咯,返到香港都大把選擇~ thanks anyway!
     
     

    回覆刪除
  11. 真係多佐好多嘢!  以前食過义燒飯都好貴.  食個出前一丁已經係寶.
     
    不過你那處有 "超力" , 真係好.
    [版主回覆08/10/2010 16:05:00]"超力" + 上面果咋野中式超市不嬲都有架啦! 只係最近Tesco Extra 都有入貨咁解~
     
    而家食叉燒飯一樣都係好貴,根本從來都無平過!
     
     

    回覆刪除
  12. 隻豆奶我呢邊仲有朱古力味~~都好好飲嫁~~~ 睇個架隻MAMA好似冇冬陰功味~~我記得係全包金色既(不過有機會個樣唔同) 仲有果包KIMCHI都唔差
    [版主回覆08/10/2010 16:01:00]朱古力就唔好咯,我個人一向唔鍾意太複雜既口味!
     
     依張相個盒雞乸咁大隻字印住"MAMA Tom Yum",你都話個架好似無冬蔭味.......真係無野好講~   
     
     

    回覆刪除
  13. 恭喜你呀! 好在我呢邊都有得賣.
    [版主回覆08/10/2010 20:28:00]妳好Gardener~ 妳住邊頭架?
     
    唔洗恭喜我~ 因為Glasgow 都有好多中式超市,上面果咋野全部一早都有得賣! 只係最近Tesco Extra 都買到部份!
     
     

    回覆刪除
  14.  左上個隻豆奶我飲過, 有一次我係公司附近嘅唐人超市買野時佢送咗支俾我飲 初入口覺得好甜, 但係飲落豆味好香, 覺得幾好飲, 但買成 98P 一支, 我就唔買 LU~~ 早排我係歲月神偷留咗言, 但係 yahoo 又發瘟, 唔見咗。。。
    [版主回覆08/11/2010 20:13:00]其實英國買咩入口貨都貴架啦!
     
    你下次留完言後要check check真係留到個回應嘛!
     
     

    回覆刪除
  15. 亞超有蝦條架﹐不過鬼超未有~
    [版主回覆08/11/2010 20:11:00]OIC~ 咁妳無選擇要去亞超買蝦條嘞!
     
     

    回覆刪除
  16. Almaly 卡樂B媽咪2010年8月10日 下午2:49

    你呢間TESCO D 貨好多呀!等我POST你呢個POST係FB同我D FRIENDS报下料先得!講開。。。最近ASDA既FRIDGE加左好多東歐野,竟然當中又賣買泰國蝦米同鱼仔乾!
     
     
    [版主回覆08/11/2010 20:10:00]唔係間間Tesco Extra 都有咁多貨架! 不過依間行得好鬼開心~
     
    我屋企附近果間24小時Asda 無見過泰國蝦米 + 魚乾仔喎! 等我得閒時去吓第二間Asda 睇吓先!
     
     

    回覆刪除
  17. 我住在 England 既 Hampshire 區, 不過去中式超市就較遠, 去 Tesco or Asda 就近D.
    [版主回覆08/11/2010 20:08:00]Hampshire 好南好近海喎!
     
    我住得近市區,好近屋企既Tesca Extra, Asda 都係24小時,去Glasgow 果幾間大型中式超市都好方便~
     
     

    回覆刪除
  18. 卡樂B蝦條 --> 我地呢度都係WALMART平過中式超市家! 我都係去WALMART入貨家
    [版主回覆08/11/2010 20:02:00]我地依邊既Asda (即係成日計錯錢果間! ) 先係under Walmart! 不過Asda 反而無入依類東南亞食品喎!
     
    唸極都唔明 - 點解洋人賣卡樂B會平過中式超市??  
     
     

    回覆刪除
  19. 咁你可以一解思鄉情懷 ... 媽媽麵幾好味咖 ....
    [版主回覆08/11/2010 20:00:00]
    一向都可以解到思鄉病架啦 - 都話咗依咋野中式超市不嬲都有得賣咯! 只係最近連洋人超市都入埋貨之嘛!!
     
     

    回覆刪除
  20. 您就好啦, 有咁多東南正既野買. 我住係Jersey就冇咁多啦.
    [版主回覆08/16/2010 01:15:00]
    咁妳果邊有無東南亞超市呀?
     
     

    回覆刪除
  21. 緊係無啦, 只有一間小店專賣東南亞既野(不過唔算多), 同埋CO-OP & CHECKER都有少少.
    [版主回覆08/16/2010 18:24:00]OIC~ 不過唔緊要啦! 而家好多大超市都會出一d東南亞口味既調味料 - 就算係洋人自製既都好過無啦~ 英國好多超市都進步緊架嘞~
     
    另外如果妳想買一d日本食品,可以去依個網訂購送貨上門: http://www.mountfuji.co.uk/index.htm  
     
    或者依度: http://www.japancentre.com/
     
    兩個網我都幫襯過,係好可靠既網站!
     
     

    回覆刪除

Related Posts Plugin for WordPress, Blogger...