2010年7月14日星期三

REC 2 (80分鐘死亡續播) - 2010年7月7日

"80分鐘死亡直播"續集......

 既然我睇得續集........

 當然都有睇過第一集啦!

REC Trailer




width="480" height="385">

已經唔記得咗幾時睇第一集?  不過記得睇第一集時已覺得非常唔錯!

神秘病毒喺一幢大廈內爆令人變咬人喪屍,政府突然將整幢大廈密封所有人不得進出作困獸鬥,記者以手提攝錄機拍攝記錄經過......

感染神秘病毒變喪屍周圍走咬人再變喪屍既戲大把,而且當中大部份都係垃圾! REC 大膽地將故事範圍限定喺一幢大廈裡面,稍一失手就好容易會將整套戲拍到悶死人......

但依套低成本西班牙喪屍片反而拍得好有張力,情節緊湊! 大廈內各人既人性反應真實,令睇戲既人好有代入感~29_3_16.gif image by veronica_tsim

仲有最後一幕閣樓喪屍匆匆一瞥,無論氣氛畫面都驚嚇至極~~ 令人印象深刻! 絕對比起好多荷李活製作既喪屍片好得多多聲!!

偏偏荷李活就係鍾意玩重拍!  最慘就係大部份比佢地重拍過既戲,都會變到好垃圾...... (個人印象中只有重拍我地既"無間道" - The Departed,拍得比原作好!)

 REC 上映一年後,荷李活重拍成"Quarantine"(死亡直播),真係垃圾到呢.........


2008111213534002.gif image by veronica_tsim講返REC 2......故事延續上一集,故事時間 + 地點仍然係同一晚 + 同一幢大廈......




width="480" height="295">

真係估佢唔到喎!!!!!!!!!!!1775465355.gif image by veronica_tsim

大部電影最好一集起兩集止,因為續集多數不如第一集,所以最好見好就收 - 尤其好少拍得好既沮喪片!

初時以為REC 既小驚喜只係one off,估唔到REC 2樣有驚喜,而且仲係出人意表既驚喜!

今集揭開神秘病毒既真相 - 病毒原來係惡靈附身~ 我 + 老公都幾鍾意依個idea!! 咪下下都係生化危機先得架!!!

鏡頭間中出現一d類似玩horror video games 既畫面,同套戲既恐怖氣氛好配合,睇得幾過癮!

我 + 老公都覺得REC 2 比REC 更出色,而睇最後一場似埋下伏線有意將故事再延續! 若係真既話,希望就算唔好得過第2集,都會保持到水準啦!



9 則留言:

  1. 成日都好鬼happy 既Mrs.T2010年7月14日 上午6:23

     
    各位留9唔搭8 spam + 賣廣告既厚面皮人渣垃圾佬 + 垃圾婆~
     
    想話比你地知 - 無論你地一日入來留幾多次垃圾,本小姐一見到都會全數剷清!  
     

    回覆刪除
  2. 套片好似好吸引 !! 但係我好驚睇呢類片 ~~~~ k
    [版主回覆07/15/2010 06:35:00]如果唸住睇的話,最好先睇第一集,如果唔係睇第二集可能會唔明!
     
     

    回覆刪除
  3. 咁正 ! 等我都睇埋第2 集先
    [版主回覆07/15/2010 06:33:00]第二集比第一集好睇~
     
    如果鍾意第一集既話,就一定要睇埋第二集!
     
     

    回覆刪除
  4. 係呀﹗我睇過荷李活翻拍果的法國戲﹐都覺得唔係咁好睇。 不過仲有一套戲我呢度搵唔到既﹐‘Visage’臉﹌ 我好想睇呀﹌
    [版主回覆07/15/2010 06:31:00]依套野好怪!  聽聞試片時好多人睇睇吓離場......
     
     

    回覆刪除
  5. I also watch the REC and its really good!! Didnt realize they also got REC2.....Would you mind to tell me where to get it?  Thanks!
    [版主回覆07/15/2010 06:25:00]i dont think REC 2 is released yet~ i just got the DVD from my mother in law. i guess it will be released soon.
     
      

    回覆刪除
  6. 好耐無黎探妳呢..
    呢套第1集我都有睇, 第2集就未睇, 快d去租黎睇下先.

    回覆刪除
  7. 恐怖野唔洗預我

    回覆刪除
  8. 依套戲我唯一印象就係...係戲院睇到畫頭... 我淨係諗到「低成本制作.......賺死佢啦!!= =""」 格離個fd係驚緊o既同時望住我...「點解你可2諗到依d o野我好驚呀...」哈哈~ 我自己對喪c真係零興趣所2都無睇到呀!!:P
    [版主回覆07/18/2010 16:59:00]低成本唔代表拍唔到好戲架~   低成本喺有限資源下都拍得出好睇既戲,咁先見班底真功夫呀!
    好似Avatar 依d超高成本又time consuming 既project,拍到令人恰哂眼瞓依d就真正爛嘞!
     
     
     

    回覆刪除
  9. 嘩, 估你唔到喎, 我真係勁唔鐘意第二集~~ 原因1.邪靈上身呢個 idea 我唔係好 buy,  而且捉鬼駛唔駛要成棟大廈隔離呀, 政府又肯先怪喎; 2.我勁唔 like 帶頭個收師, 佢真係又蠢又固執, 咁辛苦先搵到筒血, 竟然可以燒埋, 我個吓真係想幫手打爆佢!!3.又係個收師, 全隊 team 都身處險境, 佢係咪應該走人先, 返正棟大廈都已經封咗, 冇人走到, 咪第二日先再返去捉過囉。。。 其實我已經唔係好記得啲細節, 印象中仲有好多我覺得唔多合理嘅野
    [版主回覆07/30/2010 22:31:00]你幾時睇過一套喪屍 / 恐怖鬼片係合情合理架?
     
    我鍾意不知名病毒 + 邪靈依個idea,因為太多喪屍戲都係生化武器好鬼悶!  而且就係話明係邪靈,所以會周圍走周圍,咁咪封大廈囉!
     
    不過我同意你講果條白痴牧師的確好乞心憎! 連血都燒埋係佢戇居~ 但如果唔係咁既話,後半段咪無得留伏線for 續集 / 前傳囉!
     
    其實後半段佢地上去搵個源頭,話唔可以開燈睇野,而用夜視 + 開燈睇到既野唔同~ 其實我都覺得好唔合情理,不過我覺得idea 幾有新意,好有打恐怖game 既feel! 所以我唔覺得係缺點~
     
    不過 - 各人睇戲口味都唔同嘛! 今先有得討論~ 如果個個人觀感一樣就唔洗討啦!
     
     

    回覆刪除

Related Posts Plugin for WordPress, Blogger...