2010年7月14日星期三

Kitchen Trolley

2008111213535358.gif image by veronica_tsim 大家有無發現我似好耐無買過廚房用具呢? 

最近周圍都大減價,但我睇親咩野廚具都覺得 - 屋企已經有咯喎~ (而且有d仲多過一個! ); 又或者有可以代替既其他廚具......總之就無乜野引得起我既購買意欲啦!

二來廚房d櫃真係爆哂棚嘞!!!!!!!!!!!!!!!!!!!!

雖然感覺廚房用具齊全已經咩都有,但依種感覺持續得太耐,就會心思思係都要唸d野出來買!  (咁算唔算"飽暖思淫慾"呢?? )

廚櫃爆棚啫~ 但我個廚房未喎......
於是我唸到想要一架kitchen trolley!1775465355.gif image by veronica_tsim

星期日(7月11日)去IKEA 大減價本來睇中咗一架,點知竟然賣鬼哂~ (網誌)

但心急既我唔想等,於是及及其他店啦......原來Argos 都減緊價喎!!

 就係咁睇中咗依架Argos 做緊半價既橡木kitchen trolley~

依架橡木kitchen trolley 雖然比IKEA 果架貴,但無論外型、材料、質量、大小 + 形狀......

 都比IKEA 依架好!

星期一晚(7月12日)老公放工即時抬佢返屋企~ 大箱野放咗喺hallway 2晚.....

尋晚老公問我: HonHon~ 妳想我幾時砌架kitchen trolley? 我答佢遲吓先啦,因為.......

1775465299.gif image by veronica_tsim 我想自己砌!

唔知點解我好鍾意砌傢俱? 我覺得扭螺絲好好玩,而且將一咋原本散哂既木砌好成為一件傢俱好有滿足感~~~

但由於我平日太論盡經常撞親依度果度,所以Mr.T 口頭禁止 咗我自己砌!

我一向都唔多聽Mr.T 話果喎 ,所以今朝吼佢一出咗門口我就即時開工!

d木係實木,真係好鬼重!!  

個半鐘後......

  TA-DA!

 不過我都刮花咗手臂啊~~~~~

不過其實仲未100%砌好果喎......

 枱面兩邊有需要時可以展開有更多位; 唔用時又可以摺埋~

 不過我覺得唔安裝都夠位用,而且無咗兩邊摺板好似靚d......

 所以摺板我仲考慮緊安唔安摺板呀!


暫時架kitchen trolley 仲未正式投入服務,不過以我咁既性格......

應該好快又會將佢塞滿!Laugh-small.gif image by veronica_tsim



24 則留言:

  1. 成日都好鬼happy 既Mrs.T2010年7月14日 上午4:26


    各位留9唔搭8 spam + 賣廣告既厚面皮人渣垃圾佬 + 垃圾婆~
     
    想話比你地知 - 無論你地一日入來留幾多次垃圾,本小姐一見到都會全數剷清!  
     
     

    回覆刪除
  2. 我都鍾意個Kitchen Trolley,我就一定砌唔掂
    [版主回覆07/15/2010 06:39:00]老公今日放工返來好surprised 我砌得咁靚!  
     
     

    回覆刪除
  3. 嘩﹗你括傷一大條﹌
    [版主回覆07/15/2010 06:37:00]紅咗少少 + 凸起咗少少啫,無流血~ 應該好快會好返!
     
     

    回覆刪除
  4. Gaileは林家歐巴桑2010年7月14日 下午5:21

    我都好鐘意自己砌架...以前喺英國細至書枱,床頭櫃,大至衣櫃同床,仲有garden既shed我都有參與架!!不過未整親手臂過,只係整親手指
    Mr.T返黎有冇話妳呀?心痛C佢啦,又整損手!!
    [版主回覆07/18/2010 03:01:00]書枱床頭櫃都理解~ 但點解連床 + 衣櫃都要自己砌架? 妳以前住果度completly unfurnised 架?
     
    老公返到來話我砌得好架好靚! 不過佢見我刮到手打咗我pat pat 一下........
     
     

    回覆刪除
  5. 《Ka MaN 日記》2010年7月14日 下午5:29

    個kitchen trolley真係好靚吖...!!! 你好叻吖實木都搞點... 你個傷痕好d未吖..??
    [版主回覆07/18/2010 02:57:00]其實唔叻~ 材料重啫,但螺絲位全部轉哂窿,所以都幾易砌架!
     
    個傷痕只係紅咗少少 + 少少凸起,過咗咁多日都好返哂咯! thanks for asking~
     
     

    回覆刪除
  6. 睇緊, 見你完成哂, 仲想問 :今次你整傷邊....轉頭你已貼相..
    哈哈...我都係成日撞到瘀左但又唔知撞到邊既人....好鬼論盡
    [版主回覆07/18/2010 02:55:00]哈哈~~~~ 有時我撞瘀咗會整鬼老公問佢: 你估如果我去報警話你打我,差人信唔信呢?
     
     

    回覆刪除
  7. 妳應該自己砌都ok架??
    [版主回覆07/18/2010 02:52:00]而家咪我自己砌囉!
     
     

    回覆刪除
  8. 妳真係犀利 比我一定留番比老公整
    [版主回覆07/18/2010 02:52:00]我鍾意自己砌野嘛!
     
     

    回覆刪除
  9. 親手切成功感大好多 ^^
    不過太重太大就唔好"格硬"黎啦 !!
    k
    [版主回覆07/18/2010 02:51:00]啱啱仲頂得順~ 再重少少就唔得嘞!
     
     

    回覆刪除
  10. 我同你一樣..都係覺得砌野好好玩!! 不過我仲係o靚妹一名..一定唔夠力
    [版主回覆07/18/2010 02:50:00]
    妳夠力都未必砌得掂~ 依架野其實最好有2個人一齊砌!
     
     

    回覆刪除
  11. 我都好鍾意自己砌嘢, 屋企入面可以自己砌嘅都係我一手一腳搞掂.... 真係好有成功感....
    [版主回覆07/18/2010 02:49:00]就係果份成功好玩! 不過砌完後又有少少失落 - 咁快砌完既......
     
     

    回覆刪除
  12. 厲害,厲害....
    [版主回覆07/18/2010 02:49:00]咁又唔算好厲害!
     
     

    回覆刪除
  13. 呢個梗係靚仔過IKEA果個好多啦...
    [版主回覆07/18/2010 02:48:00]係呀~ 係呀~ 大小形狀仲好good fit 呢!!!
     
      

    回覆刪除
  14. 真係唔錯~我想問問幾$呀?
    [版主回覆07/18/2010 02:47:00]我住喺蘇格蘭,依間shop 香港無果喎~
     
     

    回覆刪除
  15. 又整親, 難怪Mr.T 口頭禁止妳自己砌啦, 曳呀妳
     
    妳依架真係正過IKEA嗰架好多, 間格都好啲啦, 我尤其鐘意佢有櫃筒仔, 有啲拾星嘢可以放入去 
    [版主回覆07/18/2010 02:47:00]連大細形狀都good fit 過IKEA 果架呀! 我唸係整定我買唔到IKEA果架,原來係有原因喎!
     
     

    回覆刪除
  16. 嘩~~ 呢架好用又靚仔好多~~ 揀得好呀!!! 我同自己講, 第時有個大廚房, 都要買返個玩下~~ 我都係好鐘意買櫃返黎自己砌架!! 砌完真係好有成功感+滿足感~~ 可能因為我細個都鐘意玩lego同模型果d, 砌開有感情呀~~ 哈哈~~
    [版主回覆07/18/2010 02:45:00]我唸真係整定我買唔到IKEA 果個,今次真係塞翁失馬!
     
    我細個時反而未玩過lego,直頭無買過呢! 模型反而大個咗先鍾意砌~
     
     

    回覆刪除
  17. 嘩... Trolley 好好用呀 , 但我哋香港哋邊用到啦, 間屋及廚房都豆腐潤咁細呀...
    [版主回覆07/18/2010 02:43:00]我見廚房有位擺,而且依架size 唔錯,多個地方擺野緊好啦!
     
     

    回覆刪除
  18. O yes, this one is nicer than the one in Ikea.  Why don't you add the extension boards anyway and you can just hide them when you don't use it but they are there to be used if you need it?  (or you have already fill the trolley?  haha) xx
    [版主回覆07/18/2010 02:42:00]actually i havent decided whether to add the hinged side panels yet........cos it looks better without them ma!  
     
     

    回覆刪除
  19. Gaileは林家歐巴桑2010年7月17日 下午5:26

    因為我同親戚個仔兩公婆住,係新屋(我地同時搬入去住),好多野都新買返黎砌囉!!!裝修果陣我仲幫手剷牆添架...
    [版主回覆07/18/2010 17:00:00]OIC~
     
     

    回覆刪除
  20. 你個新櫃間格幾好.  我昨天都去了ikea, 原本都想買個櫃擺野, 不過最後都睇唔到一個鍾意既. 你要小心呀, 唔係你老公又好心痛.
    [版主回覆07/18/2010 21:36:00]係呀~ 依個間格大小都好適合我廚房! 好實用~
     
    我下次會小心架嘞~ 多謝關心啊!
     
     

    回覆刪除
  21. 個trolley 好好睇又好實用, 而且你好叻, 自己砌, 我都好鍾意自己砌, 不過我無力搬太大塊的木, 好多時候都係細佬同honey 自己砌, 而我就讀instruction
    [版主回覆07/19/2010 03:40:00]依架無論大細形狀都好啱我廚房!
     
    咪睇我細細粒呀,我都幾大力架!
     
     

    回覆刪除
  22. 呢架靚好多呀,下次小心d呀,唔好整到自己呀!!
    [版主回覆07/19/2010 21:12:00]係呀~ 依架大細形狀間格都啱我個廚房多d!
     
    今次刮到少少濕濕碎啦! 都無流血~  我下次會小心架嘞! thanks~~~~
     
     

    回覆刪除
  23. 你屋企係唔係有電批?
    我屋企冇電批, 次次買IKEA的野都孤寒想慳錢自己砌, 但次次一路砌就一路覺得自己搵自己笨, 扭螺絲扭到手都痛.
    [版主回覆03/28/2011 01:23:00]無呀~ 我用無印良品一套8隻普通螺絲批咋!
     
    我依架kitchen trolley 唔係喺IKEA 買架! btw 香港喺IKEA 買野可以叫佢地砌埋既咩? 依度好似無咁既服務~
     
     
     

    回覆刪除
  24. 原來你都冇電批, 咁真係要俾個"勁"字你!
    香港IKEA可以要求佢幫你上門安裝, 但要俾貨價的10%作為安裝費. 所以我就成日孤寒唔捨得叫人裝, 但自己裝時又覺得好辛苦.
    [版主回覆04/06/2011 21:49:00]唔勁~ 唔勁~ 我好鍾意自己砌野架! 完成後覺得好有滿足感~
     
    我唔清楚依邊IKEA 有無上門安裝服務,不過又要約時間上門又要等,不如自己快手快腳安好佢! 而且洋人好鍾意DIY,我唸依邊無上門安裝既市場! (我指小型傢俱!!)
     
     

    回覆刪除

Related Posts Plugin for WordPress, Blogger...