2010年7月29日星期四

My very 1st Risotto - 2010年7月27 + 28日 (附食譜)



7月27日 - 黑松露龍蝦汁海鮮意大利飯 (Seafood Risotto with Lobster Bisque and Black Truffle)

 Weekend 喺Italian Market 買咗粒新鮮黑松露~

新鮮既黑松露不宜久放,否則香氣會流失,甚至會爛.......140698393_c.gif image by veronica_tsim
 所以要快d唸辦法食咗佢嘞!

唔想再松露配意粉嘞!  上網見到好多食譜都用松露來整意大利飯......

不過我未煮過意大利飯喎......但我好鍾意食~~  之前喺電視睇過人地煮都幾容易,所以就膽粗粗試吓煮risotto 啦!!

 Ta-Da! 好好味呀~~~~~ 老公一路食一路讚!!

今次係我第一次整risotto,非常滿意! 原來一d都唔難果喎~ 我都覺得自己整得好好食既呢!! 

不過雖然新鮮黑松露香氣非常濃郁,但龍蝦汁味道太濃,幾乎蓋過哂黑松露既香氣...... 幸好咬到松露時,松露既香氣即時喺充斥整個口腔!  總算無浪費 + 可以享受到粒松露~
話時話......新鮮黑松露香氣同松露醬或油浸松露既香氣差天共地 - 新鮮黑松露香氣咁濃都比龍蝦汁味道搶哂; 我唸若用松露醬或油浸松露去煮依個海鮮飯, 應該完全無料到.......

個人覺得依個龍蝦汁海鮮意大利飯,唔需要用黑松露,有龍蝦汁已經好夠照夠哂好味道嘞!

我依個意大利飯......

 令我唸起honeymoon 時喺西班牙一間露天海鮮餐廳食過依個大鑊龍蝦海鮮paella! 真係有成隻龍蝦喺裡面架!!!

 (2007年7月攝) 睇吓幾鬼大鑊!


 粒黑松露幾大粒,所以是晚只用咗半粒~


7月28日午餐 - 黑松露火腿青豆意大利飯 (Ham & Peas Risotto with Black Truffle)

之前果晚既龍蝦汁海鮮意大利飯龍蝦汁味道太濃,所以第二日我就煮個口味清淡既火腿青豆意大利飯做lunch,用來配埋剩返果半粒黑松露......

今次依個火腿青豆意大利飯只有清雞湯清淡既味道,同黑松露味道非常配合,完全可以發揮到黑松露既香氣!

7月28日晚餐 - 三餸無湯: 家鄉南乳鴨; 清蒸龍脷魚 & 炒菜心

星期一晚(7月26日)整咗隻家鄉南乳鴨,隻鴨好鬼大隻!! 加埋仲有其他餸,兩丁友當然食唔哂啦......

不過因為星期二晚要趕住食粒黑松露,所以剩返大碟鴨入咗雪櫃,尋晚(星期三晚)先食鬼埋佢!

尋日去Tesco 又見到好靚既龍脷魚(Dover Sole),雖然dover sole 好貴,不過見到咁靚真係忍唔住手買咗條! 好好味呀~~~~~

本來仲想滾個莧菜湯,後來懶懶地couldn't be bothered~  所以炒咗碟菜心算數嘞!

 黑松露龍蝦汁海鮮意大利飯食譜click here~

 黑松露火腿青豆意大利飯食譜click here~

 家鄉南乳鴨食譜click here~

 清蒸龍脷魚食譜click here~



13 則留言:

  1. 我都鐘意食risotto 但係未係屋企整過 我都想整好耐 ^^ 不過驚太水或者的米好硬 睇你整得好靚 好好味添呀 ^^ k
    [版主回覆07/29/2010 20:31:00]太水或好硬 - 未煮好咪會咁囉!  煮risotto 最緊要係耐性啫!
     
     

    回覆刪除
  2. 龍蝦汁意大利飯...................................正呀,肯定有100個好味呀,我唔要黑松露喇,比曬個飯我得架喇!!
    [版主回覆07/30/2010 06:53:00]依個唔洗加黑松露都已經好正!
     
     
     
     

    回覆刪除
  3. Gaileは林家歐巴桑2010年7月29日 上午7:20

    自從妳出左依兩個risotto之後,挑起哂所有鐘意食意飯又未煮過既人嘞,我都唔執輸,去supermarket八下有冇得賣先
    [版主回覆07/30/2010 06:52:00]好呀~ 好呀~ 買到就快d試吓煮喎!
     
     
     
     

    回覆刪除
  4. 好好味呀............
    [版主回覆07/30/2010 06:51:00]邊樣好好味呀?
     
     

    回覆刪除
  5. 炒菜心我都好鐘意食架﹐不過唔係成日有得買~
    [版主回覆07/30/2010 06:51:00]菜心唔係成日有得賣? 咁妳果邊d中式超市有咩菜賣??
     
     

    回覆刪除
  6. 唉........我見到你條龍脷魚真係流口水,我呢度冇游水魚賣架,我已經好耐好耐好耐冇食過鮮魚la......................
    [版主回覆07/30/2010 22:42:00]我依條魚都唔係游水架! 超市冰鮮貨之嘛~ 不過都好新鮮!
     
     

    回覆刪除
  7. MRS .T唔好意思,借你個blog呼籲一下,因為我唔見左野,我已經係blog度打左詳情,麻煩大家見到就話聲我知!! !
    我知唔一定搵到..但係麻煩你..唔好意思...  
    [版主回覆07/30/2010 22:39:00]希望妳搵得返部手機啦!
     
     

    回覆刪除
  8. 好正呀,我都好想食,,不過平時冇咩時間整野食,多數都係出街食^^
    [版主回覆07/30/2010 22:42:00]
    街食口味未必啱自己,而且好可能會用味精....都係自己整好d!
     
     

    回覆刪除
  9. 其實咁大ge 新鮮 truffle 刀幾expensive wo.
    [版主回覆07/30/2010 22:33:00]其實最靚既松露應該係產自11月至1月~ 不過依粒summer truffle 都非常香! 物有所值~
     
     

    回覆刪除
  10. 嘩嘩嘩……妳獨成埋嗰半粒松露   妳依個飯…走青豆得唔得呀 
    [版主回覆07/31/2010 18:06:00]係呀~ 新鮮松露唔留得咁耐嘛,鬼叫老公返咗工,佢無口福嘞!
     
    得得得~ 妳鍾意走乜就走乜,走埋d risotto 都得!
     
     

    回覆刪除
  11. 我買到白菜既~
    [版主回覆07/31/2010 18:04:00]除咗白菜真係無其他菜????
     
     

    回覆刪除
  12. 兩個risotto我都鍾意
    [版主回覆07/31/2010 18:03:00]我兩個都鍾意,但鍾意海鮮果個多d!
     
     

    回覆刪除
  13. 有時有的其它菜我唔係好識係咩菜黎既~ 如果未食過我又唔知點煮先好~
    [版主回覆08/01/2010 20:24:00]咁又係既~ 有時我都見到好多得意食材想買來試吓,不過未知點用都係唔好買住!
     
     

    回覆刪除

Related Posts Plugin for WordPress, Blogger...