蕃茄紫菜肉碎湯; 鹵水鴨 & 蒜蓉菠菜
是日晏晝突然好想食茄蛋治!
自從自己學識焗麵包之後，幾乎未買過現成方包咁滯~ 不過喺依d突發性想食麵包既情況之下，搓得粉來發得酵再焗埋.......分分鐘已經餓死咗!唯有拿拿淋出街買麵包 + 蕃茄; 返到屋企快手切蕃茄煎蛋; 蛋放麵包上，鋪上蕃茄片，再唧少少茄汁，用另一塊麵包夾住......
)夜晚果餐本來仲有蜜汁煎蠔架.......
善後完都唔夠時間將蠔溶雪，而且都無心情整~
所以兩餸一湯算嘞!
(其實都唔關隻鴨事，係我自己唔小心之嘛......不過我決定賴隻鴨!!
)不過依隻鴨幾正喎! 皮薄肉厚唔太油，啖啖肉~~~~
>>>>>>>>>>>>>>>>>>>>>>>>>>>>>>>>>>>>>>>>>>>
雖然我依排掛住睇戲，少咗update 食譜 + 每日餐單，不過我其實唔係日日都偷懶架!
不過心急睇戲睇電視，所以多數煮快手野......
早幾日炒咗一次乾炒牛肉烏冬食到上咗癮! 連續食咗兩晚都唔厭~
正!!!!!!!!!!!!! 蕃茄紫菜肉碎湯食譜click here~ 鹵水鴨食譜click here~ 乾炒牛肉烏冬(參考乾炒牛河食譜)click here~
v姐姐
回覆刪除你有篇blog好似唔見左ar
父親節戈篇search到但係入唔到去ar
[版主回覆07/18/2010 01:34:00]唔係唔見咗，只係我將果篇改咗做私人文章，只有我加咗做朋友既扑友先可以睇到!
我都覺得滷水既野好好味﹌ 肉又好﹐豆腐都好﹌
回覆刪除[版主回覆07/18/2010 03:36:00]仲可以滷內臟!
隻鴨點整爛個煲呀？隻鴨用腳踢佢
回覆刪除[版主回覆07/18/2010 04:17:00] 話時話今次依隻係新鮮鴨，唔洗溶雪既~ 不過又未至於新鮮到咁!
呀Miss V唔該整兩件 鹵水鴨來吃呀,哈哈!
回覆刪除[版主回覆07/18/2010 17:03:00]食鬼哂咯~ 下次早d到嘛!
很可愛的Mrs.T
回覆刪除[版主回覆07/18/2010 17:03:00]Thank you miss~
隻鴨已經俾妳食落肚當陪罪啦 又滷得幾鬼靚喎
回覆刪除我鐘意碟乾炒烏冬,配埋碗粥仲正!!唔知煲咁快玩完啦,早知前一日煲埋啖粥先送佢扯囉
[版主回覆07/18/2010 17:02:00]我老公唔鍾意食粥架! 果個31cm 用來煲粥太大嘞，所以我決定買多個細少少來煲粥!
妳有藉口可以買煲啦
回覆刪除[版主回覆07/19/2010 16:17:00]已經買咗嘞!
哈, 爛左咪好囉, 又可以多個藉口去shopping買野..
回覆刪除[版主回覆07/19/2010 16:17:00]真係知我莫若妳嘞! 第二日即時買返隻新煲嘞~
你老公真幸福!!
回覆刪除[版主回覆07/19/2010 21:06:00]我老公成日都話佢自己好幸福~ 不過我覺得我仲幸福過佢!