依味集少少矜貴、營養豐富、滋陰養顏、多多美味 + 煮法簡單於一身小菜，係根據V媽媽既做法老翻出來既!
1. 樽裝或罐頭白露筍瀝乾，如白露筍太長可切半; 罐頭鮑魚1罐，取出鮑魚切片備用，保留鮑魚湯汁。
2. 燒熱油放入鮑炒一會後，加入白露筍兜勻。
3. 加入蠔油約3湯匙和鮑魚湯汁和糖各少許兜勻，煮滾2分鐘。
4. 勾粟粉水芡兜勻上碟即成。
露筍大致可分為青露筍、白露筍 + 紫露筍三種; 當中以當造期最短(4月至6月)既白露筍最為矜貴，以前係供皇室貴族享用既蔬菜有，所以有"luxury vegetables"之稱~ 種植白露筍整個過程，要將露筍遮蓋阻隔陽光，露筍就會變成白色。
喺英國我暫時仍未見過有得賣新鮮白露筍! 而依味餸所用係經加工既樽裝 / 罐頭白露筍，價錢便宜~
妳唔講我真係唔知白露筍咁矜貴...依排去街市成日見到新鮮白露筍,好長...我以為係綠色放太耐冇人買變到白哂添,真係唔識貨!!今日去街市再睇下有冇先
回覆刪除個餸真係簡單快手又好味喎...
[版主回覆06/10/2010 18:29:00]我未食過新鮮白露筍架! 因為依度無見過有得賣~ 所以我唔知新鮮可唔可以咁整?
我係london間selfridges度見過有新鮮既白露筍賣。但係白露筍其實青露筍無咁有營養架
回覆刪除[版主回覆06/10/2010 18:28:00]我好似真係無見過新鮮既白露筍呀......
係咩? 我只知最無營養既係紫露筍(高糖 + 低纖); 不過 白露筍就含豐富維他命C、鈣及鏻~
不過無青露筍咁有營養都唔緊要啦! 鮑魚營養搭夠啦~
無青露筍*
回覆刪除嘩，做咩開鮑魚呀
回覆刪除白露筍真係未食過，入咗樽依啲好似淋pat pat咁，所以唔敢買黎試
依家想試下Gaile整嗰啲茭白筍就真，不過要去街市搵下~
[版主回覆06/10/2010 18:21:00]樽裝 + 罐裝係淋架! 不過咁用蠔油炆一陣好好食架~ 新鮮既我反而未食過，因為依度無得賣....
舊年我好似見過依度有茭白筍賣架! 不過今年仲未見到......
噢 ! 鮑魚好味呀 .
回覆刪除[版主回覆06/10/2010 18:18:00]鮑魚係我至愛~~~~~
好矜貴呀, 食唔食得晒呀.....幫你食d呀. 我平時多數都係 鮑魚片(即螺片)炒西蘭花......
回覆刪除[版主回覆06/11/2010 16:24:00]鮑魚係我至愛，一定食得哂!
鮑魚片即螺片????? 咁係鮑魚定係螺?? 我未見過......
我呢邊完全買唔到鮑片呀﹌ 想去意大利人度搵鮮鮑都搵唔到呀﹗ 我下次再問過﹌
回覆刪除[版主回覆06/11/2010 16:22:00]車輪鮑係原隻鮑魚來架，唔係片架! 開咗罐我自己片架~
而我d鮑魚唔係喺依度買架，係V媽媽寄比我架!
呢個餸容易好多.......
回覆刪除[版主回覆06/11/2010 16:19:00]好味既野唔一定好難煮架!
你就好啦﹗有媽咪寄野俾你﹌ 我唔敢出聲呀﹗因為冇人叫我走黎呢度架﹌ 如果我一投訴話咩咩買唔到冇得食既話﹐ 佢地一定會話: 好心你就返黎啦﹗你玩完未呀?﹗ 咁架﹗
回覆刪除[版主回覆06/13/2010 03:12:00]我來咗咁多年，由以前讀書開始，V媽媽年年都會寄幾次野比我架!
我又最鍾意食鮑魚，所以每次返英國，V媽媽又會煮一盒比我帶上飛機食~
好 矜貴有鮑魚食
回覆刪除[版主回覆06/13/2010 03:08:00]鮑魚係我至愛來架!