其實早排睇咗3套戲不過仲未有時間寫，加上依排Yahoo Blog 成日都short short 地，遲吓有時間先補返啦!
早排知道"歲月神偷"得到柏林影展水晶熊奬，加上我 + 老公一向都好鍾意任達華，已經對依套戲好有興趣!
不過唸住遲吓返香港時先買DVD睇......點知星期四晚返99度，佢問我地睇咗未? 咁我地就攞咗隻DVD返屋企睇嘞!
一開場我已有非常強烈既感覺 - "歲月神偷"係"港版Always 幸福之三丁目"!
"Always"故事背景係昭和30年代(約1957 - 58年)既日本東京三丁目; 而"歲月神偷"就係60年代既香港深水埗~
我對昭和30年既日本 + 60年代既香港同樣無乜認識，唔知當時真實既街景同電影中既有幾相似 - 因為小妹尚未出世!
不過"歲月神偷"喺上環永利街搭出來既街景，同"Always"裡面昭和30年既三丁目激似! 
而且2套戲都係溫情片~ 不過"歲月神偷"溫情得來傷感
; 但"Always"就由頭到尾都係令人好回味好sweet 好warm既溫情~~~~ 
畢竟2套戲文化背景唔相同，"歲月神偷"確係好有香港特色，亦見到現今港產片罕有既誠意 + 水準~ 真係好值得一看!!
任達華演技唔需要多講啦! 當我睇到果幕佢食飯鬧大仔Desmond 既戲時，我真係好戥Desmond 難堪，雖然唔係鬧緊我，但我真係睇到想喊~~~
後來大仔有病入院，佢漏夜去押鋪典當結婚戒指為大仔籌旗輸血，仲堅持要輸貴價新鮮血......我真係睇到眼濕濕~~~~
從來無唸過睇吳君如都會睇到想喊! 雖則佢攞過金像影后，但其實我從來都唔覺佢係好戲之人
......當然我好佩服佢唔介意經常醜化自己! 不過今次"歲月神偷"裡面既吳君如真係令我完全改觀咗! 
事源睇"歲月神偷"前，我一直只知有任達華 + 吳君如，其他有咩演員都一概不知!
開場無耐我就話:
咦......原來"王力宏"都有份架! 老公都幾鍾意王力宏架! 因為佢唱得之餘，鋼琴結他樣樣精......
一路播緊"歲月神偷"，我 + 老公一直討論緊"王力宏"既演技! "王力宏"乜乜乜，"王力宏"物物物咁......
一幕"王力宏"喺學校禮堂無啦啦捧住個結他，老公仲講咗句:
唔係又要show off 吓佢彈結他幾勁吓哇?? (結果佢真係彈結他喎!!!
)直至戲播咗大半，老公手痕上網check IMDB (Internet Moive Database)......
老公: 喂Honhon~ 王力宏係咪就係Desmond 呀? (Desmond 係戲中任達華既大仔! 
)
我: 係呀! 
老公: 咁點解IMDB話演Desmond 果個人叫做Aarif Lee 既?
我: 係喎......可能"王力宏"真名姓李啩!!?! 可能"王力宏"只係藝名來......
不過我越唸越唔對路!!!! 咁就停咗DVD上網搵搵.......有無搞錯呀!!!?!?!??!?
同王力宏成個孖生餅印咁款!!! 
點會有人咁鬼似樣架?????
似樣程度已經夠哂詭異!
更詭異既係 - 一聽2人口音就知佢地都係講慣英文，廣東話都有少少半鹹淡; 而且2人唱腔激似; 仲要2人同樣彈得一手好結他......
係呀~ 我之前完全未聽過李治廷依個人架! 一向只知王力宏架咋!! 而且我一向好少會認錯人，所以我個咀O咗成晚!!!!
I can't believe he's not Leehom Wang!!!!!
V評分:
美中不足係打風一場既電腦效果~)
各位留9唔搭8 spam + 賣廣告既厚面皮人渣垃圾佬 + 垃圾婆~
回覆刪除想話比你地知 - 無論你地一日入來留幾多次垃圾，本小姐一見到都會全數剷清!
佢地又真係幾似既.. 但係李 治廷係HK都叫做幾新.. D人應該識 王力宏多過佢XD
回覆刪除[版主回覆06/28/2010 21:24:00]佢2個激似呀!!!! 我睇依套戲之前完全唔知有個人叫李治廷呢......
呢套戲我都有入戲院睇呀 見到君如比$$要鮮血果刻我都流眼淚 .... 係一套好戲 k
回覆刪除[版主回覆06/28/2010 21:23:00]係幾感人溫情既~ 不過我仲頂得住未喊出來!
我仲未睇呀..不過見大家咁推介,睇黎我都要去睇下先得!
回覆刪除PS:乜李治廷同王力宏似咩?我睇落唔覺WO..(可能係套戲入面D造型會似D啦...到時睇下係咪真係咁似先!)
[版主回覆06/28/2010 21:22:00]我就覺得佢地似樣到似孖生嘞! 好多網友都覺得佢地似樣~
套戲我仲未睇呀!!搵日要租返黎睇... 我blog個音樂背景咪係套戲首歌囉,係林治廷唱,第一次睇預告見佢一見以為佢係LeeHom,但睇耐左就唔似...我好鐘意王力宏架 佢好似係馬來西亞定印尼華僑,簽左黎明公司,係今年力捧新人
回覆刪除[版主回覆06/28/2010 21:22:00]我好耐無開電腦speaker 嘞，我都唔知妳個blog 有音樂......
係呀~ 我上網搵過佢既資料，佢爸爸係馬來西亞 + 中國; 媽媽就係香港人! 不過佢真係好似王力宏!!!
哈...我一開頭都以為係王力宏, 但再睇多一兩個shot, 發現王力宏應該冇甘後生....
回覆刪除呢幕 >>>> 後來大仔有病入院，佢漏夜去押鋪典當結婚戒指為大仔籌旗輸血，仲堅持要輸貴價新鮮血......我睇眼淚流晒出黎, 係我覺得最深刻既一幕
[版主回覆06/28/2010 21:20:00]哈哈~~~~ 我 + 老公就係覺得 - 有無搞錯呀? 搵王力宏扮十幾歲!!!
依幕我印象都好深呀! 尤其睇到任達華話: 新鮮~ 緊係要新鮮.....再攞錢出來果種愛鍚個仔既心情.......
這套戲系近年少有特登買票同朋友入埸睇的電影 , 故事內容簡單平淡 … 但睇睇下睇到紙巾都濕濕地 …. 被感動了 …. 之前都寫左個 Blog… 有興趣可以去睇下 從金魚缸看世界
回覆刪除http://hk.myblog.yahoo.com/jw!5vXp8WOFGwS.fXeTHu8-/article?mid=378
Always 從來無聽過睇過 … 但 Mrs.T 講得好睇 , 推得 ….. 同埋睇黎好似幾有趣 …. 等我睇下邊到買到先 …… 多謝妳推介
我未坐過 Qatar Airline 系唔系唔真系唔掂架 ?
[版主回覆06/28/2010 21:17:00]一陣過去睇妳篇影評~
"Always"無喺香港上過架! DVD都好似無香港版，所以好多人都未聽過 + 未睇過! 妳真係想睇既話，可以去YesAsia.com order: http://www.yesasia.com/global/search/%E4%B8%89%E4%B8%81%E7%9B%AE/0-0-0-bpt.48_q.%E4%B8%89%E4%B8%81%E7%9B%AE-zh_TW/list.html
不過妳睇英文字幕OK嗎? 因為有中文字幕既台灣版唔會送香港，所以妳只可以order 得英文字幕既日本版 (如果妳識日文就無問題啦!)
我 無話過 Qatar Airline 唔掂呀! 我唔鍾意要喺Doha 轉機之嘛! 果排恐怖份子好活躍，而且Glasgow 無機，要去Manchester 登機~ 其實Qatar Airline 唔錯架，Doha 機場其實都好靚好先進~
我都有諗住租黎睇呢~~
回覆刪除而家好多人鍾意 李治廷架
[版主回覆06/28/2010 21:05:00]依套戲好值得睇~
我真係覺得李治廷太似王力宏嘞!!!!!
你好攪笑呀,咁都會認錯,我覺得 王 力宏靚仔好多.
回覆刪除[版主回覆06/28/2010 21:04:00]咁我之前唔知有個人叫李治廷嘛! 而且佢地2個真係好似樣!!!
李治廷係新人黎架嘛, 個樣真係幾似王力宏, 妳未見過李治廷, 認錯一啲都唔奇呀~
回覆刪除不過我都係覺得王力宏靚仔啲, 有氣質啲
[版主回覆06/28/2010 21:01:00]之前完全未聽李治廷! 知道佢唔係王力宏之後真係嚇親......似樣到吖!!!!!
哈哈~~~ 以前有朋友話我老公有少少似王力宏! 不過我又唔覺喎.......
哈哈，我一向認人都好差，不過今次我叻少少，冇認錯呀
回覆刪除[版主回覆06/28/2010 20:59:00]咁我之前唔知有個人叫李治廷嘛.......
係呀﹗我尋晚成幾個鐘都ＬＯＧ唔入個卜﹗﹌ 嘩﹗我好怕睇戲睇到喊架﹌ 不過果兩個男仔真係似樣架﹗
回覆刪除[版主回覆06/28/2010 20:59:00]妖~ 連續2晚都係咁，真係不知所謂!!!!!!
依套我眼濕濕啫，仲頂得住未喊出來!
佢2個直頭一模一樣樣啦!!! (仍然覺得好難相信唔係王力宏....)
好耐都無睇過咁好的港產片了! 個細路仔好可愛, 好好戲! 令我又笑又哭~
回覆刪除[版主回覆06/28/2010 20:57:00]妳仲眼淺過我喎! 我都係眼濕濕啫~ 仲頂得順未喊出來.....
呢套戲我未睇呀
回覆刪除[版主回覆06/28/2010 20:56:00]依套真係好值得一睇!
WO..佢地真係好似樣嫁, 之前有幾次我都認錯
回覆刪除[版主回覆06/28/2010 20:56:00]直頭一模一樣孖生咁款! 似樣到離奇~~~~
我都啱啱睇咗呢齣戲，覺得好好睇。尤其是任達華同吳君如啲對白，好有親切感，因為細個時阿媽都係咁鬧我架。仲有個老師，以前啲老師真係咁架，鬧人唔使本。成套戲令我有番小時候既回憶！
回覆刪除[版主回覆06/28/2010 20:55:00]直頭啦! 係架~ 以前d老師真係咁架!!! 不過唔係對我 - 我細個時品學兼優架! 不過有時曳起上來，真係喺街都會比V媽媽打到飛起架......
雖然得獎, 但我仲未睇呀
回覆刪除[版主回覆06/28/2010 20:53:00]就算依套戲唔攞獎都好值得睇~
想睇未睇
回覆刪除[版主回覆06/28/2010 20:52:00]想睇就買來睇啦! 值得一睇架~
呢套戲 , 上畫過陣 , 我係戲院睇左 , 一路睇 , 有好多情節 , 都令到我好想喊 , 同你感受一樣 , 尤其係任達華一路食飯一路鬧大仔過陣 , 到後來 , 吳君如帶兩個仔去內地醫病等等嘅情景 , 我都睇到眼淚直流 , 但係我偷望其他坐前面或側邊嘅人 , 竟然無人抹眼淚 , 唔知會否係我感情過份豐富呢 ..
回覆刪除[版主回覆06/30/2010 16:30:00]雖然我都覺得依套戲感動，但我都仲未喊得出來，只係眼濕濕啫~ 不過每個人感受都未必相同架嘛!
Mrs.T 第二集睇完了 , 好在有妳講低 , 所以有心理準備 , 因此雖然比第一集失色 , 但亦無太大失落感 , 不過其實都 o.k. 既 , 只是情節就真的單薄左少少 , 一樣都一賣點點的人情味 …. 不過如果唔系好用心睇 …. 就會有少少悶的感覺 … 可能真的見第一集收得 ….就 趕住拍第二集 , 所以好似差左幾皮
回覆刪除[版主回覆06/30/2010 16:27:00]
無論第一集幾好既戲，都好難走出續集維持唔到水準既宿命.......
孖T又多一件攪笑事~
回覆刪除[版主回覆07/01/2010 20:47:00]咁佢地2個實在太鬼似樣嘛!
賣血那場戲, 當吳君如徐徐拖著任達華的手, 撫摸著他深深的介子痕, 立時忍不住掉下淚來呢!
回覆刪除後來CD SHOP又是播這片段, 我立刻9秒9速逃!
[版主回覆07/26/2010 20:51:00]佢地唔係賣血呀，係"買血"呀!
依場戲我都覺得好感動~
弊! 打錯賣字tim!
回覆刪除[版主回覆07/28/2010 19:32:00]