)
老公最近黐咗線!
當初我識老公時佢真係好誇張 - 少少辣都食唔到! 對我來講只"薄荷"咁既味 (即係完全唔辣果隻!)，但老公會"辣"到不停飲水; 同佢去食壽司時，佢係完全唔食wasabi 既......
不過因為我超嗜辣(咁佢唔食我都要食架!
)，我會煮一d有辣味既餸 - 當然會就返老公煮淡少少啦! 就係咁久而久之，老公接受辣既程度越來越大，佢而家即頭完全愛上咗辣! 
最近佢黐咗線 - 成日話想試全世界最辣既辣椒......Naga Jolokia! 又名Ghost Chilli, 印度鬼椒, 斷魂椒~ (聽個名都好鬼恐怖!!!
)新鮮鬼椒暫時仲未搵到......
根據Scoville Scale 印度鬼椒達超過100萬SHU
，已被健力士世界紀錄大全確認為世界上最辣既辣椒! (辣椒汁Tabasco 只有3萬至5萬SHU 架咋......
)P.S.
Scoville Scale - 史高維爾指標，係用作量度辣椒香料辛辣度既指標; 辣度單位為SHU (Scoville Heat Unit)~ 
不過除咗鬼椒之外，仲有18% Habanero Chilli - 墨西哥燈籠椒，約20 - 30萬SHU，同樣係被公認為世界上其中一種最辣既辣椒~
鬼椒加埋墨西哥燈籠椒......
似乎真係會辣死人喎!!!!等我唸吓煮d乜野食物去試依枝辣椒汁先~~~~
喺Dobbies 裡面既Canteen 點咗2件餅堂食......
尋日去TK Maxx 想買個防彈油網，但搵唔到啱心水......
自從唔見咗個Zyliss Y-peeler，雖然已買返個Le Creuset peeler，不過Le Creuset 始終唔夠Zyliss 好用!
最慘係而家又搵唔返個Zyliss......
)
把家禽剪其實係非常好用既
，連剪骨頭都完全無問題~ 不過剪緊雞鴨時油淋淋，佢依個無窿既手柄設計就好容易滑手嘞!!
所以我比咗個藉口自己......
幾好渣手，不過夠唔夠力 + 夠唔夠利，就要試過先知嘞!
各位留9唔搭8回應 + 淫褻 spam或賣廣告既厚面皮人渣垃圾佬 + 垃圾婆,
回覆刪除想話比你地知 - 無論你地一日入來留幾多次垃圾，本小姐一見到都會全數剷清!
個辣椒真係好勁呀~~~我好怕辣,食少少辣都會得殺咁嘈,如果我食一啖肯定會嘖火!!
回覆刪除[版主回覆08/03/2010 19:37:00]原來妳完全唔食辣架? 其實辣椒好有益架!
我老公都係好得辣之人,佢都食過呢隻辣椒汁,仲話:「好惦…」我食完嘴唇腫…頂唔順,好辣呀!!!!!
回覆刪除[版主回覆08/03/2010 19:38:00]妳老公食過果隻辣椒汁同我依枝一模一樣呀? 你地用來點食呀??
想看看你怎样用你的John Lusty魚清湯.....！！期待
回覆刪除[版主回覆08/03/2010 19:33:00]之前整過2個西餐用過魚清湯:
http://hk.myblog.yahoo.com/veronicams_tsim/article?mid=44313
http://hk.myblog.yahoo.com/veronicams_tsim/article?mid=5872
遲d會有更多!
你老公可以比你薰陶到食辣野就真係好啦! 我又係好鍾意食辣, 不過我老公真係真係好渣豆....到一個地步係佢食好少辣度既野會嘔返d野出來 (只不過係hotpot個湯底有少少紅包既油, 個d都無咩辣味)!!! 我都無辦法啦! 唯有係美國就真係戒辣, 返香港先食返!
回覆刪除[版主回覆08/03/2010 19:29:00]其實我老公根本從來都唔抗拒辣，只係初時佢少少都唔受得!
哈哈~~~ 妳老公唔食辣啫，妳都可以一樣照食架嘛!
嘩!呢支辣椒醬有10粒星，咪好勁勁勁辣囉!
回覆刪除[版主回覆08/03/2010 19:27:00]我唸真係會好勁! 全世界最辣既辣椒喎，我唸唔少野....
不過暫時仲未唸到點食!
又有咁多新玩具 黎緊等你的新煮意呢~
回覆刪除[版主回覆08/03/2010 19:24:00]新玩具已經少買咗好多! 因為廚房幾乎咩工具都有齊哂~
其實個個人一出世都唔食辣架啦,大個左又冇咁既機會食到,所以咪唔敢食囉...相信妳老公都係咁,但身邊既人食,佢地就會慢慢改變來迎合嗜辣之人,有時分分鐘接受既程度會高過妳都唔定添架...隻辣椒汁真係好勁喎
回覆刪除[版主回覆08/03/2010 19:22:00]佢之前 唔係 唔敢食辣呀，佢敢不過唔受得之嘛! 後來食得多咗佢開始享受到辣既滋味，咪越來越辣囉!
辣過頭真係會辣丁架﹗ 我試過有次辣到暈鴕鴕~ 嘩﹗8 磅一支FANTA好誇張呀~
回覆刪除[版主回覆08/03/2010 19:21:00]我係食得好辣既人來，暫時仲未試過辣到暈~
唔係£8一枝Fanta 呀! 係£8一枝Fanta 加埋2件唔好食既餅呀~
我係完全唔食得辣既人, 但我老公就好鐘意食辣, 見佢日常食飯成日要就我食D清淡既野, 所以我都開始試下食, 而家既接受情度...... 應該係0.5掛~~ 哈哈~~ 睇黎我要努力D至得啦~~
回覆刪除[版主回覆08/03/2010 19:19:00]試試吓可能妳會好似我老公咁愛上咗辣呢~
我係無辣不歡既人 XD 估唔到有樽咁堅既辣椒汁, 有機會都要搵黎試下
回覆刪除[版主回覆08/03/2010 21:21:00] 之前見過黑色依枝，咁細枝都賣成300舊幾水港紙! 依枝都自稱全世界最辣，不過成份只係 Habanero，並無ghost chilli 成份~
我個人認為食辣真係可以練出黎 我以前都唔食辣，不過當年我個ex成日食辣，食食下我都鐘意咗食辣，以前我淨係食黑椒嗰啲辣，辣醬，辣油一概唔食～ 陀彤彤嗰陣，仲發神經，餐餐都要食辣野，無辣不歡都唔只，仲要食唔落野添，久唔久仲會癮起要食麻辣火鍋
回覆刪除[版主回覆08/05/2010 20:16:00]我唸都係既!
哇~ 睇來食辣最有進步果個係妳喎!
可以自己試下買鬼椒種籽返黎種，咁就可以食到原汁原味既鬼椒........
回覆刪除[版主回覆10/05/2010 20:26:00]以前都試過種辣椒，點知種種吓成棵生滿哂蚜蟲!!! 好鬼核突! 唔係好敢再種......
虫害好難避免既，你可以分幾盤每盤種一棵，分散風險麻，而且可以買D殺虫藥看門口既外國應該好容易買到。種植物真係好有樂趣架，而且你住外國屋企應該有地方可以種野，唔似我地O係香港，一般人家都係種O係窗台，想種都無地方種。
回覆刪除[版主回覆10/07/2010 00:51:00]自己種得來食就唔想用殺蟲藥架啦!
其實我屋企都種咗好多野架! 廚房有大盆rosemary; 客廳有大棵金錢樹 + 朋友送既唔知咩常綠葉; 浴室有盆觀賞用紫蘇; 書房鋼琴上有盆唔知咩裝飾盆栽仔，仲有大門口有大棵鐵樹~