打開我個手袋......

好多人都問過我一個問題: 點解妳大部份手袋都係大袋來既?
好簡單! 因為......

(1) 我鍾意大袋;

(2) 我覺得方便! 乜都隨手掟哂入袋唔洗執就行得;

(3) 因為我會帶好多野出街!

10個抽過我手袋既人，10個都一定會講句:乜妳個袋咁鬼重既!!

老公都同我講: HonHon~ 妳以前要返學就話啫~ 而家妳都唔洗返學，點解個袋仲係咁重既?

我都認我個手袋"算"係重既!  不過每一樣我帶出街既野都係有用果喎~ (最少對我來講係有用!! )
基本上我覺得我帶得出街既野都係好正常!


好似以下依3樣野，我相信每個人出街都一定會帶喺身上......

 銀包

 手機

 鎖匙包



大部份女人手袋裡面都會有既野......

 Hand Cream (依期用緊L'OCCITANE Shea Butter! )

 好鍾意依把可摺埋既Anna Sui 梳~

 摺埋咗係咁既!

 化妝袋
我個化妝袋裡面除咗有小鏡、Chanel 粉盒、Estee Lauder 小枝香水、Shiseido Maquillage 唇膏、潤唇膏、眼線筆, 指甲拑 + 札頭髮橡筋之外，同時仲充當埋"急救袋" - 藥水膠布、大排Panadal，仲有櫻花藥丸盒裡面有胃藥 + 止疴丸......

真係麻雀雖小，五臟俱全應有盡有架!



好多人都有，但唔一定會帶出街既野......

 Dior 烏蠅超 - 依度天氣陰晴不定~ 就算朝早明明落緊大雨，下晝又可能會出大太陽"殘"鬼死! 帶定副超穩陣d!!

 Fendi 手巾仔 - 支持環保既我一直有用手巾仔既習慣架!  不過只用來抹吓汗抹吓手抹吓咀.......

 至於呻鼻涕吐痰依類"大工程"，當然要由紙巾代勞!

 摺埋大約1包迷你紙巾咁細既環保袋~ 以備不時之需!

 記事簿

 依枝LV筆太鬼幼，所有用過既人包括我在內都覺得好鬼難用!  不過枝筆買咗又唔用既話好似好浪費，唯有帶埋佢出街......

 筆唔阻訂又唔重，唔爭在帶埋依枝新買既Swarovski! 依枝好好寫架~



以下依咋可能除咗我之外，無咩人會帶出街既野......

 傻瓜機2部

點解要帶2部相機出街呢?

上面果部Panasonic 影相靚好多又易用好多;

下面果部Casio 買咗2年幾用唔夠5次!  次次叉滿電又唔用擺喺度封塵，到個Panasonic 用到無哂電，想攞個Casio 來頂檔......不過個Casio 叉完電太耐無用過 - 一樣無哂電!

為減少Panasonic 既工作量負荷，所以帶埋部Casio 出街分擔吓~

 迷你望遠鏡 - 老公前年送既其中一份聖誕禮物!  (網誌~)

咪以為好無厘頭喎，個望遠鏡好有用架!

e.g. 有次我 + 老公去到一間關咗門既店，見到門口貼咗開舖時間，不過太遠睇唔清楚但又懶唔想落車睇......就咁坐喺車用個望遠鏡就睇到嘞! 哈哈~~~~

其實真正用途係去郊區時望遠既風景!

 碎銀包 + 專用來放店舖積分咭既包包~

舊年10月喺倫敦買右邊果個墨綠Marc Jacob 散紙包時，老公話: 我覺得妳唔會用，妳貪平先話要買!

哈哈~~~ 老公係無錯既，我的確係貪平先買，不過我終於唸到點用嘞!!

 今日開始用Marc Jacob 來放店舖積分咭 + coupon~

 而原本用來放積分咭既Wapity Case (網誌~)，就改咗用來放coppers~

老公每日放工都有大咋碎銀，當中好多都係1p, 2p，好少機會用......咁就等我去超市買餸時，用self checkout 比錢幫佢搞掂依大堆1p 2p 啦!

我個手袋放咁多野又點會唔重呢......