二人世界外賣 + 三餸一湯 - 2010年7月5-6日 (附食譜)

7月5日(星期一)

星期日雖然燒唔成野食 (網誌)，但返到屋企都有大把野要洗~ 好鬼攰嘞!!  所以是晚唔煮返叫外賣......

 食埋星期日食剩果幾隻燒雞翼~

可能星期日無食過飯啦，好想好想食白飯!!  所以叫咗中式外賣，今次又試咗一間未order 過既中式外賣店......

放低電話無耐......就聽到有人敲門! 唔係快成咁吓哇!!??!?!

真係喎! 從未試過叫外賣咁快送到!!!!

 依間叫做Royal China，佢地既春卷好好食!!

我一向鍾意春卷少肉，但我又鍾意大條既春卷~ (淨菜既春卷係好鬼細條既!!)

依間春卷皮脆卜卜，肉少多芽菜，調味啱啱好!! 正~~~~

 我既泰式綠咖喱牛肉配白飯~ (係架~ 而家好多中式外賣店會做泰式咖喱架!)

依個又係好好食!! 綠咖喱香濃，仲食到魚露既香味，牛肉嫩滑得來食得出無"拿"過既，而且有好鬼多牛肉~

以前都試過其他兩、三間中式外賣店既綠咖喱，不過試過咁多間，依間Royal China 最好味!!

 老公既例牌雞炒飯~

飯炒得乾身得來好香，雞肉調味都啱啱好，係好食既! 可惜佢地用既係雞胸肉唔係雞脾肉......

依間好食呀~~~~~ 下次一定會再幫襯!

7月6日(星期二)

蕃茄紫菜肉碎湯; 馬拉盞翠玉瓜炒雞柳; 椒鹽多春魚 & 美極煎大蝦

星期日預備咗大蝦、多春魚 + 翠玉瓜來BBQ，最終燒唔成，不過多春魚 + 大蝦已經溶咗雪唔可以再放返入冰格，唯有煮哂佢啦!

翠玉瓜就用來炒雞柳啦~

 今次用咗blog 友Jo 送比我既勁辣緬甸馬拉盞來炒雞柳~ (網誌)

好好味啊~~~~ 老公話辣辣地好開胃! 不過又未至於勁辣 - 連我老公食辣咁咋都食到既，勁辣極有限啦!!

我喺依度買開一般既馬拉盞，全部都係似蝦膏咁既質地 + 味道; 不過依樽緬甸馬拉盞就似XO醬多d，爆起來真係好香~~~

成pack 多春魚要煎哂佢，不過唔緊要 - 我最鍾意多春魚架嘞! 今次椒鹽煎完沾沙律醬來食，原來襯味果喎!!

大蝦好求其咁用切碎洋蔥 + 美極煎熟佢，鮮甜又惹味~~~~

剩餘物資都可以煮出豐富既一餐! 

 蕃茄紫菜肉碎湯食譜click here~

 馬拉盞翠玉瓜炒雞柳食譜click here~

 椒鹽多春魚食譜click here~

 美極煎大蝦食譜click here~