2010年7月12日星期一

Sunday Light Lunch@IKEA Braehead (2010年7月11日)

IKEA 上星期開始大減價,尋日去及及有乜筍野!

之前去開IKEA 都只係食過早餐......


 今次第一次食lunch!

 我要招牌肉丸15粒配薯蓉~ 肉丸醬汁配埋果pat Lingonberry Sauce......正!!!!!!


 老公要炸魚薯條他他汁~ 依個麻麻地!  炸魚粉漿太厚又唔脆......



早排從blog 友Mami 阿四處得知 - 香港IKEA 有個叫做Princess Gateau (公主餅)既甜品......

雖然我唔鍾意甜食,不過基於八卦未試過就想試吓既心態下,而且睇相個餅都幾細個,所以如果蘇格蘭IKEA 都有公主餅既話,我都打算會試吓!

不過Food Court 公主餅就無嘞......

 但有World Cup Cupcakes - 不過我地無興趣所以無試~


 無Princess Gateau,但有個差唔多樣既Princess Wedding Cake 喎......照殺! 


 白雪雪有少少似巨型雪糕糯米糍~


 底層海綿蛋糕; 中層少許蘋果醬; 面層白色部份全部都係忌廉~

依個Princess Wedding Cake 好香又好light,加上portion 細細件,食多幾件都唔會漏~ 不過如果再減少少甜味就perfect 嘞!



食完野就去睇吓有咩平貨執嘞 - 其實都無咩特別想買,只係抱住"大減價唔好執輸"既心態!

不過之前都打算買架Kitchen Trolley......


 睇中咗依架 - 雖然無得減,不過已經好鬼平~

點知去攞貨時 - 竟然無貨喎!!!!!!!

最奇怪係叫staff 幫我check 幾時返貨,佢check 完後竟然話有16架現貨喎!  不過連佢自己都搵唔到果16架現貨喺邊!!!?!? stock control 真係差到呢......

Well~ Maybe it's not meant to be......因為後來我喺另一間shop,睇中另一架貴少少但用料 + 外型都靚好多,而且大小間格比IKEA 依架更好~  今晚等老公放工先一齊去買!



不過我喺IKEA 都有少少收穫......


 買咗1盆觀賞用山蘇~

依盆山蘇我搵咗好好好耐架嘞!!!!

其實之前我都有一盆放喺浴室,喺Tesco 買好鬼平只幾十個p~ 棵野好粗生 + 超易打理!

我個浴室係白配深啡,放盆常綠葉點綴一下即時充滿好有生氣既感覺!

不過舊年冬天因為我疏於打理而枯死咗~  (係易打理,唔係唔洗打理嘛......)

之後唔知係咪個天懲罰我??  一直搵咗好耐都搵唔返,直至尋日喺IKEA 見到!

 好鍾意翠綠波浪形既長葉,好有美感~  

我今次一定會好好打理架嘞 - 因為依盆要£2.29啊!

記得早排台灣blog 友林家歐巴桑Gaile 整過一味炒山蘇,我都好想試試......

 不過可惜依盆山蘇只作觀賞,不可食用!

另外喺食品部買咗......

 即食煙燻馴鹿肉 (買一送一! )


 煙燻味好香,口感似火腿~ 返到屋企即時比我空口搞掂咗1包!


 枝裝煙燻鱈魚卵~ (仲未試! )

雖然Food Court 無得堂食公主餅......

 但食品部凍櫃有一盒4件裝賣喎!

不過尋日去完IKEA 我地仲有地方要去,未有咁快返屋企,所以無買到.......

下次啦~ 下次去IKEA 一定買盒返屋企試吓!!

去親Braehead IKEA 都見到停車場好多依種雀仔~ 

 平時好怕人.....

 不過一有人餵佢地,佢地就會行得好近!

 老公食咗2枝IKEA 超平雪糕,將雪糕筒餅碎餵比佢地~

 食完野就好似孵蛋咁款坐喺地下曬太陽~





13 則留言:

  1. Gaileは林家歐巴桑2010年7月12日 上午6:30

    牛肉丸正呀
    pricess wedding cake白雪雪,又真係幾似婚紗...
    仲想問可唔可以炒黎食添,原來唔得!!不過佢依種觀賞用既比食用長好多,依個仲似海草
    [版主回覆07/12/2010 22:01:00]原來係牛肉丸來架? 我食咗咁耐都唔知係咩肉丸來......
     
    今次依盆波浪勁d,葉長得來會垂低,好有美感,用來觀賞比上次果盆靚好多! 不過上次果盆波浪微好多,而且向上生,無咁靚但我覺得果盆應該係食得果隻來!
     
     

    回覆刪除
  2. 每次去IKEA都會食 肉丸,薯條都好味
    [版主回覆07/12/2010 22:03:00]
    之前我只去過堂食早餐,但買過大包肉丸返屋企自己整~
     
     

    回覆刪除
  3. 肉丸呀!!!
    我次次自己都會食到1大碟咖!!
    加埋果個cranberry sauce,嘩,好味呀!!!!
    馴鹿肉我屋企食過一次就無再食,
    因為兩老話好似好殘忍咁喎....
    但係係好耐之前既事,
    所以我都唔記得咩味咖嚕,,,哈哈~~
    [版主回覆07/13/2010 01:00:00]Lingonberry sauce    味道相似,但同cranberry 唔同架!
     
    無話殘唔殘忍既,豬牛羊依d主流肉類又唔見話殘忍? 都係動物啊~
     
     

    回覆刪除
  4. 我在香港好少去ikea  , 因為唔就腳呀 , 我最近一係銅鑼灣或mega box 呀 !
    但我都幾喜愛去ikea買食品, 之前買過類似你買的魚卵醬之類, 比囡囡塗麵包呀 , 她不知幾咁喜歡 .  
    [版主回覆07/13/2010 00:56:00]係呀~ 我未食過依枝魚卵醬架! 不過我一向鍾意食魚春,見枝野咁平咪買來試吓囉~ Katrina 話好食就好嘞 - 佢咁識食,咁枝野一定好食!
     
     

    回覆刪除
  5. 我上次都係IKEA見到顆植物想買但冇買到呀﹐ 我怕會整到成車濕晒﹌
    [版主回覆07/13/2010 01:10:00]妳買埋個花盆裝住佢咪唔會漏水囉!
     
     

    回覆刪除
  6. 係囉, 都唔明點解啲鬼佬野咁鬼甜。。係咩野都好甜!
    [版主回覆07/13/2010 16:57:00]好似話因為洋人口水分泌比亞洲人多~ 所以我唸食物味道要勁d佢地先覺得夠味啩!!?!?
     
     

    回覆刪除
  7. 我都未試過招牌肉丸....
    枝裝煙燻鱈魚卵~ (仲未試! ) --> 呢支野我都未見識過 ~

    回覆刪除
  8. 好多人話宜家肉丸好味,不過我未食過呀!
    [版主回覆07/13/2010 22:39:00]搵日去宜家行吓順便試吓吖~
     
     

    回覆刪除
  9. princess wedding cake我未見過喎,不過個涵係同公主餅一樣架,只係個皮唔同色咋~
    [版主回覆07/13/2010 22:39:00]依度我見公主餅佢地話係"New"~ 可能香港遲吓會有princess wedding cake 呢!
     
     

    回覆刪除
  10.  
    I wanna buy this one too, but my honey thinks it's "USELESS". He doesn't know Kitchen is a woman's world. I think I will buy it later.
     
    [版主回覆07/13/2010 22:37:00]support you!  buy it~ buy it~~
     
    i make every decision abt the kitchen! you have to defend your territory too~
     
    i bought another one from another shop last night. it's a bit more expensive but looks better and better qulaity than this IKEA one!
     
     

    回覆刪除
  11. Would you mind to post the kitchen trolley you bought yesterday nite?
    [版主回覆07/13/2010 23:35:00]of course i will post it! but i havent set it up yet~ will post it after it's been set up ok?
     
     

    回覆刪除
  12. XD 睇黎ikea既員工都幾一致呀~ 我係加拿大edmonton d到都係呀~ 有次我要買mattress...又係係電腦睇係有貨架~ 不過d員工死都話冇~ 最後call去hotline....都係話有架~ 最後更係買唔到啦~
    [版主回覆07/18/2010 03:16:00]果晚我online check stock 佢地都話有貨,真係信佢地唔過呀! 費事一陣去到又係無嘥哂我d時間~
     
     

    回覆刪除
  13. IKEA Swedish meatball 同公主餅我每次都必食,連去到 Sweden 都唔放過,不過公主餅面頭綠色皮真係好甜,但入面就好味。依家我有時自己整肉丸,為健康多數用豬肉+雞肉,香港 IKEA有肉丸汁材料賣,只要加whipping cream 就可以
    [版主回覆07/18/2010 03:15:00]依度都有肉丸汁料賣呀,不過我覺得佢地既肉丸無汁都一樣好食!
     
    如果自己整肉丸的話,我會自己整埋個汁~
     
     

    回覆刪除

Related Posts Plugin for WordPress, Blogger...