忙極都要食野架! 2010年6月29 + 30日 (附食譜)

過去整整一星期幫老公搞丁屋既野，幫佢整理文件，又要就啱時差打電話返香港越洋處理事項......無時間煮三餸一湯呀! (其實係無時間plan 餐單 + 去買餸就真!! )

事項暫時處理得七七八八~ 老公有大咋信件要簽名，因為當初入紙時既文件，62要老公簽中文名，咁而家當然都要簽返中文名啦......

睇住老公簽名逐筆逐筆"鬥"個字出來，筆劃千奇百怪，右至左又有; 下至上都有......真係笑到我反肚!!!!   

無時間三餸一湯都要食野架! 反正依幾日天氣都熱熱地到胃口麻麻，咁煮d簡單快手既野啦!

最緊要係快手!!!!!!

6月29日 (星期二)

雖然自從買咗部pasta machine 後，間中我會自己整意粉~ 不過有時然興起想食，無理由到時先來搓粉架嘛!

所以我仍然買定好多現成pasta 存貨 - 尤其係口味 / 外型新奇既pasta!

 是日一個人lunch 煮咗依包corn spaghetti (粟米意粉)~

 其實依包粟米造既意粉，係特別for 有Coeliac Disease (麩質穀膠不耐症)既人! 成份完全不含小麥麩質~

我並無麩質穀膠不耐症! 果次行超市貪得意買來試吓啫~~~

 胡亂快手整咗依碟熱辣辣香噴噴又好味既意粉~

粟米意粉無論煮熟咗未，顏色都比普通麥造意粉深黃色; 質感其實同普通意粉無分別; 不過味道方面，粟米意粉帶有一股類似中式粉麵，好難形容既味道，個人覺得依種味道同一般意粉煮法格格不入!

我都係鍾意普通意粉多d!!

現時我屋企除咗有常備既普通pasta + 墨汁pasta 之外......

 仲有d特色pasta!

 早排去意大利旅行時買既玫瑰花瓣扭紋粉;

 Asda 出品既蒜蓉九層塔闊麵;

 Asda 出品既辣椒筆尖通粉;

 Sainsbury's 買既意大利長麵~

係時候要清緊d貨嘞!! 否則一個唔覺意到咗期就弊傢伙~~~~


是日晏晝食咗快手意粉，晚餐本來想食燒大舊牛~

不過Asda 無哂有骨rib joint，我又懶廢事行去Tesco......

 不過牛扒減價喎! 就食牛扒啦!!

我買咗一pack 西冷扒 + 一pack 肉眼扒，兩pack 都好靚~

我一向只食Scottish beef~ 點知我到影相時先發現 - 原來包肉眼扒係British beef 來!!

見佢地包裝一樣，我仲以為全部都係Scottish 添......

 是晚食西冷牛扒飯~ 不過唔鬼記得買個西蘭花......


6月30日(星期三)

本來是晚食肉眼扒，不過果2塊肉眼扒咁細塊好似唔多夠......

 於是整咗大兜雞肉大蝦沙律~

晏晝99臨時打電話來，想我返去幫佢地打中文信件!

老公就問我可唔可以整個pizza 帶返去? (因為99鍾意食pizza!)

得得得!!!
老公出到聲，要赴湯蹈火都無問題!
 
(何況只係區區一個pizza~ )

 即時去買料整咗個香蒜青檸雞pizza!

 所謂青檸雞只係Asda 既現成貨 ，不過我另外加咗pepperoni、磨菇、青椒、粟米!


當老公問我可唔可以整pizza 帶返去99度時......

 我: 好呀! 你想我整咩pizza?

 老公: 不如整海鮮pizza 吖?

哇哈哈哈哈~~~~~~

 有人曾經覺得海鮮pizza 好怪，對海鮮pizza 非常抗拒! (網誌)

上次我堅持屎都要整一次海鮮pizza，結果我盡剝對方棚牙! 而家人地主動要求食海鮮pizza 喎!! 呵呵~~~~~

不過尋日我懶得行去Tesco 買海鮮喎! 所以食雞肉pizza 啦~

 香辣蒜味帶子意粉食譜click here~

 雞肉大蝦沙律食譜click here~

 V記巨有無霸薄餅食譜click here~