2010年7月21日星期三

二人世界的四餸一湯 - 2010年7月21日 (附食譜)



蕃茄薯仔湯; 鹵水珍珠雞; 鹵水豬心; 清蒸黑鱲 & 炒Spring Greens

最近好鬼懶! 懶整野食、懶煮飯又懶寫blog......

連續2日同網友msn 八八卦卦風花雪月傾過不亦樂乎~ 買咗餸都唔煮飯,開始變成一個唔合格既老婆!

雖然Mr.T 無咋形型,但我一定要乖返至得!!  

 今日新煲開光......

 因為連續幾個weekend 有野搞無時間去中式超市買餸,就煲個最方便既蕃茄薯仔湯啦!

我今次無咁笨嘞 - 加咗水先開爐!

尋日(7月20日)突然想食白切雞......

 去到Tesco 見到guinea fowl 半價喎!

Guinea Fowl 中文名珠雞, 珍珠雞, 土耳其雞,係一種由非洲引入既歐洲既雞種~ 曾經喺餐廳食過西餐做法既guinea fowl,不過中式做法就係第一次!

有人形容guinea fowl 有一股好subtle 既"野味"香味~ 由於之前食過係西式有香料既做法,加上年代久遠,已經唔記得果陣"野味香"既點......

怕萬一果陣野味香太濃烈,都係唔好整白切穩陣d!

上星期整咗鹵水鴨仲有鹵水喎! 而且weekend 又買咗盒豬心片來鹵......咁就順便鹵埋隻珍珠雞啦!

 雞仔細細好香雞味且肉質嫩滑,唔錯唔錯~~~~

 盒豬心片鹵埋得d屎咁多,都唔知點解我會用咗咁大隻碟裝.......


 尋日買既黑鱲~ 好彩今日蒸時隻死魚眼仲係脹卜卜眼彈彈 - 代表仲係好新鮮!

>>>>>>>>>>>>>>>>>>>>>>>>>>>>>>>>>>>>>>>>>
連續落咗幾日雨,尋日終於出大太陽!


 草地"吽"出幾朵蘑菇來喎!

 依朵個形有少少似個pat pat!!

 一大一小"親子蘑菇"~

 依朵好圓好似超市賣既白蘑菇......

 不過一睇菇柄咁幼就知唔係超市果d!  (唔知依d菇食唔食得既呢?? )

 蕃茄薯仔湯食譜click here~

 鹵水珍珠雞(參考鹵水鴨食譜)click here~

 鹵水豬心(參考鹵水豬雜食譜)click here~



22 則留言:

  1. 呢d菇隨時有毒架,千萬不要亂試呀!!
    [版主回覆07/23/2010 07:14:00]我唔會~ 我講笑咋! 放心~~~
     
     

    回覆刪除
  2. 《Ka MaN 日記》2010年7月21日 下午7:38

    我次次整 鹵水雞都好‘鞋’... 你整得好滑咁喎...
    [版主回覆07/23/2010 07:14:00]其實我覺得主要睇隻雞!   妳試吓盡量揀細隻少少既春雞,而且最好仲係free range~ 連胸肉都滑d架!
     
     

    回覆刪除
  3. 我稔啲菇唔食得架 我花園都有好多呀!
    [版主回覆07/23/2010 07:10:00]哈哈~~~~ 我緊係唔會摘d菇來食啦!  我講笑架咋~ 放心!
     
     

    回覆刪除
  4. 好豐富的簡單住家飯...好好味呢... ....真系好, 系妳到學到好多食材的英文名..同點用.......平時系citysuper見到都唔太清楚是什麼?所以無買
    [版主回覆07/23/2010 07:08:00]下次妳再見到唔知係咩既食材時,記低個名,返屋企上網搵吓資料,咁咪知道點煮囉! 我好多時都係用依個方法架!
     
     

    回覆刪除
  5. Gaileは林家歐巴桑2010年7月21日 下午9:49

    d菇應該唔食得...
    隻雞滷得一定滑一滑嘞
    開頭見到妳講珍珠雞仲以為妳整糯米果隻添 好香"野味"味唔知係點既呢
    [版主回覆07/23/2010 07:07:00]我無唸住食d菇! 得幾隻炒埋都唔夠一碟!
     
    野味味唔多覺~ 係人地網上講既啫! 不過雞味比一般雞濃,肉又好嫩滑,好食過一般既雞!
     
     

    回覆刪除
  6. 嘩....落幾日雨就咁快出菇菇喎 ..
    我好少整鹵水呀 , 不過上星期到永安百貨買了台式鹵水包, 下次來試下先.
    [版主回覆07/23/2010 07:05:00]係囉~ 朵朵好似冬菇咁大朵!
     
    係咪我果個牌子鹵水包呀? 我果隻幾好食架~
     
     

    回覆刪除
  7. 好搞笑呀~~地下多左幾粒菇!
    如果再過耐D,會唔會成地都係架??@@"""
     
     
     
    [版主回覆07/23/2010 07:04:00]我都唔知呢?  果片草地成日都好多兔仔,唔知佢地會唔會食過d菇??
     
     

    回覆刪除
  8. d菇菇好可愛 好似外星飛碟咁 哈哈
    V女你果煲開左光 呢個湯一定好甜啦 哈哈 ^^
    k
    [版主回覆07/23/2010 06:43:00]不過菇菇可能有毒......
     
    個煲好好用呀! 我好滿意~ 又夠哂大個~~
     
     

    回覆刪除
  9. 我都懶左好耐, 差唔多成個月都冇煮飯了. 最多都係煲啖湯.
    我次次整滷水, 我老公都話香港同台灣的口味好唔同, 但係我覺得好好味啊. 到而家我都唔知有咩唔同.
    [版主回覆07/23/2010 06:42:00]好耐無見妳啊~  好嗎?
     
    妳老公係啱既 - 我都覺得台灣香港滷水有分別! 不過唔識點形容~  但我鍾意台灣既味道!
     
     

    回覆刪除
  10. 哇哇哇..加多雙筷子呀唔該 .我睇中左條魚.仲有我最鍾意食既雞,我可以一條友食晒一隻架.不過我最近都好懶,只系煲湯冇煮餸,因為屋企附近開左一間大商場,搞到我日日要去巡下d食店,嘿嘿..我每次返台北(hubby是台灣人唷),第一時間去超市買湯包(控制唔到呀),即系果d四神湯呀,麻油雞湯,當歸鴨,鹵水包等等,我諗放到過期都食唔晒,真敗家啊~
    [版主回覆07/23/2010 06:40:00]好呀~ 飲唔飲湯呀? 飲既話我就加多隻匙羹!
     
    原來妳先生係台灣人! 我同老公好鍾意台灣架~ 覺得果度地方又靚,又多書睇,野又好食......我直情想搬去台灣呀!
     
    P.S. 樓下果位林家歐巴桑先生都係台灣人,不過佢地住喺台灣!
     
     

    回覆刪除
  11. 我最近都懶左呀! 放左工就想訓覺唔想溫書啦! 不過我覺得係天氣影響! 哈哈~ (女人都係姓賴架! ) 不過呢排天氣真係好討厭呀! 日日都係一時放晴, 一時陰天, 一時大風, 一時落大雨 跟住又放晴 ! 變得仲快過我呀!
    [版主回覆07/23/2010 06:37:00]係囉~ 落雨就日日落,黃昏開始停就一滴風都無,焗到死!!!! 第二日又來過......
     
     

    回覆刪除
  12. 連續2日同網友msn 八八卦卦風花雪月傾過不亦樂乎==>  隻碟咁大,顯得啲豬心仲少呀陰公~~~~ 隻雞好正咁喎    鹵水雞真係好似未試過 
    [版主回覆07/23/2010 06:35:00]衰鬼~~~~
     
    d豬心煲得耐得滯,好似擦紙膠咁.......
     
     

    回覆刪除
  13. 菇,真係唔好亂試,少則肚痾或不受控狂笑;大則隨時命仔都無呀
    [版主回覆07/23/2010 06:34:00]我知嘞~ 我講笑架咋! 我都唔知咩菇來,而且得果3朵,炒埋都唔夠一碟!
     
     

    回覆刪除
  14. I don't think you can eat those mushroom.  Don't try.     Ummm, the chicken look so yummy.  
    [版主回覆07/23/2010 06:33:00]haha~~~~ of course i wont try the mushrooms! im not that stupid~
     
     

    回覆刪除
  15. 我地香港今日大雨到黑雨添呀~~~~
    [版主回覆07/23/2010 06:33:00]不過風球好似落咗係咪?
     
     

    回覆刪除
  16. 我今晚都係飲蕃茄薯仔湯喎,你碗湯有碌野係乜來架?
    [版主回覆07/23/2010 06:32:00]排骨~ 我懶無斬!
     
     

    回覆刪除
  17. 蘑菇唔好亂食呀~ 不過我知你咁精唔會食既~
    [版主回覆07/23/2010 06:31:00]哈哈~~~~ 我唔會真係摘來食!
    得果幾朵,炒埋都唔夠一碟啦!  
     
     

    回覆刪除
  18. Why you did not cook japanese foods?  e.g Sushi?   (since you like to eat so much). :)     I ask you because I want to try to make sushi this weekend. :)
    [版主回覆07/23/2010 06:30:00]actually i did! just not very often~  
    not always can buy fresh seafood ma!
     
    http://hk.myblog.yahoo.com/jw!0JxOTPiEFQXmfq1oXMpiHstVyvL2Ju4-/article?mid=3872
     
     

    回覆刪除
  19. 《Ka MaN 日記》2010年7月22日 下午5:09

    thx.... 等我 weekend 去睇下先... 我好鬼鍾意食鹵水雞,鹵水雞翼,etc....
    [版主回覆07/23/2010 19:38:00]you're welcome~  鹵水雞翼幾好架! 鹵起上來又好方便~
     
     
     
     

    回覆刪除
  20. 擦紙膠?  豬心都算幾快熟架,我鐘意切片滾湯 
    [版主回覆07/23/2010 18:00:00]我熄火後唔記得將個煲移開......
     
    咁妳知道我用hotplate 爐 - 熄爐後唔係即時降溫,係慢慢退溫架嘛~ 加埋cast iron 聚熱.....所以咪熄咗火後都繼續滾咗一輪囉......咁豬心咪變擦紙膠囉!
     
     

    回覆刪除
  21. 我最近返工好忙啊, 我係學校做Teaching Director, 忙著做下學期的planning, 老師interview.......
    但係我都係用台灣滷水包, 都唔知點解整出黎係香港口味. 我最鍾意食滷豬大腸,
    [版主回覆07/23/2010 19:39:00]無論香港滷水台灣滷水都好,我都會自行調味,唔會只係滷包既味道~
     
     

    回覆刪除
  22. 野蘑菇千萬唔好亂食呀
    [版主回覆07/25/2010 04:26:00]我講笑咋~ 唔清楚有無毒既野,我當然唔會亂咁擺落口啦!
     
     

    回覆刪除

Related Posts Plugin for WordPress, Blogger...