2010年7月10日星期六

港剷垃圾 - 惡胎 (Womb Ghosts) - 2010年7月5日


一句講哂 - 垃圾一舊!2008110915241762.gif image by veronica_tsim

只係99返香港前,老公返去攞野比佢,順手求其喺99度立咗大咋DVD返來; 咁啱果晚又求其揀咗依隻放入部機來睇,我先有"幸"睇到依套咁差既垃圾......






width="480" height="385">

故事骨幹其實係還可以既! 但可惜編劇情節鬆散,大咋無無謂謂不必要角色 + 完全同故事無關既支線,都唔知做乜?? e.g. 谷祖琳、邵美琪、鄧上文 - 依幾個多餘角色就好速剷啦!

果個同新加坡有婦之夫偷情後想屈錢既女仔 + 之後又有個女仔去夜總會下海 - 依兩段完全同故事無關......剷啦!!  ,無頭無尾又完全無交代後事,無厘頭之極!!

仲有果個黎諾懿 - 佢究竟識唔識做戲架?
2008111213534059.gif image by veronica_tsim  成套戲不停喺度怒吼,十足十燥狂症咁款!! e.g. 連周秀娜發惡夢都要比佢兇: 妳做乜野呀??mato203.gif image by veronica_tsim

好討厭戲裡面惡鬼 + 鬼仔既造型 - 好重貞子呪怨feel,根本就係照足來抄!

仲有配樂真係老土到震~~~~~
_1284.gif image by veronica_tsim  齋聽音樂都知依套唔慌係好野!!

最後個結局其實係有少少驚喜既! 不過可惜一樣救唔到套戲 - 一pat "唔唔",就算噴幾多香水落去,始終都係一pat "唔唔"唔會變香......
128229329_c.gif image by veronica_tsim

(結局係有少少出人意表,不過唔值得只為結局而浪費時間睇哂成套戲!)


7 則留言:

  1. 成日都好鬼happy 既Mrs.T2010年7月10日 上午6:44

    各位留9唔搭8 spam + 賣廣告既厚面皮人渣垃圾佬 + 垃圾婆~
     
    想話比你地知 - 無論你地一日入來留幾多次垃圾,本小姐一見到都會全數剷清!  
     
     

    回覆刪除
  2. 呢啲咪正宗港剷片囉..............所以而家越嚟越少囉.....................
    [版主回覆07/11/2010 17:02:00]所以你而家越來越少睇港剷片?
    定你覺得港剷片越來越少??
     
     

    回覆刪除
  3. 有時我連租港產片既碟$$ 都唔想浪費 !!!! k
    [版主回覆07/11/2010 17:01:00]依度間中都有港產片租,不過我地都唔會租~ 最多都係喺99度攞DVD返去睇!
     
     

    回覆刪除
  4. 依家真係好少港產片可以吸引到我去睇啦!
    [版主回覆07/11/2010 17:00:00]我直頭已經對港產片完全失哂信心........
     
     

    回覆刪除
  5. 呢套戲我都未聽過﹐如果呢度有得租﹐我都想睇下﹌ 不過我諗我呢度都唔會有得租喇﹌
    [版主回覆07/12/2010 22:31:00]我依邊有得租既都係大大地既港產片,依套垃圾唔洗旨意啦! 我依度無得租,妳果邊應該更加無~
     
    不過就算有都唔好租啦! 嘥錢嘥時間~~~~
     
     

    回覆刪除
  6. 你你你你你你你呀!!! 一日都係你, 你唔寫個 blog 我未唔會睇囉 其實我返香港之前已經見到個 update list 有呢套戲, 個陣時都心大心細睇唔睇好, 本應唔記得, 哈, 見到你個 title 又心思思想睇... 睇完我只能夠講係一套好 typical 嘅港產三流鬼片, 一開始爬係牆個隻野好好笑, 我仲以為係隻大曱甴 啲無謂人其實好慘, 我聽有個 friend 講, 香港電影市道依然慘淡, 好多時有片開真係要"格硬"加啲角色入去啲 " ARTISTS " 先有工開咋...
    [版主回覆08/02/2010 04:11:00]我個title 一早講到明係港剷垃圾架啦! 唔好話係你自己想睇周秀娜~
     
    依舊咁既垃圾,真係三流都比多佢,九流就差唔多!! 果隻喺差館爬牆既鬼自以為好驚嚇,不知所謂!!
     
    若香港電影業真係好似你朋友所咁既情況,羅守耀依d咁既垃圾導演,仲揼錢去拍咁多睇到觀眾滴汗既垃圾 - 根本就係 惡性循環! 開多幾多部片,格硬整多幾個角色出來都於事無補......
     
     

    回覆刪除
  7. 呢種港式Cult片,正所謂十年如一日,如果你有睇過N年前樊少皇既力王,就更加超搞笑,真係完全唔會令你諗起血腥暴力,只會覺得好搞笑,直情係一套笑片。
    [版主回覆02/11/2011 01:23:00]即係咁.....羅守耀固然想當自己係香港Quentin Tarantino 啦,不過佢依套惡胎好明顯只係垃圾恐怖片一套而非cult 囉~
     
     

    回覆刪除

Related Posts Plugin for WordPress, Blogger...